Jeremaia 1:8 - Intas Etipup

⁸ Is lep ika a Ihova, Namu jim imtitai ra aiek: ekpu idim amen ehelum ainyak par imicoho euc.

Jeremaia 1:8 Iomraidhean Croise

Eksotus 3:12

Is ika aien, Ekpu idim amen ehelum ainyak; nitai asjaaicnaig imi euc nigki mika, ek mun abraig pan euc ainyak: Nau wit iknipagki ilpu atimi unyak an pece Ijipt aiek, akupu ahlap vai Atua aijaua an nedoon inigki.

Aiseya 43:2

Aku wit algaunyi inwai alupas aijaua, ekpu ahced caua ainyak; aku wit algaunyi niji ofowai aijaua, etpu eti ahgarero vai caua: aku wit atga anliin cap aijaua, uhpu eti atnamud caua; akupu eti cas aijaua va nalaume u incap.

Aiseya 51:12

Ek ika ainyak, ainyak marom, etmu eropse inliinmopomia aijaua: aijaua di aigki, eka imtitaig atimi aijaua era emesmas ara, im lep ilpu hal u atimi uhpu erekhai ra et idivaig nefelelicai?

Aiseya 51:7

Akumu atahaijeg intas unyak aijaua, eka ato nedo upene aijaua, ilpu atimi iji igki marom et amen an liinmopomia intas alep unyak; akumu jim imtitaig intas imiafakahcil u atimi aijaua, etmu jim ehioehio inliinmopomia aijaua vai intas ahlaijaig ura.

Jeremaia 1:17

Ja namu arore inwauahid unyum aiek an nitai ahid, um atidai, um asaig ehele ra intas asega iji ig ekpu imiabrai euc ainyak: namu jim imititai ra aiek, vai ki jim auahas euc ainyak an nuhup ura.

Jeremaia 1:19

Erupu lep ati nedoa vai euc ara; ja erupu eti esjilid iram ara; vaig inig nikavaig, et ika a Ihova. Ekpu amen ehelum ainyak par imicoho euc.

Jeremaia 20:11

Ja et amen ehelek a Ihova et idivaig neucsupo er imtitaig alupas yin: va nitai inigki erupu epihtau a ilpu atimi atmas piv vai nyak, erupu eti esjilid irak ara: erupu ehcamai alupas ara: erupu eti ago nedo arapakau ara: uhpu eti ahnag an nehcamai ura irai iji mesese.

Jeremaia 30:11

Et ika a Ihova, Ek idim amen ehelum ainyak mika ki imiatamaig euc; el ek auahas ehni nup urai iji pece asega iji ig ainyak ek mun ahau pan euc iran ainyak, ekpu eti auahas ehni euc ainyak: ja ekpu eklim acaiji euc ainyak, um eti aru alupas iram.

Jeremaia 39:11

Is um tas alep vai Jeremaia a Nebukatnesar natimarid an pece Babelon ehele Nebusaratan natimi alupas u ilpu eucsupo, um ika,

Jeremaia 42:11

Akumu jim imtitaig natimarid an pece Babelon inig aijaua, eka imtitaig yin aijaua; et ika a Ihova, Akumu jim imtitai yin aijaua: ekpu amen ehelemia ainyak par imiatamaig caua, um imiaras caua va nikman.

Taniel 3:17

El et uce, et emda a Atua inig ehtaij aheca o un aijumtaij, par imitamaig cumtaij va nehpan uum ehri acen, etpu lep imiatamaig cumtaij aien va nikmam, ak natimarid.

Taniel 3:25

Is tas aien, um ika. Ek idim ahnoi natimi et for ainyak, et ti in-wau ira ra, natga vaig anliin cap, ja er eti auahas ra; et lep idivaig inhal u Atua nohui natimi ford.

Madius 10:26

Jim imtitai ra aijaua: uhpu asuptecnaig niji itai asega er adahpoi; um lep ato niji itai asega er adenaig:

Madius 28:20

um esege imi ra mika eri imyiaiji niji itai asega ara kis tas alep vaig ehelemia ainyak: ekpu idim amen ehelemia ainyak irai iji adiat, um yetpan an nehni u naopan. Emen.

Niji auritai o ilpu Apostolo 18:10

ek amen ehelum ainyak, inyi ti yat iram tah natimi, um abli euc: era amen natimi unyak et ahinag an nuarin-pece ineigki.

Niji auritai o ilpu Apostolo 26:17

ekpu imyiahras euc ainyak vai nupu Jutaia, im lep vai nup urai iji taka pece ekpu abraig pan euc ira ra ainyak,

Niji auritai o ilpu Apostolo 4:13

¶ Eris wat almoi nemda o Pitrus im Joanes ara intasvaig, um ato, nikavaig, erus tup atimi arau, um eti atimi esege, eris imyiali ara; eris lep imyiehva ara, nikavaig, erus amen ehele Iesu arau.

Niji auritai o ilpu Apostolo 4:29

Im lep ineig, ak Natimarid, almoi intas atavaitap ura: um alupai ilpu aheca unyum nemda asega mika eri asuptecnaig intas unyum:

Nupu Efesus 6:20

ek aheca u Natimarid vaig ainyak eris arore nyak vaig; akumu ugni yin, aijaua mika ki tas emda vaig ainyak, et idivaig eris idim ika ki tas ainyak vaig.

Tyuteronome 31:6

Akumu emda aijaua, um jim auatialidi, um jim imtitaig, um jim eucjeucjeucaij vai ra: et idim ahced caua a Ihova Atua unyimia; inyi eti udei caua aien, um eti atcijaig caua.

Tyuteronome 31:8

Et idim apan a Ihova um uhup iramia; etpu amen ehelemia aien, um eti udei caua, um eti atcijai euc: jim imtitaig, um jim auatialidi.

Josua 1:5

Inyi eti emda tah natimi natidai vaig an nuhup unyum ira adiat asega an numoh vaig unyum: ekpu amen ehelum ainyak, et idivaig kis amen ehele Moses ainyak: inki eti amen itac acen vai euc ainyak, um eti udei euc.

Josua 1:9

Ek mun idim asaig ehelum ainyak. Namu emda aiek um jim auatialidi inliinmopom: jim imtitaig, um jim eucjeucjeucaij: etpu amen ehelum a Ihova Atua unyum irai iji uarin asega an apan iran aiek.