Jeremaia 1:7 - Intas Etipup

⁷ Ja is ika ehelek a Natimarid. Namu jim ika aiek, Ek halav ache ainyak: vaig inig nikavaig, napu apan aiek ehele ra sji igki asega ekpu atirai euc ainyak mika an apan; napu lep asan tas iji igki asega aiek ekpu abrai euc vaig ainyak.

Jeremaia 1:7 Iomraidhean Croise

1 Ilpu Atimarid 22:14

Is ika a Maikeya, Et umoh a Ihova, et idim uco, ekpu asaig intas inigki ainyak, etpu asaig ehelek a Ihova.

1 Ilpu Atimarid 3:7

Ak Ihova Atua unyak, as ati naheca unyum aiek mika ki atimarid ainyak um isjeupigmoig Tevit etmak: ja ek tup halav ainyak: ek eti ato nitai iji igki ainyak ki ago.

2 Niji Tas Eled 18:13

Is tas a Maikeya, um ika, Et inveijec nitai inig, et umoh a Ihova, et idim uco, ekpu asan tas inigki ainyak etpu asaig ehelek a Atua unyak.

Eksotus 6:29

is ika a Ihova ehele Moses, Ek Ihova ainyak: namu asaig aiek ehele Fero natimarid Ijipt intas asega unyak ehelum.

Jeremaia 26:2

Et ika a Ihova; Namu aiji aiek an nokoro o neom u Ihova, um imiabrai nup urai maliyum asega iji ig an pece Juta, era apam ara mika eri alaigaheni an nimnim u Ihova, intas asega iji ig kis abrai euc ainyak par asaig ehele ra; namu jim ateri tah intas aiek:

Jeremaia 43:1

IS wat asaig ehni a Jeremaia ehele atimi asega intas asega o Ihova Atua ura, is abraig pan yin vaig ehele ra a Ihova Atua ura, intas asega iji igki marom,

Jeremaia 7:27

Napu asuptecnaig intas iji igki asega ehele ra aiek; ja erupu eti atahaijeg euc ara: napu ahlaig vai ra aiek; ja erupu eti ho ara.

Esikiel 2:7

Namu asuptecnaig intas unyak ehele ra aiek, el era atahaijeg ara, ka yi ei el era esjum ara: era idim ilpu atimi imipalea ara.

Esikiel 3:27

Ja eku wit tas ehelum ainyak, ekpu asalgei nipjineucsem ainyak, napu lep ika ehele ra aiek, Et uce intas o Natimarid Ihova; Etmu atahaijeg aien et ika aien yi atahaijeg; im lep inig, etmu esjum aien et ika aien yi esjum: era idim ilpu atimi imipalea ara.

Emos 7:15

is um leh nyak a Ihova kis wat apitac irai pak irai siip ainyak, is um ika ehelek a Ihova, Namu apau aiek, um ahidan tas ehele ilpu atimi unyak, nup Isreel marom.

Jona 3:2

Namu atidai aiek um apan Ninevi, inmaliyum alupas iyehki, um asuptecnaig ehele ra intas inig ekpu asaig ehelum ainyak.

Numera 22:20

Is ehcohos pan ehele Belam a Atua an nepig, um ika ehelen. El era apam ehelum natimi um imiacaij euc, atidai aiek, um ahced ra; ja napu imiaiji intas inig aiek ekpu asaig ehelum ainyak.

Numera 22:38

Is ika a Belam ehele Belak, Ek mun idim ham ainyak ehelum: ja ek eti emda ainyak nasaig vaig tah nitai: ekpu asaig intas inig ache ainyak etpu ati an nipjineucsek a Atua.

Madius 28:20

um esege imi ra mika eri imyiaiji niji itai asega ara kis tas alep vaig ehelemia ainyak: ekpu idim amen ehelemia ainyak irai iji adiat, um yetpan an nehni u naopan. Emen.

Niji auritai o ilpu Apostolo 20:27

Kis eti auatialidi ainyak par asuptecnaig ehelemia intas asega o Atua.