Jeremaia 12:1 - Intas Etipup

¹ AK Ihova, et atoh nedo unyum eku wit imiisjis ehelum ainyak: ja ekpu ahodaig euc ainyak va neruvaig unyum: Et echamecha mika era ikni itai a ilpu atimi auatatimi? et echamecha mika era amen upene a ilpu atimi asega era ago nedo efaifa esjilid ara?

Jeremaia 12:1 Iomraidhean Croise

Jenesis 18:25

Etmu itac acen vai euc nedo inigki, par ehrauahas ilpu atimi upene im ilpu atimi auatatimi: etmu lep itac acen vai euc nedo inigki par ago nedo et ethi vai ilpu atimi upene im ilpu atimi auatatimi: Etpu idim ago nedo atoh a Natimi alupas an nobohtan asega.

Esra 9:15

Ak Ihova Atua u uup Isreel, na upene aiek: ecra amen aijama um umumoh, et idivaig an nopan inig: et amen nedo has unyima an nuhup unyum: et elika vai cama natidai vaig an nuhup unyum va nitai inigki.

Nihemaia 9:33

Ja et atoh nedo unyum irai iji itai asega is yetpam irama; et upene nedo unyum, ja ecris ago nedo has aijama:

Nitaasviitai u Job 12:6

Et amen aktit niji imnim u ilpu atimi ahrincai; era eklim amen upene ara sji igki era auahas inliinmopoi Atua ara; et ikni itai et ahinag irai ikmara a Atua.

Nitaasviitai u Job 13:3

Ja ek merit ainyak intas vaig ehelen et emda acen aien, um tas jipe ainyak im lep Atua.

Nitaasviitai u Job 24:12

Era ahoacni natimi an malivum; era ahlaig ijinies ara sji ig eris ati inmacop irara; ja et eti atijai edo has ira ra a Atua.

Nitaasviitai u Job 24:23

Et ika a Atua yi amen upene aien, et um asgeig iran aien; ja et almoi nedo o un nesganimtai Atua.

Nitaasviitai u Job 8:17

et athut jipe neucvan an niji irai hat; er idim ecetai nuarin eteuc nilpauhat iran.

Saam 116:5

Et upene a Ihova, et atoh nedo o un; et idim aiheuc va atimi a Atua uja.

Saam 119:137

Ak Ihova, na upene aiek; et lep atoh asega neruvaig ira atimi unyum.

Saam 119:75

Ak Ihova, ek ato ainyak mika, et atoh nedo unyum va atimi; na mun lep ati nohocred irak aiek an nedo inveijec unyum.

Saam 145:17

Et upene a Ihova an nedo asega o un, et lep ago nedo aiheuc aien va niji auritai asega o un.

Saam 37:1

NAMU jim edemda aiek va namen u ilpu atimi auatatimi, um jim auatitai va namen upene u ilpu atimi ago nedo has.

Saam 37:35

Kis ecet ilpu atimi auatatimi ainyak, is alupas nemda ura, eris rau ara et idivaig incai et umoh an nuarin amen o un.

Saam 51:4

Kis ago nedo has ainyak vai euc, vai euc ache, um ago nedo has inigki an nuhup unyum: mika etpu atoh nedo unyum nau wit tas aiek, etpu lep upene asega nedo unyum nau wit ated nyak aiek.

Saam 51:6

Nai idim merit va nedo inveijec aiek an liinmopoi atimi: va nitai inigki, napu esege imtak narapakau aiek an liinmopok.

Saam 92:7

Eru wit ededel et idivaig nefelelicai a ilpu atimi auatatimi, eru wit idivaig niji cai elwa a ilpu atimi ago nedo has; uhpu idim auahas ra irai iji mesese:

Niji tas Arapakau 1:32

Etpu atgei ilpu atimi ahnag inhedidaig pan ura; etpu auahas ilpu atimi auatatimi neti aktaktai ura.

Natimi Efehtas 8:14

Et eteuc intakitai inigki er ago an nobohtan, nikavaig, era eteuc natimi upene iji igki, et yetpam ira ra neruvaig et idivaig nedo o ilpu atimi auatatimi; era lep eteuc natimi auatatimi iji igki, et yetpam ira ra neruvaig et idivaig nedo o ilpu atimi upene: kis ika ainyak et lep takitai nitai inigki.

Aiseya 41:21

Et ika a Ihova, Akumu asuptecnaig intas unyimia aijaua; et ika a Natimarid u ilpu mapoi Jekob, Akumu asuptecnaig intas emda unyimia aijaua.

Aiseya 48:8

Maiya, akis eti atahaijeg aijaua; maiya, akis eti ato aijaua; maiya, akis eti asalgei intikgamia aijaua an nopan iyehki: kis idim ato ainyak mika aki ago nedo efaifa sjilid aijaua, im lep inig, eris lep anvi nidamia par ika ilpu atimi imipalea, ahes an nopan iyehki um imihum pam an nopan inig.

Jeremaia 11:20

Ja, ak Ihova esjilid acen, aiek aigki na tas alep atoh aiek, na ahilek upene inliinmopoi atimi aiek im niji aktaktai ura, namu ika aiek ki almoi neruvaig unyum ira ra ainyak: ek mun idim asuptecnaig ehelum ainyak namen unyak.

Jeremaia 12:6

Et idim uco, era mun ago nedo efaifa vai euc a ilpu etwam, im ilpu atimi an nimnim u etmam; era mun idim apitac euc ara um ahlaig ijinies: namu jim imiisjis ninveijec intas ura, era wat tas upene ehelum ara.

Jeremaia 3:20

Et ika a Ihova, Et idim inveijec eka mun ago nedo efaifa vai nyak aijaua, ak nup Isreel, et idivaig et ago nedo efaifa vai natamnyu un tah intakata.

Jeremaia 3:7

Is wat ago nitai iji igki asega aien, kis ika ainyak, Namu adumoij pam ehelek aiek. Ja et mun eti adumoij pam aien. Is almoi nedo o un a etwan efaifa Juta.

Jeremaia 32:16

Kis wat alupai Beruk inhal u Niraia nitaasviitai auanimtai itai iyehki ainyak, kis alaigaheni vai Ihova ainyak, um ika,

Jeremaia 5:11

Et ika a Ihova, Era mun ago nedo efaifa esjilid vai nyak a nup Isreel im nup u Juta.

Jeremaia 9:2

Ek merit alupas ainyak mika yi eteuc irak niim uricai an namasacen par atumop iran; mika ki udei ilpu atimi unyak ainyak, um apan au taka uarin! vaig inig nikavaig, era ilpu atimi ago ingeijid ara asega; um ilpu atimi efaifa.

Niji tas taigtai 1:18

Et atoh nedo o Ihova; ecra mun imipalea intas alep o un aijama: akumu atahaijeg aijaua, ak nup urai iji pece asega, um aktaktai nohocred unyima: eh mun imiapan irai taka pece ilpu atahig unyima im ilpu takuras unyima.

Esikiel 18:25

Ja eka ika aijaua, Et eti apapa nedo o Natimarid. Akumu atahaijeg aijaua, ak nup Isreel: Et idim apapa nedo unyak: ja et idim eti apapa nedo unyimia.

Taniel 9:14

Va nitai inigki is aminjinaig nohocred a Ihova, um imiapam ehelema: et idim atoh nedo o Ihova irai auritai asega o un et ago aien: ja ecra mun eti atahaijeg intas o un aijama.

Taniel 9:7

Ak Natimarid, et amen ehelum nedo atoh, ja et amen ehelema nehcamai, et idivaig an nopan inig; ehele nup u Juta marom, im nup u Jerusalem, im nup Isreel asega, era ubutpotet ara, im lep itac acen, irai iji pece asega as imiapan ra iran aiek, va nedo has ura eris ago vai euc ara.

Hosia 6:7

Ja era idivaig natimi iji ig era imipalea intas etipup ara: eris ahcil vai nyak ara an nuarin iyehki.

Habakuk 1:4

Va nitai inigki er auoh takitai intas alep, er lep eti asuptecnaig nimtan inveijec: era idim ago nedo efaifa vai ilpu atimi upene a ilpu atimi auatatimi; va nitai inigki er asaig intas alep et acalacal.

Sefanaia 3:5

Et amen ehele ra a Ihova inig et atoh nedo o un; et eti ago tah nedo acalacal aien: et ika aien yi ehcohos pam irai iji uhialeg nedo atoh o un, et eti atumop aien par auritai; ja era eti ato nehcamai ara sji ig et acalacal nedo ura.

Malakai 2:17

Eka mun auoh ohocred Ihova aijaua vai intas unyimia; ja eka ika aijaua, Ecra mun auoh ohocred yin aijama anhe? Et mun esvi aien, vaig inig nikavaig, eka ika aijaua, Era upene an nuhup u Ihova ara asega era ago nedo has ara, et lep imiacitak ra aien; eka lep ika aijaua, Atua inig yek eda et asjaaicnaig an nedo o atimi aien?

Malakai 3:15

Im lep inig, inta ika akaija era mun ahesmoij a ilpu atimi ijinies inliinmopora; er imiaridjai ra sji igki era ago nedo has ara; er idim imiatamai ra sji igki era oop Atua ara.

Tyuteronome 32:4

Et Hehteuc aien, et upene asega nauritai o un: et atoh nedo asega o un et Atua inveijec aien um ti nedo has o un, et upene um atoh nedo o un.