Jeremaia 10:4 - Intas Etipup

⁴ Era yecrei ara irai silver im colt; era ago ipjin ara irai nel im hamer, vai yi jim amaamai.

Jeremaia 10:4 Iomraidhean Croise

Saam 115:4

Et silver im colt natmasimai ura, nauritai irai ikma atimi.

Saam 135:15

Et silver im colt natmasimai u nup urai iji pece, nauritai irai ikma atimi.

Aiseya 44:12

Et mun wud ugnyit aiurn aien an nitai wud ugnyit, um ago an cap, et mun auud aien irai hamer mika yi idivaig natimi, etpu auritai aien an nikman emda. Im lep inig, et ehtele yin aien, um areci: et eti umnyi inwai aien, um auatialidi.

Aiseya 46:6

Era ahiyause colt an cat ura a ilpu atimi ikni itai, um asjaaicnaig silver an nitai asjaaicnaig, era alupai natimi ago itai irai colt nimtan ara; et ago atua iran aien: era atpuse an nuhup o un ara, maiya, era alaigaheni vai yin ara.

Aiseya 46:7

Era atijai yin irai euhlira ara, era apos yin ara, era ati yin an nuarin o un ara, et aiji aien; etpu eti udei nuarin o un aien: maiya, etpu alaigaheni vai yin tah, ja etpu eti adai intas o un, et auatialidi aien par imiatamaig yin va nohocred o un.

Hosia 13:2

Ja era lep ago nedo has ara ira adiat iji igki, um eti atumop; era mun ago atmasimai imi ra ara, natmasimai iji igki era mun ago irai silver ura eris ahen ara, et idivaig namarero ura, eris ago nitai iji igki asega a ilpu atimi amarero: era ika ehele atimi a ilpu atimi ahlap, Erumu aijumnyi hakli kurimatau natimi.

Habakuk 2:19

Kaiheuc vai yin et ika aien ehele nauincai, Namu aijilahlah aiek; um ika ehele inhat inig et eti tas, Namu atidai aiek; Inyi eti esege imi atimi nitai naico! Er adahpoi nitai inigki irai colt im silver, ja et idim eti eteuc nitai umoh iran anliin.