Jeremaia 2:3 - Intas Etipup

³ Is um ika a Ihova. Era itap vai Ihova a nup Isreel, um lep hupnai ohwai itai o un: uhpu aru nedo ura asega era auahas ra ara: etpu yetpam ira ra nohocred.

Jeremaia 2:3 Iomraidhean Croise

Eksotus 22:29

Akumu auroauro aijaua um ahlap irai hupnai ohwai itai unyimia, im nide vaine uhup unyimia: um lep ikni imi nyak inmeto irai ilpu halav asega unyimia.

Eksotus 23:16

um asjapicnaig an nopanmeto u itai, inhupnai an nauritai unyum, as ahwaig aiek an nobohtan: um asjapicnaig um hag an nopan asjapicnaig itai iran, an nilpun lidija, nau wit asjapicnaig nitai iji igki aiek as auritai vaig aiek an nobohtan.

Aiseya 41:11

Akumu alum ra sji igki asega aijaua era edemda vai caua ara, erupu ehcamai ara um reiman jipe: erupu idivaig intakitai ara; uhpu auahas ilpu atimi iji igki era ehtauo ehele caua ara.

Aiseya 47:6

Kis edemda vai ilpu atimi unyak ainyak, kis auahas nitap u ilpu atimi amen an pece unyak ainyak, kis atcijaig ra ehelum ainyak: ja as eti aiheuc vai ra aiek; is opoc alupas nitai ahelwei unyum as atijai irai ilpu efatimi aiek im ilpu atimi alupas.

Jeremaia 12:14

Et ika a Ihova vai ilpu atimi eblaamnem asega unyak, ilpu atimi auatatimi iji ig marom era auahas inpece inig ara kis ika ainyak eri ohuun a ilpu atimi unyak nup Isreel; Ekpu idim iknipagki ra ainyak an pece ura, ekpu lep iknipagki nup u Juta ehele ra ainyak.

Jeremaia 2:4

Akumu atahaijeg intas o Ihova aijaua, ak ilpu mapoi Jekob, im niji tehet asega u nup Isreel:

Jeremaia 30:16

Ja uhpu auahas ra sji ig era auahas euc ara; uhpu imiapan an taka pece ilpu atimi tak atimi iram asega, inyi eti amen tah; uhpu atoraliak itai u ra sji ig era atoraliak itai unyum ara, uhpu ehcerucai ra sji ig asega era ehcerucai euc ara.

Jeremaia 50:7

Eris auahas ra ara asega eris ecet ra ara: eris lep ika a ilpu atimi tak atimi ira ra, Inta eti ago nedo has akaija, vaig inig nikavaig, era mun ago nedo has ara vai Ihova, nuarin amen iran u nedo atoh, vai Ihova marom, eris asgeig iran a ilpu retpora.

Joel 1:3

Akumu asuptecnaig vaig aijaua ehele ilpu hal unyimia, erumu lep asuptecnaig a ilpu hal unyimia ehele ilpu hal ura, um lep asuptecnaig a ilpu mapomia ehele ilpu hal ura.

Emos 6:1

KAIHEUC vai ra era tup eklim amen ara an nedoon Saion, im lep ra era ika ara era amen upene an nedoon Sameria ara, era ilpu atimi alupas irai nup urai pece esjilid ara, era yetpam ehele ra a nup Isreel!

Habakuk 1:11

Ja et lep alupas nemda ura vai itai, era ahced inpece ara, um ago nedo has, um ika, Nemda u nup u Juta nigki vai Atua ura, ka oʼo?

Sekaraia 1:15

Ek edemda alupas ainyak vai nup urai pece iji ig era tup eklim amen ara: kis idim edemda tintin ainyak, ja eris ika ara yi alupas nohocred u ilpu atimi unyak.

Sekaraia 2:8

Et ika a Ihova esjilid acen; Is upyi hup aien um ika yi ati natimi alupas imi caua, ja is par apitac aien um abrai nyak ehele nup urai pece iji ig eris atoraliak itai unyimia ara; et idim inveijec, nikavaig, aien et ego tah nedo has vai caua aien, et ago nedo has aien va nohwanaga apig an nesganimtan.

Numera 18:12

Ek mun alupai euc narakei esjilid asega ainyak, im nide vaine esjilid asega, im hwiit esjilid, im inhupnai itai iji ig erupu ahlap iran ara vai Ihova.

Nupu Roma 11:16

El et upene inhupnan, etpu lep upene nohoan asega: el et upene nicvancai, et lep upene inran asega.

Nupu Roma 16:5

um lep aiheuc vai nup an nakalasia an nimnim urau. Aiheuc vai Epinetus etoak upene, is hupnan aien vai Kristo an pece Akea.

Nupu Efesus 1:4

et idivaig is ehtai caija aien vai yin an naopan iyehki is pam eti eteuc nobohtan, mika ti upene akaija, um ti nedo has uja, an nuhup o un:

Tyuteronome 14:2

Eka ilpu atimi itap vai Ihova Atua unyimia aijaua, is ehtai caua a Ihova mika aki ilpu atimi o un ache aijaua, irai up urai iji pece asega an nobohtan.

Tyuteronome 26:19

Um ati caua mika aki esjilid acen aijaua irai up urai iji pece asega is ago aien, va nimiahpas caua, im nidamia, im natimi alupas unyimia; um lep mika aki ilpu atimi upene u Ihova Atua unyimia aijaua, et idivaig is asaig aien.

Tyuteronome 7:6

Eka ilpu atimi itap vai Ihova Atua unyimia aijaua: is ehtai caua a Ihova Atua unyimia mika aki ilpu atimi o un aijaua, is esjilid naiheuc o un vai caua ira atimi asega an nobohtan.

Jakobus 1:18

Is apos caija aien va nasaig o un an tas inivaijec, vai tupu hup nan ohoai itai akaija irai iji itai is ago aien.

1 Pitrus 2:9

Ja eka “ilpu atimi eris ehtai ra aijaua, um ilpu atimi ahlap atimarid, um ilpu atimi itaup,” um ilpu atimi eris auarimtara; mika aki ehvaig aijaua nupene o un is ahlaig pan vai caua aien an naupat unyimia, um ikni caua an lah o un ineig er imyiali:

Nitai ehvaig 14:4

Ara aigki eris eti auahas ra irai ilpu takata; era ilpu atimi upene ara. Era apitac Lam ara irai iji uarin asega et apan iran aien. Eris imyiatamaig ra sji eigki ehele atimi, eris hupnan ara imi Atua im lep Lam.