Jeremaia 10:10 - Intas Etipup

¹⁰ Ja et Atua inveijec a Ihova, et Atua umoh aien, et Atimarid aien irai iji mesese: et wat edemda aien etpu amaamai nobohtan, erupu eti emda a nup urai iji elcau par amen et wat uhum ra intavaitap o un.

Jeremaia 10:10 Iomraidhean Croise

Jenesis 21:33

Is ahwaig niji cai Biersiba a Ebraham, um ago nalaigaheni vai Ihova, et Atua aien irai iji mesese.

1 Ilpu Atimarid 18:39

Eris wat almoi natimi asega, eris atpuse ara: um ika, Et idim Atua a Ihova; et idim Atua a Ihova.

1 Ilpu Atimarid 8:60

va erupu ato a nup uran nobohtan asega mika et Atua a Ihova, um eti lep eteuc tah.

1 Iji Tas Eled 29:11

Ak Ihova, na alupas aiek, um emda, um lah, um esjilid, um atimarid: et unyum niji itai asega an nohatag im lep an nobohtan; ak Ihova, et unyum nelcau, na lep ijinies aiek, um esjilid irai iji itai asega.

2 Niji Tas Eled 15:3

Is eti amen ehele nup Isreel a Atua inveijec itu acen um imihum pam an nopan inig, um ti natimi ahlap par esege, um ti intas alep u Atua.

Nitaasviitai u Job 9:6

Et ika aien yi omoi nobohtan, um udei nuarin o un; et eucjeucjeucaij niji oboutau iran.

Saam 10:16

Et Atimarid a Ihova irai iji mesese: era idim tiih a ilpu atimi apat an pece o un.

Saam 100:3

Akumu ato aijaua mika, et Atua a Ihova: is ago caija aien, intis eti ago caija akaija; inta ilpu atimi o un akaija, um siip o un; et aminjinaig caija aien.

Saam 100:5

Et idim upene a Ihova; et eteuc naiheuc o un irai iji mesese; im intas inveijec o un um yetpan irai iji taka opan asega.

Saam 104:32

Et ias pam an nobohtan aien, et um amaamai: et atcei pan niji edoon aien, et lep ahes nadran cap iran.

Saam 114:7

Namu eucjeucjeucaij aiek, ak nobohtan, um aha vai Natimarid; um lep aha va Atua u Jekob;

Saam 145:13

Inyi eti lep ti nelcau unyum, et lep amen natimi alupas unyum ahes an nopan inig um yetpan irai iji mesese.

Saam 146:6

is ago nohatag aien, im nobohtan, im injap, im niji itai asega iran: et lep aminjinaig intas inveijec aien irai iji mesese:

Saam 18:7

Is omoi um eucreucraig nobohtan; is lep amaamai neuhni se u iji au, um eucjeucjeucaij, vai intavaitap o un,

Saam 29:10

Is wat ahgarero nobohtan an nopan iyehki, is ateuc a Ihova ijinies an wai; et idim ateuc a Ihova um Atimarid irai iji mesese.

Saam 31:5

Ekpu ati nyak an nikmam ainyak: na mun auanimtak aiek, ak Ihova Atua inveijec.

Saam 42:2

Et mun merit emda inliinmopok ainyak vai Atua, vai Atua umoh marom; ekpu apan ainyak an nahopan, um ehcohos an nuhup u Atua?

Saam 68:11

Etpu asan tas upene a Natimarid: erupu ahinag ara sji igki, eri imiapaahni intas iyehki ara.

Saam 68:8

is eucjeucjeucaij nobohtan; is ahes an nohatag incopda alupas an nuhup u Atua; is idim aijoran lah Saine an nuhup u Atua, Atua u nup Isreel marom.

Saam 74:12

Is Atimarid unyak a Atua itu acen um imihum pam an nopan inig, um auritai an nijihgan pece par imiatamaig atimi.

Saam 76:7

Et upene mika eri imtitai euc ache: nau wit edemda aiek, et emda a di par aiji an nuhup unyum?

Saam 76:8

Na mun ika aiek eri atahaijeg an nobohtan nated atimi unyum et ahes an nohatag; eris imtitaig a nup urau nobohtan um eklim tup amen;

Saam 77:18

Is atciteuc inmunuka unyum an narakiraki: is ememina niji pece an nawainapit: is eucjeujeucaij nobohtan um amaamai.

Saam 84:2

Et merit inliinmopok ainyak par apan an nokoro o Ihova, et idim mas vaig: et ahlaig vai Atua umoh inliinmopok ainyak im lep nohuk.

Saam 9:8

Etpu tas alep vai nup uran nobohtan aien an nedo atoh o un; etpu lep tas alep atoh vai nup urai iji pece aien.

Saam 90:11

Et ato nemda u intavaitap unyum a di im nedemda unyum? et idivaig et upene eri imtitai euc.

Saam 90:2

An nopan iyehki is pam eti eteuc niji edoon, um eti eteuc nobohtan im niji pece, as Atua aiek, ahes irai iji mesese um yetpan irai iji mesese.

Saam 93:2

Eris ati aktit natimi alupas unyum itu acen: as eteuc aiek irai iji mesese.

Saam 97:4

Is lah nobohtan va nawainapit o un: eris ecetai a uup uran nobohtan, um eucjeucjeucaij.

Aiseya 37:17

Ak Ihova, namu atgeig pam intikgam aiek, um atahaijeg; ak Ihova, namu asalgei nesganimtam aiek, um almoi: um atahaijeg niji tas asega u Senakerib, aien aigki et mun abrai natimi inigki aien mika yi asaig intas has vai Atua umoh.

Aiseya 37:4

Et mun abraig pam Rabsake a natimarid an pece Asiria natimi alupas o un, mika yi asaig intas has vai Atua umoh, kit etpu atahaijeg niji tas o un a Ihova Atua unyum, um acaiji intas o un et mun ahgei a Ihova Atua unyum: va nitai inigki namu alaigaheni aiek vai ilpu ahrin era amen igcaki ara.

Aiseya 40:15

Et idim uco, era idivaig nate et ethi an nipjinitai a nup urai iji elcau, era aiheucaiheuc ara um idivaig nohpa irai itai asjaaicnaig: et idim alcacsei niji hakli pece an jap aien et idivaig intakitai.

Aiseya 40:28

Akis idim ato aijaua, akis idim atahaijeg aijaua, nikavaig, Atua inig inyi eti lep ti nigki, Ihova, aien aigki is ago nobohtan asega aien, etpu eti auatialidi aien, etpu eti areci aien, et ehka vaig tan par ato naktaktai o un.

Aiseya 57:15

Et ika Aien et ijinies aien um esjilid, Aien aigki et amen nai iji mesese aien, Aien aigki et itap nidan aien; Ekpu amen ainyak an nuarin ijinies um itap, im lep ehele ilpu atimi iji ig et ohocred inliinmopora ara um upoupo, par ika yi eropse inliinmopoi ilpu atimi upoupo, um lep ika yi eropse inliinmopoi ilpu atimi ohocred.

Aiseya 65:16

va nitai inigki aien et asan tas upene vai yin aien an nobohtan, etpu asan tas upene vai yiu aien vai Atua inveijec; im lep aien et asig yi aktit intas aien an nobohtan, etpu asig yi aktit intas vai Atua inveijec; vaig inig nikavaig, eh mun ahnag an nimipalea itu, im lep, vaig inig nikavaig, eh mun adenaig vai nesganimtak.

Jeremaia 23:36

Akumu jim lep aniv nitai ahelwei u Ihova aijaua: etpu idim nitai ahelwei va atimi asega intas ura, athi um athi ehni; vaig inig nikavaig, eka mun imipalea intas o Atua umoh aijaua, u Ihova esjilid acen Atua uja marom.

Jeremaia 4:2

Akumu lep asig yi aktit intas aijaua, um ika, Et umoh a Ihova, an tas inveijec, im lep an nedo atoh, im lep an nedo upene; erupu lep asan tas acis yi alwai ra iran a nup urai iji pece, erupu lep imiahpas ra iran ara.

Jeremaia 4:24

Kis almoi niji edoon ainyak, ja eris idim amaamai; is lep asjusjaig niji au asega va nomoi.

Jeremaia 50:46

Et amaamai nobohtan vai intas inigki, EH MUN ATORALIAK inmaliyum BABELON, era ahgei naunyauwaig iran a nup urai iji pece.

Jeremaia 51:29

Etpu amaamai inpece um omoi: uhpu ehneijid intas anacanac asega u Ihova vai nup u Babelon, mika yi umaruma inpece Babelon, etpu lep eti amen iran tah natimi.

Taniel 4:3

Et esjilid acen niji itai asjaaicnaig o un! et emda nedo imiali o un! inyi eti lep ti nelcau o un, etpu lep atimarid aien irai iji mesese asega.

Taniel 4:34

Is wat ti pan itac nadiat iji ehki asega, kis yasji pan an nesganimtak an nohatag ainyak Nebukatnesar, is lep eteuc lelek; kis ago naaurinig ainyak vai yin et esjilid acen Aien; kis imiahpas yin ainyak, um ago nedo ecen vai yin et umoh aien irai iji opan, inyi eti lep ti nelcau o un, etpu lep atimarid aien irai iji mesese asega:

Taniel 6:26

Ek asaig intas alep ainyak, mika eri eucjeucjeucaij, um imtitaig,annuhup u Atua u Taniel a nup urai iji uari pece an nelcau unyak: et idim Atua umoh aien, um amen aktit irai iji mesese; eri eti auahas nelcau o un, etpu lep atimarid aien irai iji mesese.

Taniel 6:27

Et imiaras um imiatamaig atimi aien, et lep ago niji itai asjaaicnaig aien, im niji itai imiali, an nohatag im nobohtan: is imiatamaig Taniel aien va nemda u laion.

Taniel 7:14

Eris alupai yin natimi alupas, im nimiahpas, im nelcau, mika eri auanaheca o un natimi asega, im nup urai iji pece, im ilpu atimi eris auoh iji tas ara: etpu eteuc irai iji mesese natimi alupas o un, inyi eti tiih pan, eri eti auahas nelcau o un.

Joel 2:11

Etpu asaig intas o un a Ihova ehele inpak an nedoa o un: et idim alupas acen nuarin amen iran u ilpu eucsupo o un: et idim emda aien et ehneijid intas o un: et idim alupas nadiat u Ihova, er lep imtitaig alupas vaig; et emda a di nanaijiraig vaig?

Maika 1:4

Inyi idivaig inwai niji edoon itlian, um idivaig wai et aredse an nuarin isas; uhpu atiakoai niji iskanse, um idivaig nidincai inig et amen ubutpotet u incap.

Nehum 1:5

Et amaamai niji au vai yin, um tup updak niji edoon, et eucjeucjeucaij nobohtan an nuhup o un, nobohtan marom, im lep ra asega era amen iran ara.

Nehum 1:6

Etpu aiji a di an nuhup u nedemda o un? etpu lep atidaijai a di etu wit ehcohos intavaitap ehri o un? et atladwi nedemda o un aien et idivaig incap, et ahidaig niji ij aien.

Habakuk 3:10

Eris ecet euc niji lola au um amaamai: is ahgarero nobohtan van wai: is auoc injap, um adaigjai nikman.

Habakuk 3:6

Is aiji aien, um ika yi amaamai nobohtan: is alum nup urai iji pece aien, um ika eri eucjeucjeucaij ara; is isuoplecoplec niji lola au iji ig aien eris amen itu acen, eris imiasuol niji edoon: is eteuc itu acen nedo o un ji igki.

Malakai 3:2

Ja etpu emda a di par aitgaig nopan napam o un? etpu emda a di par atidaijai etu wit ehcohos pam aien? vaig inig nikavaig, et idivaig incap u natimi atho silver aien, um idivaig sop u natimi ahpoi apelumai;

Madius 16:16

Is tas a Saimona Pitrus, um ika, Nai Kristo aiek, Inhal o Atua umoh.

Madius 26:63

Ja is eti tas a Iesu. Is tas a natimi esjilid an nahlap,um ika ehelen, Ek asaig ehelum ainyak vai Atua umoh, mika an asuptecnaig aiek ehelema, mika nai Kristo aiek, Inhal o Atua, ka oʼo.

Joanes 17:3

Nitai umoh iran ineig inyi ti lep ti ineigki, mika eri ato euc ara, nikavaig, na Atua inivaijec ache aiek, im Iesu Kristo, as abraig yin aiek.

Niji auritai o ilpu Apostolo 14:15

um ika, Ak ilpu atimi alupas, eka auri aijaua par ago nedo ineigki? ecrau idim atimi aijumrau, um idivai caua; ecrau asuptecnaig intas-upene ehelemia aijumrau, mika aki ude nedo ahcil ineigki aijaua, um ahidaig pan caua ehele Atua umoh is ago nohatag aien, im nobohtan, im injop, im niji itai asega amen iran:

Tyuteronome 32:4

Et Hehteuc aien, et upene asega nauritai o un: et atoh nedo asega o un et Atua inveijec aien um ti nedo has o un, et upene um atoh nedo o un.

Tyuteronome 5:26

Natimi inig yek eda is atahaijeg nohrai Atua umoh aien intas vaig juju an cap, et idivaig cama, ja par umoh?

1 Nupu Desalonaika 1:9

Era idim asuptecnaig ara nedo an napam unyak ehelemia, im lep nedo unyimia, nikavaig, akis atidjimia irai ilpu atmas aijaua vai Atua, um aheca u Atua umoh um inivaijec;

1 Timodeus 1:17

Im lep ineig, uhmu ago nedo eccen vai Natimarid ineig inyi amen aien irai iji mesese, um eti lep ti, er eti ecet yin, Atua ineig et arapakau ache aien, uhmu lep imyiahpas yin irai iji mesese. Emen.

1 Timodeus 6:17

Efasaig ehele ra sji eig aiek, era ikni itai an nobohtan ineigki ara, mika yi jim ijinies inliinmopura ara, um jim asgeig an padiaig ineig et eti amen, jam asgeig irai Atua umoh ineig et efalupai caija niji itai asega aien mika ti imyiacitak vaig akaija;

Ilpu Hibru 10:31

Nitai imtitaig vaig neigki, netjose an nikmai Atua umoh.

Josua 3:10

Is tas a Josua, um ika, Akupu ato aijaua mika, et amen ehelemia a Atua umoh, etpu lep ahlo nup u Kenan an nuhup unyimia aien, im nup u Hed, im nup u Haivai, im nup u Piris, im nup u Circas, im nup Emor, im nup u Jibus.

1 Joanes 5:20

Inta lep ato akaija, nikavaig, is ham a Inhal o Atua, is lep alupai caija narapakau aien, mika ti ato yin akaija et inivaijec aien: inta lep amen ehelen akaija et inivaijec aien, Iesu Kristo Inhal o un. Atua inivaijec neigki, im lep nitai umoh iran ineig inyi ti lep ti.

Nitai ehvaig 20:11

Kis lep ecetai dorona is ethi ainyak, is alupas um ahi, im lep yin is ateuc iran aien; is apohod u nobohtan im nohatag vai yin; eris eti ecetai tah anuarin ineig inyi amen iran.

Ilpu Atimi Tas Alep 5:4

Ak Ihova, as wat ahes an pece Sier aiek, as wat arehed an pece Itom aiek, is amaamai nobohtan, is ahes an nohatag incopda, is ahes ira apat incopda alupas.

1 Samuel 17:26

Is tas a Tevit ehele atimi iji ig eris aiji ehelen ara, um ika, Eri ago inhe vai natimi inig etpu atgei nup u Filistia inigki aien, um atipagki nitai ehcamai vaig irai up Isreel? Et idivai di a nup u Filistia inig eris eti aperitome iran, mika yi imilaav niji pak an nedoa u Atua umoh?

1 Samuel 17:36

Is atgei laion im lep beer a naheca unyum inigki: etpu idivaig tah rau a nup Filistia inig eris eti aperitome iran, va nedo o un, nikavaig, et mun tas ijinies aien ehele pak an nedoa u Atua umoh.