Jeremaia 12:2 - Intas Etipup

² As mun ahwai ra aiek, era mun umumoh ara va neucvara: era ededel ara um oho: na ubutpotet aiek u nipjineucsera, ja na itac acen aiek u inliinmopora.

Jeremaia 12:2 Iomraidhean Croise

Nitaasviitai u Job 24:12

Era ahoacni natimi an malivum; era ahlaig ijinies ara sji ig eris ati inmacop irara; ja et eti atijai edo has ira ra a Atua.

Nitaasviitai u Job 5:3

Kis ecet natimi ahnag ainyak is athut sjipe neucvan; jai kis auroauro ainyak, um ika, Uhpu auahas nimnim o un.

Saam 37:35

Kis ecet ilpu atimi auatatimi ainyak, is alupas nemda ura, eris rau ara et idivaig incai et umoh an nuarin amen o un.

Aiseya 29:13

Is ika a Natimarid, Vaig inig nikavaig, era apam ubutpotet ehelek a nup igcaki an nipjineucsera, um imiahpas nyak an tas ura, ja era ati itac acen vai nyak inliinmopora ara, era lep ecen vai nyak ara vai intas alep u ilpu atimi iji ig era esege imi ra ara:

Jeremaia 11:17

Et mun asaig nitai has vai euc a Ihova esjilid acen, aien aigki is ahwaig euc aien, vai nedo has inig u nup Isreel im nup u Juta, era mun ago ara vai ra par auahas inliinmopok, eris wat atnamud nitai auanipin upene ara imi Beal.

Jeremaia 3:10

Ja et ika a Ihova, Eris wat ago nitai iji igki asega et mun eti adumoij pam ehelek a etwan efaifa Juta au liinmopon asega, ja et ahcil vai nyak aien.

Jeremaia 45:4

Namu ika aiek ehelen, Et ika a Ihova, Namu ato aiek mika, ekpu alcapdicraig nitai inig ainyak ek mun uctaig ainyak, ekpu lep atecrei nitai inig ainyak ek mun ahwaig ainyak, inpece inigki asega marom.

Esikiel 33:31

Era asjapicnaig ehelum ara et idivaig nasjapicnaig u ilpu atimi unyak, era ateuc ara an nuhup unyum, et idivaig ilpu atimi unyak, era lep ahgei intas unyum ara, ja era eti imiaiji ara: et idim upene intas ura, ja et aktaktai niji itai an nobohtan inliinmopora.

Hosia 7:14

Era eti ugyi nyak an liinmopora ara, ja era aunyauwaig ara irai tinara: era asjapicnai ra ara va nitai caig im waina mat; era imipalea intas unyak ara.

Habakuk 1:13

Et esjilid in weila u nesganimtam, na esjum aiek par alum nedo has; et ehka vai euc par almoi nedo acalacal: na a uri aiek par alum ra sji igki era atoraliak itai ara, um eti tas era wat atgei atmas ilpu atimi upene a ilpu atimi auatatimi?

Madius 15:8

“Era eteuc ubutpotet ehelek a nup igcaki an nipjineucsera; ja et itac acen inliinmopora ara vai nyak.

Markus 7:6

Is tas aien, um ika ehele ra, Et idim inivaijec intas ineig is upyi aged a Aiseya vai caua, ak ilpu atimi efaifa, um ika, “Era imyiahpas nyak nup igcaki an nipjineucsera ache, ja et eteuc itac acen inliinmopura vai nyak:

Taitus 1:16

Era ika ara era ato Atua, jam ateri yin an nedo ura; era ilpu atimi auatatimi ara, um ilpu atimi imyipalea, um auatialidi nagovaig tah nauritai upene.