Is ika a Ihova, Is idim ahid lavalava ache irai mesese is dri a naheca unyak Aiseya um ti incedpun eduon, mika yi itai asjaaicnaig aien um lep nitai asuptecnaig vai nup Ijipt im lep vai nup Idiopia;
Et ika a Ihova, Et idim apol nitai ahid an wauahid u natimi, et idim uco, kis ika ainyak eri apol irak a nup Isreel asega im nup u Juta asega; mika eri ilpu atimi unyak ara, um imiapaahni nidak, im nitai imiahpas nyak, im nitai esjilid unyak: ja eris esjum ara par atahaijeg.
IS um ika ehelek a Ihova, Namu apan aiek um leh inhubej tan apol inyi ethi is ago a natimi ago ipjiitai, im lep nahaiji ilpu atimi alupas ira atimi, im nahaiji ilpu atimi alupas irai ilpu atimi ahlap;
Is apan ehelema aien, um leh nitai ahid o Paulo, um arore nikman im neduon iran, um ika, Et ika a Nesgan Upene, Et idim ucco erupu arore natimi ohuun nitai ahid ineigki a nupu Jutaia era amen Jerusalem ara, um alupai nup urai taka pece yin.