Jeremaia 16:3 - Intas Etipup

³ Et ika a Ihova vai ilpu halav atamaig im ilpu halav atahig er apos ra an nuarin pece inigki, im lep vai ilpu risra im ilpu etmara eris apos ra ara an pece inigki;

Jeremaia 16:3 Iomraidhean Croise

Jeremaia 15:8

Era ahinag acen vai nyak a ilpu takata ura eris emesmas a ilpu atamnyura, um idivaig nauanavig an jap: ek mun imiapan natimi emda ainyak mika yi aat an maliyum esjilid ura aien, natimi atoraliak itai an nadiatadiat: ek mun ika ainyak yi auroauro aien, um ato nedemda im nohocred an maliyum ura.

Jeremaia 16:2

Namu jim leh ehgam aiek, um jim apos ilpu halav atamaig im ilpu halav atahig an nuarin pece inigki.

Jeremaia 16:5

Et ika a Ihova, Namu jim apan aiek an nimnim er ehtigtaig iran, um jim apan aiek um taig afakatotau um imitaig ra: vaig inig nikavaig, et ika a Ihova, ek mun atipagki nigpa unyak ainyak vai nup igcaki, nikavaig, naiyu u inliinmopok im naiheuc unyak.

Jeremaia 16:9

Et ika a Ihova esjilid acen, Atua u nup Isreel; Namu ato aiek mika, ekpu ika ainyak yi idim tiih an nuarin pece inigki an nuhup unyimia, im lep an nopan unyimia, nohrai ilpu atimi imiacitak, im nohrai ilpu atimi cediaig, im nohrai ilpu atamaig era atidai ara, im nohrai ilpu atahig era atidai ara.

Jeremaia 6:21

Va nitai inigki et ika a Ihova, Ekpu idim ikni niji itai epihtau ainyak vai nup igcaki, erupu ehrepihtau iran a ilpu etmara im lep ilpu hal ura; erupu emesmas a ilpu atimi eblaamnem ma im ilpu apa ura.

Esikiel 24:21

Namu tas aiek ehele nup Isreel, um ika, Et ika a Natimarid Ihova; Akumu ato aijaua mika, ekpu auahas neom itap unyak ainyak, nitai esjilid u nemda unyimia, im nitai merit u nesganimtamia, im nitai inig et itai vaig inliinmopomia; uhpu lep atgei an nedoa ilpu halav atamaig unyimia im ilpu halav atahig unyimia eka mun udei ra aijaua.