Jeremaia 1:5 - Intas Etipup

⁵ Kis wat eti fi ago euc ainyak an nipjinetgai risum, kis ato euc ainyak; eris wat eti fi apos euc, kis ika ainyak napu itap aiek, kis lep ati euc ainyak mika an aprofeta aiek imi nup urai iji pece.

Jeremaia 1:5 Iomraidhean Croise

Saam 139:15

Eris eti adenaig nohuk vai euc, an nopan iyehki eris wat ago nyak an nuarin adenaig, um yecrei upene nyak irai uarin ubo an nobohtan.

Saam 139:16

As almoi nohuk aiek an nesganimtam, eris wat tup pam atupun; eris lep aged niji adiat asega unyak an nitaasviitai unyum; eris ago niji adiat unyak, ija is eti fi eteuc tah.

Eksotus 33:12

Is ika a Moses ehele Ihova, Na idim asaig ehelek aiek, mika ki atau ira atimi iji igki ainyak: ja na mun eti aniv yin ehelek aiek napu abraig pan yin aiek mika yi ahced nyak. Ja na mun ika aiek. Ek ato nidam ainyak, ekpu lep aiheuc vai euc ainyak.

Eksotus 33:17

Is ika a Ihova ehele Moses, Ekpu lep ago nitai inigki ainyak na mun asaig aiek: ek aiheuc vai euc ainyak, um ato nidam.

Aiseya 44:2

Et ika a Ihova, Etpu atau imi caua aien aigki is atupun caua aien, aien aigki is ago caua aien an nopan iyehki; akumu jim imtitaig aijaua, ak ilpu mapoi Jekob, ilpu aheca unyak; um jim etehto aijaua, ak nup u Jesurun, kis ehtai caua ainyak.

Aiseya 49:1

Akumu atahaijeg intas unyak aijaua, ak nup urai hakli pece an jap; akumu atgeig pam intikgamia aijaua, ak nup urai pece itac acen, eris wat tup paam apos nyak is imiacaij nyak a Ihova; eris wat eti fi apos nyak is anvi nidak aien.

Aiseya 49:5

Ja et idim ika a Ihova, aien aigki is ago nyak an nipjinetgai risik aien, mika ki aheca o un ainyak par imiadumoij pam ilpu mapoi Jekob ehelen, El era eti asjapicnaig a nup Isreel ehelen, etpu eteuc natimi alupas unyak an nuhup u Ihova, etpu lep emda unyak a Atua unyak.

Jeremaia 1:10

Namu ato aiek mika, ek mun ati euc ainyak an nadiat inigki mika an esjilid aiek irai nup urai iji pece im lep nup urai iji elcau, par atecrei itai, um alcapdicrai itai, um auahas itai, um amejatpuh itai, um lep uctai itai, um ahwai itai.

Jeremaia 1:4

Is yetpam ehelek intas o Ihova, um ika,

Jeremaia 20:15

Uhmu asan tas ahlaijaig va natimi inig is asuptecnaig ehele etmak aien, um ika, Eh mun apos ehelum inhalav atamaig; is imiacitak alupas vaig aien.

Jeremaia 25:13

Ekpu ehneijid intas asega unyak ainyak an pece iyehki, ek mun asaig vaig ainyak, intas asega iji ig marom eris aged an nitaasviitai inigki, is lep asuptecnaig a Jeremaia vai nup urai pece iji igki asega.

Jeremaia 36:2

Namu leh nitaasviitai aiek, um aged iran intas asega iji ig ek mun asuptecnaig ehelum ainyak vai nup Isreel, im lep vai nup u Juta, im lep vai nup urai iji elcau asega, ahes an nadiat iyehki kis uhup um tas ehelum ainyak, ahes irai adiat u Josaia marom um imihum pam an nadiat inigki.

Jeremaia 50:34

Et emda a Natimi imiatamai ra; et idan Ihova esjilid acen: etpu tas alep emda aien va uhpu imiatamai ra, mika yi ati nigpa aien vai nup uran pece o un, jam ati nohocred vai nup uran pece Babelon.

Lukas 1:15

etpu esjilid aien an nuhup o Ihova, inyi ti umnyi waina aien im kava; uhu wit apos yin, etpu idim amen alupas ehelen a Nesgan Upene:

Lukas 1:41

Is wat atahaijeg intas aiheuc o Mere a Elisabed, is eliaujai a inhal o un an nipjinetgan; is amen alupas ehele Elisabed a Nesgan Upene:

Lukas 1:76

Ak inhal unyak, uhpu anvi nidam par ika na profeta o un aiek Et esjiiid aien: napu uhup aiek irai Natimarid, par ahped nefalaig vai yin;

Joanes 10:36

el eka auri aijaua par ika vai yin is ati yin a Etman, um abrai yin mika yi ham aien an nobohtan, Na mun asan tas has esjilid aiek; vai intas unyak, nikavaig, ek ika ainyak, Ek hal o Atua ainyak?

Nupu Roma 1:1

AK nupu Roma asega iji eig, et aiyu inliinmopoi Atua vai caua, eka atimi eris ahlaig vai ra aijaua, um atimi upene, ek aiheuc vai caua ainyak Paulo, naheca o Iesu Kristo, ek atimi eris ahlaig vai yin ainyak, um apostolo, eris ati nyak vai intas-upene o Atua,

Nupu Roma 8:29

Is lep anacanac irai ra sji eigki aien is upyi ato ra aien, mika eri idivai Inhal o un ara, va etpu metto aien irai ilpu etoan inyi ahinag;

1 Nupu Korindus 8:3

Ja el et aiyu inliinmopon tah vai Atua, et ato yin a Atua.

Nupu Efesus 1:22

um ikni niji itai asega itlian neduon, um ati yin mika yi idjini iji itai asega aien va nakalasia o un;