Jeremaia 1:9 - Intas Etipup

⁹ Is um adan nikman a Ihova um atcei pam nipjineucsek. Islep ika ehelek a Ihova, Namu ato aiek mika, ek mun ikni niji tas unyak ainyak an nipjineucsem.

Jeremaia 1:9 Iomraidhean Croise

Aiseya 49:2

Is ika aien inyi idivaig nauitoga arig intas unyak; et mun adenaig nyak an naiyu an nikman aieu; is ago nyak aien mika ki efana naunau ainyak; et mun adenaig nyak an cedpun nefana o un aien;

Aiseya 50:4

Et mun alupai nyak a Ihova Natimarid intas u ilpu atimi arapa-kau, mika ki ato ainyak par atau imi ilpu atimi auatialidi an tas: etpu ahugni nyak aien imi iji uhialeg, etpu asalgei intikgak aien mika ki atahaijeg ainyak et idivaig ilpu atimi er esege imi ra.

Aiseya 51:16

Ek lep ikni niji tas unyak an nipjineucsem ainyak, ek lep adenaig euc an naiyu an nikmak ainyak, mika an ago nohatag aiek, um ati nededuon an nobohtan, um ika ehele nup u Saion, Eka ilpu atimi unyak aijaua.

Aiseya 59:21

Et ika a Ihova, Ek ika ainyak, Intas etipup unyak ehele ra nigki; Et amen alupas ehelum a Nesgak, ek mun ikni an nipjineucsem niji tas unyak ainyak, etpu lep amen aktit an nipjineucsem im lep an nipjineucse ilpu hal unyum, im lep an nipjineucse ilpu mapom, ahes an nopan inig um yetpan irai iji mesese; et idim uce intas o Ihova.

Jeremaia 15:19

Et ika a Ihova, Va nitai inigki el et adumoij pam aiek, ekpu lep imiadumoij pam euc ainyak, napu aiji an nuhup unyak aiek: el et atipagki niji itai upene aiek irai iji itai has, napu idivaig nipjineucsek aiek: erumu adumoij pam ehelum ara; jam jim adumoij pan ehele ra aiek.

Jeremaia 34:6

Is asan tas iji igki asega a Jeremaia naprofeta ehele Setekaia natimarid an pece Juta Jerusalem,

Jeremaia 36:2

Namu leh nitaasviitai aiek, um aged iran intas asega iji ig ek mun asuptecnaig ehelum ainyak vai nup Isreel, im lep vai nup u Juta, im lep vai nup urai iji elcau asega, ahes an nadiat iyehki kis uhup um tas ehelum ainyak, ahes irai adiat u Josaia marom um imihum pam an nadiat inigki.

Jeremaia 5:14

Et ika a Ihova Atua esjilid acen, Vaig inig nikavaig, eka mun idim asaig intas inigki aijaua, namu ato aiek mika, ekpu ago intas unyak an nipjineucsem ainyak et idivaig incap, im lep nup igcaki et idivaig incai, mika yi atnamud ra.

Esikiel 3:10

Is lep ika ehelek aien, Ak inhal u natimi, namu ati an liinmopom aiek intas unyak asega iji ig ekpu asaig ehelum ainyak, um atahaijeg an tikgam.

Taniel 10:10

Is um atcei pam nyak nikman tah, ja kis par ateuc ainyak an nijin eduok, um aijisji an nakohiaig an nikmak.

Taniel 10:16

Is atcei pam narasi nipjineucsek tah is idivaig natimi aien: kis asalgei nipjineucsek ainyak, um tas, um ika ehelen is aiji an nuhup unyak aien, Ak natimarid unyak, ek ohocred ainyak va nitai ehvaig, et eti lep eteuc tah nemda unyak.

Numera 23:5

Is ahu intas an nipjineucse Belam a Ihova, um ika, Adumoij pan ehele Belak aiek, um asaig ehelen intas inigki.

Madius 10:19

Eru wit ikni caua ara, akumu jim aktaktai intas ineig aijaua aki asaig: uhpu alupai caua an nuarin-nadiat iyehki intas ineig akupu asaig aijaua.

Markus 7:33

Is leh yin aien ehele atimi is ahinag um imyiapan yin an taka uarin, um ati nupsikman ero an tikgan ero, um agdei yin, um atcei pan nipjineucsen;

Lukas 12:12

Etpu esege imi caua a Nesgan Upene an nuarin-nadiat iyehki intas ineig akupu asaig aijaua,

Lukas 21:15

ekpu alupai caua intas ainyak im narapakau, erupu auatialidi a ilpu atimi tak atimi iramia asega inwudyedivaig intas unyimia um imyiisjis.

Tyuteronome 18:16

et idivaig nitai iji igki asega akis merit vaig aijaua Horeb ehele Ihova Atua unyimia, an nadiat asjapicnaig, um ika, Ecrumu jim lep atahaijeg nohrai Ihova Atua unyima aijama, um jim lep almoi incap alupas inigki, va ecri jim emesmas aijama.

Tyuteronome 18:17

Is ika ehelek a Ihova, Et idim upene intas ura.

Tyuteronome 18:18

Ekpu imiatidai Naprofeta inyi ethi imi ra ainyak irai ilpu etwara inyi idivai euc aien, um ati intas unyak an nipjineucsen; etpu asuptecnaig ehele ra aien intas asega ekpu asaig ehelen ainyak.