Jeremaia 19:3 - Intas Etipup

³ Namu ika aiek, Akumu atahaijeg intas o Ihova aijaua, ak ilpu atimarid an pece Juta, im ilpu atimi amen Jerusalem; Et ika a Ihova esjilid acen, Atua u nup Isreel; Akumu ato aijaua mika, ekpu imiapam nitai has inig ainyak an nuarin inigki inyi uce, ara asega erupu atahaijeg vaig ara, etpu ahelu intikgara ehro.

Jeremaia 19:3 Iomraidhean Croise

Saam 102:15

Erupu lep imtitai nidai Ihova a nup urai iji pece; erupu lep ecen va natimi alupas unyum a ilpu atimarid asega an nobohtan.

Saam 110:5

Etpu auud ilpu atimarid a Natimarid an matam an nadiat u intavaitap o un.

Saam 2:10

Va nitai inigki, akumu arapakau aijaua, ak ilpu atimarid: im lep inig, akumu aktaktai aijaua, ak ilpu atimi alupas an nobohtan.

Aiseya 28:19

Etu wit ahced inpece nitai iyehki etpu imiapan caua: etpu idim ahced inpece irai iji uhialeg, an nadiat im lep an nepig: akupu ohocred aijaua par ato nesgan tas an tas inig aki atahaijeg vaig aijaua.

Jeremaia 13:18

Namu ika aiek ehele natimarid im lep ehele natimarid takata, Arumu ago nedo upoupo aijaurau, um ateucse: etpu ika aien yi etjose an nidjinimirau incat adgaig u natimi alupas unyimirau.

Jeremaia 17:20

um ika ehele ra, Akumu atahaijeg intas o Ihova aijaua, ak ilpu atimarid an pece Juta, im nup u Juta asega, im nup u Jerusalem asega, eka atga irai eucse irahed iji igki aijaua:

Jeremaia 18:11

Va nitai inigki namu idim tas aiek ehele nup u Juta, im lep ehele ilpu atimi amen Jerusalem, um ika, Et ika a Ihova; Akumu ato aijaua mika, ek aktaktai nitai has vai caua ainyak, um anacanac intas anacanac vai caua: akumu lep adumoij pam aijaua asega va nedo has unyimia, athi um athi ehni, um ago upene niji efalaig unyimia im nedo unyimia.

Jeremaia 19:15

Et ika a Ihova esjilid acen. Atua u nup Isreel; Akumu ato aijaua mika, ekpu imiapam ainyak an maliyum inigki, im lep irai iji maliyum asega iran, nitai has asega inig kis asuptecnaig vaig ainyak, vaig inig nikavaig, era mun ago ipjin nauinwara ara, mika eri jim atahaijeg intas unyak ara.

Jeremaia 25:29

Akumu ato aijaua mika, et atupun ainyak um imiapam nohocred an maliyum inig eris anvi nidak iran, va nitai inigki akupu amen upene aijaua, ka oʼo? Oʼo, akupu eti amen upene aijaua: et ika a Ihova esjilid acen, Ekpu ati nedoa ainyak vai nup uran nobohtan asega.

Jeremaia 35:17

va nitai inigki et ika a Ihova Atua esjilid acen, Atua u nup Isreel; Akumu ato aijaua mika, ekpu imiapam ehele nup u Juta ainyak, im lep ehele ilpu atimi asega amen Jerusalem nohocred; asega inig ek mun asaig vai ra ainyak: vaig inig nikavaig, ekmun tas ehele ra ainyak, ja era! mun eti atahaijeg ara; ek mun; ahlaig vai ra ainyak, ja era mun eti ho ara.

Jeremaia 44:3

va nedo has inig ura, eris ago ara par auahas inliinmopok, nikavaig, eris apan ara par atnamud nitai auanipin upene vai ilpu atmas irai taka pece iji ig, um aheca ura, eris eti ato ra ara, ara marom, im lep aijaua, im lep ilpu retpomia.

Jeremaia 6:19

Ak nobohtan, namu atahaijeg aiek: ekpu imiapam nohocred ainyak irai ilpu atimi iji igki, nohwan naktaktai ma, vaig inig nikavaig, eris eti atahaijeg intas unyak ara, ja eris edwudwai intas alep unyak ara.

Esikiel 7:5

Et ika a Natimarid Ihova; Akumu ato aijaua mika, et yetpam nohocred, nohocred esjilid marom.

Madius 10:18

uhpu imyiapan caua an nuhup o ilpu atimi alupas im ilpu atimarid vai nyak, nitai asuptecnaig imi ra im lep imi nup urai iji pece.

Nitai ehvaig 2:29

Aien et eteuc intikgan aien, etmu atahaijeg intas iji eigki aien, et asaig a Nesgan Upene ehele ekalasia.

1 Samuel 3:11

Is ika a Ihova ehele Samuel, Atahaijeg aiek, ekpu ago tah nitai inig ainyak an pece Isreel, etpu ahelu vaig intikga atimi asega ero eri atahaijeg vaig ara.