Biblia Todo Logo
Bìoball air-loidhne

- Sanasan -




Jeremaia 2:5 - Intas Etipup

5 et ika a Ihova. Neveh nedo maumau inig eris ecetai irak a ilpu retpomia, mika eris apan itac acen vai nyak ara, is um takitai nedo ura, eris lep ahnag ara?

Faic an caibideil Dèan lethbhreac




Jeremaia 2:5
24 Iomraidhean Croise  

Eris lep esjum vai intas alep o un ara, im intas etipup o un ehele ilpu retpora, im intas asuptecnaig o un is ated ra vaig aien; eris apol irai takitai ara, um ago nedo ahnag, um apitac irai ilpu atimi apat eris arehed ira ra ara, is tas vai ra a Ihova ehele ra, um ika, Jim ago nedo ura.


Erupu idivai ra a ilpu atimi ago ra; ara asega marom era asgeig ira ra ara.


Is ika a Natimarid, Vaig inig nikavaig, era apam ubutpotet ehelek a nup igcaki an nipjineucsera, um imiahpas nyak an tas ura, ja era ati itac acen vai nyak inliinmopora ara, era lep ecen vai nyak ara vai intas alep u ilpu atimi iji ig era esege imi ra ara:


Era takitai ara asega ilpu atimi wud ugnyit irai atmasimai; et has niji itai merit ura; era esjum a ilpu atimi asuptecnaig intas ehele ra par almoi itai um ato itai, mika eri ehcamai ara.


Akumu atahaijeg intas unyak aijaua, ak ilpu atimi et ipjin inliinmopomia aijaua, eka itac acen va nedo upene aijaua:


Ja era idim ahnag ara, um eti eteuc lelra: et itai asjaaicnaig vai nauoh takitai ura nauincai iyehki.


As mun ahwai ra aiek, era mun umumoh ara va neucvara: era ededel ara um oho: na ubutpotet aiek u nipjineucsera, ja na itac acen aiek u inliinmopora.


Et idim eti emda tah irai ilpu atmas era alaigaheni vaig a ilpu atimi apat par ika yi ehe; et idim eti tup ispun ahes an nohatag incopda; na idim Atua aiek, ak Ihova Atua unyima; va nitai inigki ecrupu asgeig iram aijama: na mun idim ago nitai iji igki asega aiek.


Ak ilpu atimi an nopan inig, akumu aktaktai intas o Ihova aijaua. Ek mun idim eti idivaig namasacen ainyak vai nup Isreel, um eti idivaig inpece u napat; eris idim ika a ilpu atimi unyak van he, Ecra ilpu atimi alupas aijama, ecrupu eti lep adumoij pam ehelum aijama?


Akumu atahaijeg intas o Ihova aijaua, ak ilpu mapoi Jekob, im niji tehet asega u nup Isreel:


Akumu ahgei aijaua nohrai inhalav atahig u ilpu atimi unyak et ahlaig aien an pece itac acen, um ika, Et amen Saion a Ihova, ka oʼo? et amen iran natimarid o un, ka oʼo? Era a uri ara par auahas inliinmopok vai niji atmasimai ura im lep vai ilpu atmas u nup urai taka pece?


Ak inhal u natimi, era ika a nup u Jerusalem ehele di asega, nikavaig, Akumu itac acen vai Ihova aijaua; eh mun alupai cama inpece inigki mika ecri ohuun aijama? ehele ilpu etwam marom, im ilpu atimi ehpan iram, im nup Isreel asega.


mika ki aru irai up Isreel ainyak, yi idivaig nedo u inliinmopora, vaig inig nikavaig, era esjum vai nyak ara asega vai niji atmasi-mai ura.


Ara era asgei irai ilpu atmas ara, era udei Natimi imiatamai ra ara.


“Era eteuc ubutpotet ehelek a nup igcaki an nipjineucsera; ja et itac acen inliinmopora ara vai nyak.


um ika, Ak ilpu atimi alupas, eka auri aijaua par ago nedo ineigki? ecrau idim atimi aijumrau, um idivai caua; ecrau asuptecnaig intas-upene ehelemia aijumrau, mika aki ude nedo ahcil ineigki aijaua, um ahidaig pan caua ehele Atua umoh is ago nohatag aien, im nobohtan, im injop, im niji itai asega amen iran:


va nitai ineigki, nikavaig, eris ato Atua ara, jam eti imyiahpas yin is idivai Atua, um eti naaurineig vai yin; ja is takitai naktaktai ura, is lep aupat inliinmopura ahnag:


Eris atupun nedemda unyak ara vai nitai inig et eti Atua; eris auahas inliinmopok ara vai ilpu atmas ura: ekpu lep ika ainyak eri auatitai va atimi era takitai ara; ekpu lep auahas inliinmopora ainyak vai ilpu atimi ahnag.


jim melga aijaua, um jim alaigaheni vai takitai aijaua, et eti upene nitai iji ig, et ehka vai ra nimiatamaig caua vaig; et idim takitai nitai iji igki.


Lean sinn:

Sanasan


Sanasan