Jeremaia 10:5 - Intas Etipup

⁵ Era aduwi atoh ara et idivaig neaig, ja era eti tas ara: eris idim ika eri apos ra, et ehka vai ra natga vaig. Akumu jim imtitai ra aijaua; et ehka vai ra nago vaig tah nitai has, era lep auatialidi ara par ago tah nitai upene.

Jeremaia 10:5 Iomraidhean Croise

1 Ilpu Atimarid 18:26

Eris leh kurimatau iyehki ara eris alupai ra, um ago, um ahlaig vai nidai Beal an nuhialeg um yetpan an nadiatadiat, um ika, Ak Beal, atahaijeg intas unyima. Ja is ti nohran, um eti atahaijeg intas ura tah. Eris aliaujai ara an natau iyehki eris ago.

2 Niji Tas Eled 25:15

Va nitai inigki is edemda a Ihova vai Amasaia, is abraig pan ehelen naprofeta is ethi aien, um ika ehelen, As auri aiek par merit vai ilpu atmas u nup urai pece, eris auatialidi ara par imiatamaig ilpu atimi apol ira ra va nikmam?

Aiseya 16:12

Eru wit ahlap vai ilpu atmas ura a nup u Moab, eru wit auatialidi ara vai itai ahlap ura irai iji tap ura, erupu apan irai eom itap ura ara mika eri alaigaheni ara, ja uhpu eti atahaijeg ra.

Aiseya 45:20

Akumu asjapicnaig aijaua um apam; akumu ehrapam ubutpotet aijaua, ak ilpu ahri nup urai pece: era eti ato nedo ahnag ura ara sji igki era apos nauincai ara, natmasimai ura marom er wud ugnyit iran, um alaigaheni vai Atua inig et auatialidi aien par imiatamai ra.

Aiseya 46:1

ET mun acvacva a Bel, et apakapak a Nibo, eh mun ikni jai niji atmasimai ura irai iji itai eklim edo irai pece: era auaraheca alupas iran ara; era auatialidi ara vaig.

Aiseya 46:7

Era atijai yin irai euhlira ara, era apos yin ara, era ati yin an nuarin o un ara, et aiji aien; etpu eti udei nuarin o un aien: maiya, etpu alaigaheni vai yin tah, ja etpu eti adai intas o un, et auatialidi aien par imiatamaig yin va nohocred o un.

Jeremaia 10:14

Et eti eteuc lele tah ira atimi asega va nato itai ura: era ehcamai a ilpu atimi wud ugyit asega va niji atmasimai ura: et ahcil niji almu itai ura, et eti umoh tah.

Habakuk 2:19

Kaiheuc vai yin et ika aien ehele nauincai, Namu aijilahlah aiek; um ika ehele inhat inig et eti tas, Namu atidai aiek; Inyi eti esege imi atimi nitai naico! Er adahpoi nitai inigki irai colt im silver, ja et idim eti eteuc nitai umoh iran anliin.

1 Nupu Korindus 12:2

Eka ato aijaua, nikavaig, akis ilpu atimi aupat aijaua, et idivaig eris imyiahnag caua, um imyiapan caua u ilpu atmas pop iji eigki.

1 Nupu Korindus 8:4

Vai inhegaigvaig nitai iji eigki er ahlap iran vai ilpu atmas, inta ato akaija mika et tup takitai natmas an nobohtan, et idim eteuc a Atua et ethi ache, um eti lep eteuc tah.

Tyuteronome 4:28

Akupu atpuse an nuhup u takitai eahki aijaua, nauritai irai ikma atimi, nauncai im inhat, et eti alum itai, um eti ahgei itai, um eti hag, um eti ipni itai.