Jeremaia 12:3 - Intas Etipup

³ Ja na ato nyak aiek, ak Ihova: na mun alum nyak aiek, um ahilek inliinmopok et apol iram: namu ahyausei ra aiek et idivaig siip eri atgei ra, um ikni ra va nadiat inig eri atgei ra iran.

Jeremaia 12:3 Iomraidhean Croise

2 Ilpu Atimarid 20:3

Ak Ihova, ek ugyi euc ainyak mika an imiehva aiek, mika kis atga inveijec ainyak an nuhup unyum an liinmopok upene, um ago nedo inig is upene iram. Is taig alupas a Hesekaia.

1 Iji Tas Eled 29:17

Ek lep ato ainyak, ak Atua unyak, mika na ahilek inliinmopoi atimi aiek, um imiacitak nedo atoh. Ek idim tup ahtai ainyak itai iji igki asega an liinmopok inveijec im inliinmopok upene: ek mun lep imiacitak ainyak, par almoi ilpu atimi an pece unyum iji igki igcaki nahtai vaig itai vai euc irai liimopora upene.

Nitaasviitai u Job 23:10

ja et ato nefalaig unyak aien; etu wit ahilek nedo unyak aien, ekpu ehcohos pam ainyak inyi idivaig colt.

Saam 11:5

Etpu ahilek inliinmopoi ilpu atimi upene a Ihova; ja et amcel vai ilpu atimi auatatimi aien, im ilpu atimi merit va nehcerucai atimi.

Saam 139:23

Ak Atua, namu ahilek nyak aiek, um ato inliinmopok: namu almaijidjid nyak aiek, um ato naktaktai unyak:

Saam 17:3

Na mun ahilek inliinmopok aiek, um ato nedo unyak; na mun ateghe nyak aiek an nepig; na mun ahilek inliinmopok aiek, ja napu eti ecetai tah nitai aiek; inyi: tup ethi ache intas unyak im naktaktai unyak.

Saam 26:1

AK Ihova, namu ago nedo atoh vai nyak aiek; ek mun atga an nedo atoh unyak ainyak: ek mun lep asgeig irai Ihova ainyak; inki eti wuhyilyik ainyak.

Saam 7:9

Ek ika ainyak, Etmu tiih nedo has o ilpu atimi auatatimi; jam ikni aktit ilpu atimi upene aiek: et idim ahilek inliinmopoi atimi im naktaktai ura a Atua inig, et atoh nedo o un.

Jeremaia 15:15

Ak Ihova, na idim ato nohocred unyak aiek: namu imiehva nyak aiek, um ateghe nyak, um aru irai ilpu atimi atmas piv vai nyak; namu jim atipagki nyak aiek an nedemda opra unyum: namu ato aiek mika era auoh ehcamai nyak ara vai euc.

Jeremaia 17:16

Nedo unyak nigki, ek mun eti esjum ainyak par apitac euc, um asuptecnaig intas unyum: kis eti lep merit ainyak nopan ohocred ura; na idim ato aiek intas inig is ahes an nipjineucsek, kis tas ainyak an nuhup unyum.

Jeremaia 17:18

Erumu ehcamai ara sji igki era atmas piv vai nyak ara, ja ekmu jim ehcamai ainyak: erumu lep imtitaig ara, ja ekmu jim imtitaig ainyak: namu imiapam vai ra nopan has aiek, um auahas ra an nohocred alupas.

Jeremaia 20:12

Ja, ak Ihova esjilid acen, na ahilek nedo o ilpu atimi upene aiek, na ato naktaktai u inliinmopoi atimi aiek, ekpu almoi neruvaig unyum vai ra ainyak: ek mun idim asuptecnaig nohocred unyak ehelum ainyak.

Jeremaia 48:15

Et ika a Natimarid inig et idan Ihova esjilid acen, Et mun aridjipan a natimi inig, etpu auahas nup u Moab aien im niji maliyum ura; era mun asuol a ilpu takuras esjilid o un mika eri atgei atimi.

Jeremaia 50:27

Akumu atgei ilpu atimi alupas asega ura aijaua; erumu asuol se pan ara an nuarin atgei atimi iran et idivaig niji kurimatau: kaiheuc vai ra! et mun yetpam nadiat ura, nopan aru nedo ura marom.

Jeremaia 51:4

Erupu eropropse a ilpu atimi eris atgei ra an pece u nup u Kaltia, erupu lep ilpu atimi eris asvajiji ra irai efalaig ura.

Joanes 21:17

Is ehceseij ika ehelen aien, Ak Saimona, inhal o Jonas, et aiyu inliinmopom aiek vai nyak, ka oʼo? Is ohocred a Pitrus vai intas o un, nikavaig, is ehceseij ahodai yin aien, um ika, Et aiyu inliinmopom aiek vai nyak, ka oʼo? Is um ika ehelen aien, Ak Natimarid, na ato niji itai asega aiek; na ato aiek, nikavaig, et aiyu inliinmopok ainyak vai euc. Is um ika ehelen a Iesu, Alayi siip unyak aiek:

Jakobus 5:5

Akis umumoh upene an nobohtan aijaua, um acitak; akis alaamia aijaua et idivaig niji itai umumoh an nadiat atgei ra iran.

2 Pitrus 2:12

Ja era idivai itai umoh et ti lelra ara sji eigki, era tup ohun ache ara, eris ikni ra mika eri arop ira ra um auahas ra, era tas has ara va nitai iji eigki era eti ato ara; uhpu idim auahas ra an nedo has ura;