Jeremaia 10:9 - Intas Etipup

⁹ Era leh silver apalapal irai Tarsis ara um imiapam, im colt irai Ufas, nauritai inig is ago a natimi auritai irai silver, im lep nauritai irai ikmai atimi ago itai irai colt: et emilmat im cap napelumai ura: era ago nitai iji igki asega a ilpu atimi arapakau.

Jeremaia 10:9 Iomraidhean Croise

1 Ilpu Atimarid 10:22

Is amen niji elcau u natimarid an jap pan irai iji elcau u Hairam: is ecethi apahai an mesese is eseij niji elcau Tarsis, um apos colt, im silver, im aivore, im mugke, im piikok.

2 Niji Tas Eled 9:21

Is apan Tarsis niji elcau u natimarid im ilpu aheca u Hairam: is ecethi ham niji elcau Tarsis irai mesese is eseij asega, um apos colt, im silver, im aivore, im mugke, im piikok.

Saam 115:4

Et silver im colt natmasimai ura, nauritai irai ikma atimi.

Saam 72:10

Erupu imiapan imi yin niji itai tup ahtai a ilpu atimarid Tarsis, im lep nup urai iji pece u unjap: erupu lep ikni niji itai tup ahtai imi yin a ilpu atimarid Siba im lep ilpu atimi alupas Idiopia.

Aiseya 23:6

Akumu ahapan Tarsis aijaua; akumu ehtigtaig aijaua, ak nup urai alvipece.

Aiseya 40:19

Et ago natmasimai a natimi wud ugnyit, et ataluopni colt iran a natimi ago itai irai colt, et lep ago atau silver aien.

Esikiel 27:12

Eris ilpu atimi auarimtai itai ehelemia a nup u Tarsis, vaig inig nikavaig, is ahinag niji obotpot itai upene unyimia eris auarimtai itai ehelemia ara irai silver ura, im aiurn, im tin, im let.

Esikiel 27:7

Akis ago niji epan unyimia aijaua an napelumai yilyil u nup Ijipt, is eteuc nalmuitai iran; is lep uco niji itai ahlaig unyimia; akis ago naiyu unyimia aijaua an napelumai emilmat um cap u nup u unjap Crisi.

Taniel 10:5

kis yaspan ainyak, um ecet natimi is ethi is aso yin ira apelumai yilyil aien, is ahid colt upene u Yufas an wauahid o un:

Hosia 8:6

Is ahes ehele nup Isreel natmasimai iyehki; is ago yin a natimi wud ugnyit; et idim eti Atua aien: va nitai inigki eri atnamud inhakli kurimatau u nup u Sameria.

Jona 1:3

Ja is atidai a Jona par ahapan Tarsis vai nesganimtai Ihova; is apok Jopa aien, um ecetai nelcau is ethi napan vaig Tarsis: is auanimtan naheldai yin vaig aien, um aridjai iran mika yi ahced ra, um apan Tarsis vai nesganimtai Ihova.

Habakuk 2:19

Kaiheuc vai yin et ika aien ehele nauincai, Namu aijilahlah aiek; um ika ehele inhat inig et eti tas, Namu atidai aiek; Inyi eti esege imi atimi nitai naico! Er adahpoi nitai inigki irai colt im silver, ja et idim eti eteuc nitai umoh iran anliin.