Jeremaia 19:1 - Intas Etipup

¹ IS um ika ehelek a Ihova, Namu apan aiek um leh inhubej tan apol inyi ethi is ago a natimi ago ipjiitai, im lep nahaiji ilpu atimi alupas ira atimi, im nahaiji ilpu atimi alupas irai ilpu atimi ahlap;

Jeremaia 19:1 Iomraidhean Croise

2 Ilpu Atimarid 19:2

Is abraig pan Elaiakim natimi esjilid an nimnim o un, im Sebna natimi aged tas, im ilpu atimi ahlap esjilid, is amen ira ra napelumai uucai, ehele Aiseya naprofeta inhal u Emos.

Aiseya 30:14

Et mun oplecoplec et idivaig nipjihat; et mun oplecoplec ehni: uhpu eti ecetai irai iji uarin oplecoplec tah inuarin par apos tah inmehlin cap iran an mun uum, ka par ahcale inwai iran an nehpanitai.

Jeremaia 13:1

IS um ika a Ihova ehelek, Namu apan aiek um leh nitai ahid apelumai yilyil imtam, um ahid an wauahid unyum, jam jim atise an wai.

Jeremaia 26:17

Ja eris par atidai nahaiji ilpu atimi alupas an pece, um tas ehele atimi asega eris asjapicnaig, um ika,

Jeremaia 32:14

Et ika a Ihova esjilid acen, Atua u nup Isreel; Namu leh nitaasviitai eraigki aiek, nikavaig, nitaasviitai auanimtai itai inig eris atapnes ipjin, im lep inig eris eti atapnes; um atise an nipjinitai an tan apol, mika yi amen irai adiat inyi ahinag.

Niji tas taigtai 4:2

Eris apapa pan colt esjilid a ilpu halav atamaig upene u nup u Saion, ja era ika ara era idivaig nipjiitai an tan apol ara, nauritai u ilpu atimi ago ipjiitai an tan apol!

Esikiel 4:1

IM lep inig, ak inhal u natimi, namu leh inhat apalapal aiek, um ati an nuhup unyum, um aged nalmui inmaliyum iran, Jerusalem marom:

Esikiel 5:1

IM lep inig, ak inhal u natimi, namu leh nauitoga arig aiek, maiya, idim leh resor u natimi ehpei numri geiji atimi, um ehpei numri nidjinum im ingeijum: ja par leh nitai asjaaicnaig par asjaaicnaig, um ahaig numri nidjinum im ingeijum.

Esikiel 9:6

Akumu atgei ehni ilpu fatimi aijaua, im ilpu takuras, im ilpu atahig, im ilpu halav haklin, im ilpu takata: jam jim apan ehelen tah natimi et amen iran nitai asjaaicnaig iyehki; um atupun an neom itap unyak. Eris atupun ara irai ilpu atimi alupas iji ig eris amen an nuhup u neom ara.

Numera 11:16

Is ika a Ihova ehele Moses, Asjapicnaig pam ehelek natimi inyi sevente irai ilpu atimi alupas u nup Isreel, na ato ra aiek mika era ilpu atimi alupas u nup Isreel ara, im ilpu atimi esjilid ira ra; um imiapam ra an neom er asjapicnaig o un, mika eri aiji ehelum eahki ara.

Madius 26:3

Eris asjapicnaig a ilpu atimi ahlap esjilid im ilpu atimi esege, im ilpu atimi tas alep an pece, an nimnim o natimi esjilid an nahlap, nidan Keafas,

Madius 27:1

IS wat lahlah an nuhialeg, eris tas jipe vai Iesu a ilpu atimi ahlap esjilid asega, im ilpu atimi tas alep an pece, mika eri atgei yin:

Niji auritai o ilpu Apostolo 21:11

Is apan ehelema aien, um leh nitai ahid o Paulo, um arore nikman im neduon iran, um ika, Et ika a Nesgan Upene, Et idim ucco erupu arore natimi ohuun nitai ahid ineigki a nupu Jutaia era amen Jerusalem ara, um alupai nup urai taka pece yin.

2 Nupu Korindus 4:7

JA ek apos nitai upene ineig ainyak an nipjinitai obohtan, mika yi ahes ehele Atua nemda esjilid, jam eti ahes ehelek.