Jeremaia 10:16 - Intas Etipup

¹⁶ Et eti idivaig ra sji igki a Atua alayi ilpu mapoi Jekob: et Atua ago niji itai asega aien; era ilpu atimi an pece o un a nup Isreel: et idan Ihova esjilid acen.

Jeremaia 10:16 Iomraidhean Croise

Saam 119:57

Ak Ihova, nai hadik aiek: ek mun ika ainyak, ekpu imiaiji intas unyum ainyak.

Saam 135:4

Is ikni ilpu mapoi Jekob imi yin a Ihova, im lep nup Isreel mika eri ilpu halav cap o un ara.

Saam 142:5

Ak Ihova, et mun ahlaig vai euc ainyak: ek mun ika ainyak, Na uarin atpuh iran unyak aiek, im niji itai upene unyak an pece u ilpu atimi umumoh.

Saam 33:6

Is ago nohatag a Ihova an tas o un; im lep niji itai asega amen iran an nohran nipjineucsen.

Saam 73:26

Et auatialidi nohuk ainyak im lep inliinmopok: et hehteuc vai inliinmopok a Atua, im nuarin amen upene unyak irai iji mesese.

Saam 74:2

Namu imiehva ilpu atimi unyum aiek, as auarimtara aiek itu acen; im natimi iji igki as ikni aiek vai euc, um imiatamai ra; im nedoon Saion inigki as amen iran aiek um itu iram.

Eksotus 19:5

El eka imiaiji intas unyak aijaua, um apos intas etipup unyak, akupu ilpu halav cap unyak aijaua, um esjilid ira atimi asega: ek idim ohuun nobohtan asega ainyak:

Eksotus 34:9

Is ika aien, Ak Ihova, el et aiheuc vai nyak aiek, ek ugyi euc ainyak mika an ahced cama aiek, ak Natimarid unyak; et ipjin inliinmopoi atimi iji igki; namu jim aru nauatatimi unyima aiek, im nedo has unyima, jam lucsei cama mika an ohuun cama aiek.

Niji tas Arapakau 16:4

Is ago niji itai asega a Ihova mika eri ago nauritai o un: im lep ilpu atimi auatatimi vai nopan ohocred ura.

Aiseya 19:25

Natimi iji igki et mun asan tas acis yi alwai ra a Ihova esjilid acen, um ika, Erumu ahesmoij a nup Ijipt ilpu atimi unyak, im lep nup Asiria nauritai an nikmak, im lep nup Isreel ek ohuun ra ainyak.

Aiseya 45:7

Ek atupun inlah ainyak, um lep ago napat: ek ati nigpa ainyak, um ago niji itai has: ek Ihova ainyak, ek ago nitai iji igki asega ainyak.

Aiseya 47:4

Nidai Natimi imiatamaig cama nigki, Ihova esjilid acen, Atua Upene u nup Isreel.

Aiseya 47:6

Kis edemda vai ilpu atimi unyak ainyak, kis auahas nitap u ilpu atimi amen an pece unyak ainyak, kis atcijaig ra ehelum ainyak: ja as eti aiheuc vai ra aiek; is opoc alupas nitai ahelwei unyum as atijai irai ilpu efatimi aiek im ilpu atimi alupas.

Aiseya 51:15

Ek Ihova ainyak Atua unyimia, ek elucai an jap ainyak, ja et par apitac um ates nepeau iran: idan nigki Ihova esjilid acen.

Aiseya 54:5

Vaig inig nikavaig, et atumnyu unyum a natimi inig is ago euc aien; nidan nigki Ihova esjilid acen; et atimi imiatamaig euc a Atua Upene u nup Isreel; uhpu anvi nidan par ika Atua an nobohtan asega,

Jeremaia 10:12

Is ago nobohtan aien an nemda o un, is ikni aktit niji itai asega aien an narapakau o un, is lep elgelgei nohatag an naktaktai upene o un.

Jeremaia 10:6

Im lep inig, et eti eteuc tah et idivaig euc, ak Ihova; na alupas aiek, et lep alupas nidam um emda.

Jeremaia 31:35

Et ika a Ihova, aien aigki is ati nagesega aien mika yi itai lah an nadiat, um esiaig inmohoc im niji moijeuv, mika yi itai lah an nepig, et ika aien yi ahuisahuis nigpa injap et wat auoc nepeau; et idan Ihova esjilid acen:

Jeremaia 32:18

na aiheuc va atimi et ahinag acen aiek, um lep aru nedo has u ilpu atimil ura irai ilpu hal ura era asjeupigmoig ra ara: na Atua alupas aiek, um emda, et idam Ihova esjilid acen;

Jeremaia 33:2

Et ika a Ihova, aien aigki et ago itai aien, Ihova marom, aien aigki et anacanac aieu, mika yi ati aktit; et idan Ihova;

Jeremaia 46:18

Et ika a Natimarid inig et idan Ihova esjilid acen, Ek umoh ainyak, et eteuc Tebor irai edoon, im lep Karmel u unjap, etpu idim uco napam o un tah.

Jeremaia 50:34

Et emda a Natimi imiatamai ra; et idan Ihova esjilid acen: etpu tas alep emda aien va uhpu imiatamai ra, mika yi ati nigpa aien vai nup uran pece o un, jam ati nohocred vai nup uran pece Babelon.

Jeremaia 51:19

Et eti idivaig nitai iji igki a Atua inig et alayi ilpu mapoi Jekob aien; et Atua ago niji itai asega aien: era lep ilpu atimi an pece o un a nup Isreel: et idan Ihova esjilid acen.

Niji tas taigtai 3:24

Et ika inliinmopoma aijama. Et imtama a Ihova; va nitai inigki ecrupu asgeig iran aijama.

Emos 4:13

Et idim ham aien is ago niji edoon aien, is lep ago nimtinjap aien, et, lep asuptecnaig naktaktai u atimi aien ehele ra, aien et ika aien yi apat an nuhialeg, um atga irai uarin ijinies an nobohtan, er anvi nidan par ika Ihova, Atua esjilid acen.

Sekaraia 2:12

Etpu ohuun nup u Juta a Ihova, erupu amen ara an pece itap, etpu lep imiacitak nup u Jerusalem aien.

Tyuteronome 32:9

Et ohuun ilpu atimi o un a Ihova; et Atua u ilpu mapoi Jekob a Natimarid.