Jeremaia 10:12 - Intas Etipup

¹² Is ago nobohtan aien an nemda o un, is ikni aktit niji itai asega aien an narapakau o un, is lep elgelgei nohatag an naktaktai upene o un.

Jeremaia 10:12 Iomraidhean Croise

Jenesis 1:1

IS ago nohatag a Atua im nobohtan itu acen.

Jenesis 2:5

im lep nahtaicai asega an nobohtan an nopan iyehki is pam eti eteuc an nobohtan, im inceslum asega an nobohtan an nopan iyehki is pam eti ededel: is pam eti ati incopda an nobohtan a Ihova Atua uja an nopan iyehki, is ti tah natimi par auritai an nobohtan.

1 Iji Tas Eled 16:26

Era takitai a ilpu atmas asega u nup urai pece: ja is ago nohatag a Ihova.

Nitaasviitai u Job 26:7

Et algei nohatag ijinies acen aien an nuarin inig et ti niji itai iran; um aijcai nobohtan an nauanohatag.

Nitaasviitai u Job 37:18

As idim eti atau imi yin aiek, par elgelgei nauanohatag; et ipjin, um idivaig clas naunau.

Nitaasviitai u Job 9:8

Et echim elgelgei nohatag aien, um auwihi niji epeau alupas an namilvai.

Saam 104:2

Na aso euc aiek an lah et idivaig an napelumai: um elgelgei nohatag et idivaig napamas:

Saam 104:24

Ak Ihova, et ahinag um acheiachei niji auritai unyum! as ago niji itai asega aiek an narapakau unyum: et ohua niji itai upene unyum an nobohtan;

Saam 119:90

Et inveijec nedo unyum irai iji mesese asega: as ati nobohtan aiek, et lep amen aktit.

Saam 24:2

Is ati nobohtan aien mika yi ijinies an jap, um lep ati aktit ijinies irai ofowai.

Saam 33:6

Is ago nohatag a Ihova an tas o un; im lep niji itai asega amen iran an nohran nipjineucsen.

Saam 65:7

et ahpu nigpa an jap aien, im inmotjan nepeau iran, im nehtauo o natimi.

Saam 78:69

Is ago nuarin itap o un aien is idivaig tah nedoon ijinies, um lep idivaig nobohtan, is ati aktit aien irai iji mesese.

Saam 93:1

ET atimarid a Ihova, et aso yin aien an nat imi alupas o un; et aso yin a Ihova an nemda o un um aroraijirai yin: et lep amen aktit nobohtan, inyi eti amaamai.

Niji tas Arapakau 3:19

Is mun ati inpan nobohtan a Ihova an narapakau o un; is mun ago aktit nohatag aien an naktaktai upene o un.

Niji tas Arapakau 30:4

Et mun aridjipan an nohatag a di, ja par adip pam? et mun asjapicnaig nimtinjap an nikman a idi? et mun ikni ahtu niji ilpun nobohtan asega a di? nidan di? nidai inhal o un a di? na idim eti ato yin aiek.

Aiseya 37:16

Ak Ihova esjilid acen, Atua u nup Isreel, na amen an niblai ohwat jerub aiek, na Atua inveijec aiek, aiek ache, irai nup urai iji elcau asega an nobohtan: as ago nohatag im nobohtan aiek.

Aiseya 40:22

Atua marom et ateuc jipagko an nohatag aien, era idivaig heled a nup uran nobohtan; et ahled nohatag aien et idivaig napelumai acreacre, um elgelgei et idivaig neom apelumai par amen iran:

Aiseya 42:5

Et ika aien et emda acen aien, Ihova marom, aien aigki et ago nohatag aien, um elgelgei iran; aien aigki et ahled nobohtan aien, im niji itai ededel iran; aien aigki et ahlai inmun gidji atimi amen iran aien, um ika yi eteuc lele atimi atga iran:

Aiseya 44:24

Et ika a Ihova, Natimi imiatamaig caua, aien aigki is atupun caua aien an nopan iyehki, Ek Ihova ainyak, ek ago niji itai asega ainyak; ek elgelgei nohatag ainyak ache; ek ahled nobohtan ainyak, is atau imi nyak a di?

Aiseya 45:12

Kis atupun nobohtan ainyak, um ago atimi iran: kis elelgei nohatag ainyak an nikmak, um asaig mika eri eteuc niji itai asega amen iran.

Aiseya 45:18

Et ika a Ihova, aien aigki is ago nohatag aien, aien aigki et Atua aien, aien aigki is atupun nobohtan aien, is lep ago aien, is lep ati aktit aien: is eti ago aien mika yi upudupud, ja is ati aien mika eri amen iran natimi; et ika aien, Ek Ihova ainyak, et eti lep eteuc tah Atua et eche.

Aiseya 48:13

Kis lep ati nededuon nobohtan an nikmak ainyak, kis lep elgelgei nohatag an nakohiaig an matak ainyak: ek wat ahlaig va nitai iji igki ainyak, era ehratidai ara.

Aiseya 49:8

Et ika a Ihova, Ek mun ada intas unyum ainyak an nopan upene, ek lep atau imi euc ainyak an nadiat imiatamaig euc: ekpu lep aminjinaig euc ainyak, um ati euc mika an tas etipup aiek va atimi, par imiatidai nup uran nobohtan, um ika eri amen natimi irai ualin obohtan ahyuahyu;

Jeremaia 10:13

Et wat efehtas aien, et ahes incopda alupas an nohatag, et ika aien yi ahes an tid an nobohtan niji apat, um aridjai; et ago nauwainapit im incopda aien, et ika aien yi ahes nimtinjap irai eom ikni itai o un.

Jeremaia 10:16

Et eti idivaig ra sji igki a Atua alayi ilpu mapoi Jekob: et Atua ago niji itai asega aien; era ilpu atimi an pece o un a nup Isreel: et idan Ihova esjilid acen.

Jeremaia 14:22

Et idim eti emda tah irai ilpu atmas era alaigaheni vaig a ilpu atimi apat par ika yi ehe; et idim eti tup ispun ahes an nohatag incopda; na idim Atua aiek, ak Ihova Atua unyima; va nitai inigki ecrupu asgeig iram aijama: na mun idim ago nitai iji igki asega aiek.

Jeremaia 27:5

Ek mun ago nobohtan ainyak, im lep natimi, im niji itai eklim edo irai pece an narasin nobohtan, an nemda alupas unyak, im lep an nikmak ek atgeig yi apidi ainyak, ekpu alupai ra sji igki nitai iji igki ainyak et idivaig et upene irak.

Jeremaia 32:17

Awe, ak Ihova natimarid! as idim ago nohatag aiek im lep nobohtan an nemda alupas unyum, im lep an nikmam as atgeig yi apidi aiek, et lep eti ehka vai euc tah nitai:

Sekaraia 12:1

INTAS inig is asaig a Ihova vai nup Isreel nigki; et ika a Ihova, aien aigki et elgelgei nohatag aien, um ati nededuon nobohtan, et lep ago nesgai atimi anliin aien.

Joanes 1:3

Eris ago niji itai asega vai yin; et eti eteuc tah nitai ineig is eti ago aien.

Nupu Kolose 1:16

va nitai ineig, nikavaig, eris ago niji itai asega vai yin, niji itai an nohatag, im lep niji itai an nobohtan, niji itai er ecetai, im lep niji itai er eti ecetai, nikavaig, ilpu atimarid, im ilpu atimi esjilid, im ilpu atimi alupas, im ilpu atimi emda: eris ago niji itai asega vai yin, im lep imi yin: