Jeremaia 2:2 - Intas Etipup

² Namu apan aiek um tas ijinies ehele Jerusalem, um ika. Ak intakata, et ika a Ihova. Ek mun imiehva euc ainyak im lep naiheuc unyak vai euc an natahig unyum, im naiyu u inliinmopok vai euc, kis wat aniv euc vai nyak ainyak, as wat ahced nyak aiek an namasacen, an pece iyehki eris eti ahapol iran.

Jeremaia 2:2 Iomraidhean Croise

Saam 129:1

ERUMU ika a nup Isreel, Eris ecahinag ehcerucai cama ara ahes an halav unyima um imihum pam an nopan inig:

Eksotus 14:31

Eris almoi a nup Isreel nauritai esjilid iyehki u Ihova irai up Ijipt: eris imtitai Ihova ara, um imiisjis ninveijec intas o Ihova, im lep Moses naheca o un.

Eksotus 16:8

Is ika a Moses, Akupu ato nitai inigki aijaua, etu wit alupai caua nitai caig incamia a Ihova an jupura, im lep nitai caig an nuhialeg, akupu geije iran aijaua; et idim atahaijeg a Ihova intas edemda iji ig eka asaig vai yin aijaua: ecrau he aijumrau? eka eti asan tas edemda vai cumrau aijaua, ja vai Ihova.

Niji tas Arapakau 1:20

Et ahlaig a Narapakau itac; er ahgei nohran irai efalaig:

Nohranitai U Solomon 3:11

Akumu apan aijaua, ak ilpu halav atahig u nup u Saion, um almoi natimarid Solomon, im nitai adgaig o un inig is adgaig imi yin a risin, an nadiat iyehki eris aniv yin iran, an nadiat iyehki is imiacitak inliinmopon aien.

Nohranitai U Solomon 3:6

INHE nigki et ahes an namasacen um aridjipam, et idivaig nauaneaig nadran cap, et auanipin upene irai mir, im nidincai auanipin, im niji itai auanipin asega u ilpu atimi auarimtai itai?

Aiseya 58:1

NAMU ahlaig ijinies aiek, namu jim itai vai ra aiek, etmu acreh nohram aiek um idivaig intoho, namu asuptecnaig ehele ilpu atimi unyak aiek nedo imipalea ura, um lep asuptecnaig ehele ilpu mapoi Jekob nedo has ura.

Jeremaia 11:6

Is um ika ehelek a Ihova, Namu asuptecnaig intas iji igki asega aiek irai iji maliyum an pece Juta, im lep irai iji efalaig Jerusalem, um ika, Akumu atahaijeg niji tas an tas etipup inigki aijaua, um imiaiji.

Jeremaia 19:2

um apan itac an niskanse u inhal u Hinnom, et ubutpotet u neucse nathatahau iyehki er imiapan itac nohok iran, um efehtas eahki intas iji ig ekpu asuptecnaig ehelum ainyak.

Jeremaia 2:1

IS lep yetpam ehelek intas o Ihova, um ika.

Jeremaia 2:6

Eris eti ika ara, Ihova yek eda, aien aigki is imiaridjipam caija aien ahes an pece Ijipt, is atau iraija aien an namasacen, an pece iyehki is ti inwai iran, is amen nehpaiitai iran, an pece iyehki eris ahvig wai iran, an pece u nalmun mas, an pece iyehki is eti ahced iran tah natimi, is lep eti amen iran tah natimi?

Jeremaia 3:4

Namu idim ahlaig vai nyak aiek ahes an nopan inig um yetpan irai iji adiat, um ika, Ak etmak, aiek ahki as atau irak aiek an natahig unyak.

Jeremaia 7:2

Namu aiji aiek an neucse nathatahau u nimnim u Ihova, um efehtas an tas inigki eahki, um ika, Akumu atahaijeg intas o Ihova aijaua asega, ak nup u Juta, eka apam irai eucse athatahau iji igki aijaua mika aki alaigaheni vai Ihova.

Esikiel 16:22

Im lep inig, as ago nedo asega unyum aiek er amcel vaig im ingeijid asega unyum, jam eti imiehva nopan halav unyum, as wat ihkin natimi aiek um tup atimi ache, as lep has aiek van ja iram.

Esikiel 16:60

Ja ekpu imiehva intas etipup ainyak intis asaig sjipe akaijau an nopan natahig unyum, ekpu lep ati aktit ehelum ainyak intas etipup inyi eti lep ti.

Esikiel 16:8

Kis wat uhum euc ainyak, um almuktit euc, is idim eteuc nopan aiyu u inliinmopok vai euc; kis lep elgelgei nilpun napelumai unyak iram ainyak, um adahpoi euc, va an jim ehcamai aiek: maiya, et ika a Natimarid Ihova, Kis asig yi aktit intas ehelum ainyak, intis asan tas etipup sjipe akaijau, kis par leh euc ehgak ainyak.

Esikiel 23:19

Ja is ecahinag ago ingeijid aien, is wat imiehva intakuras atahig o un aien, is wat ago ingeijid aien an pece Ijipt.

Esikiel 23:3

erus ago ingeijid arau an pece Ijipt; erus ago ingeijid arau an takuras atahig urau: erus atupun arau eahki um ahilek nedo has, maiya, erus auarobotpotedo arau eahki.

Esikiel 23:8

Is eti atcijaig nedo has o un is ago an pece Ijipt aien: eris idim ago ingeijid ehelen ara an takuras atahig o un, eris atupun ara eahki um auarobotpotedo, um ecahinag ago nedo has ehelen.

Hosia 11:1

ERIS wat idivaig inhalav a nup Isreel, is aiyu inliinmopok ainyak vai ra, kis ahlaig vai ra ainyak, et idivaig inhalav atamaig unyak, mika eri udei inpece Ijipt ara.

Hosia 2:15

Eru wit ahes eahki aien, ekpu alupai jin niji ahapol vaine o un ainyak, im niskanse Ekor uri neucse neom er aitgai itai iran: etpu acesaces nohrai itai aien eahki, et idivaig an nopan iyehki is wat atahig aien, um lep idivaig an nopan iyehki is ahes an pece Ijipt aieu um aridjipam.

Hosia 2:17

Ekpu idim iknipagki idai ilpu atmas an nipjineucsen ainyak, uhpu eti lep imiehva ra va nidara.

Hosia 2:7

Etpu apitac ira ra aien era merit vai yin ara, ja inyi eti uhum pan ra aien; etpu ahilek ra aien, jam eti ecet ra: ja etpu ika aien, Ki apan ainyak ehele natamnyu unyak kis upyi hup ainyak um amen ehelen; is upene namen unyak an nopan iyehki, ja et has namen unyak an nopan inig.

Hosia 8:1

AKUMU ahlai intoho aijaua: etpu apam aien et idivaig inmeijcop alupas, um aat ira atimi u Ihova; era mun idim imipalea intas etipup unyak ara, um atladwi intas alep unyak.

Hosia 9:10

Kis ecet nup Isreel ainyak eris idivaig nohwai vaine an namasacen ara; kis ecet ilpu retpomia ainyak eris idivaig inhupnai ohwai ateg ara an nasau uhup iran: ja eris apan ehele Bealpior ara, um idumdumoij u nedo has iyehki era ehcamai vaig natimi; eris eheshas ara um tup idivaig nitai iyehki eris merit vaig ara.

Jona 1:2

Namu atidai aiek, um apan Ninevi inmaliyum alupas iyehki, um efehtas ehele ra; et mun aridjipam nedo has ura an nuhup unyak.

Madius 11:15

Aien et eteuc intikgan aien par ahgei itai, etmu atahaijeg aien.

Lukas 12:13

Is um ika ehelen a natimi is ethi ira ra, Ak natimi esege, tas aiek ehele etoak mika yi atiakoai niji itai u etmamrau aien.

Tyuteronome 2:7

Is acis yi alwai caua a Ihova Atua unyimia irai iji auritai asega unyimia: et ato natga unyimia aien an namasacen alupas inigki: is amen ehelemia a Ihova Atua unyimia irai mesese is forte iji ehki; akis eti ihki atimi aijaua an tah nitai.

Tyuteronome 33:3

Maiya, is aiyu inliinmopon aien vai ilpu atimi o un; era amen an nikman a ilpu atimi upene asega o un: eris ateucse u neduon ara; erupu atahaijeg intas unyum ara asega.

Tyuteronome 8:2

Akumu imiehva nedo asega u Ihova Atua unyimia vai caua irai mesese is forte iji ehki an namasacen, par imiasuol caua, um ahilek inliinmopomia, um ato nedo unyimia, kit akupu imiaiji intas alep o un aijaua, ka oʼo.

Jakobus 4:4

Ak ilpu atamaig im ilpu takata ago ingaijid, eka idim ato aijaua, nikavaig, nedemda vai Atua neigki, naiyu u inliinmopja va nobohtan; aien et ika aien yi aiyu inliinmopon va nobohtan, et atimi tak atimi vai Atua aien.

Nitai ehvaig 2:4

Ja ek ato ainyak nitai ineig vai euc, nikavaig, as ude nupyi aiyu u inliinmopom aiek.