Jeremaia 1:1 - Intas Etipup

¹ NIJI tas o Jeremaia inhal u Hilkaia ji igki; is atimi is ethi aien irai ilpu atimi ahlap iji ehki eris amen ara Anadod an pece Benjamin:

Jeremaia 1:1 Iomraidhean Croise

1 Ilpu Atimarid 2:26

Is tas a natimarid ehele Abaiadar natimi ahlap, um ika, Apan Anadod aiek an nuarin nobohtan unyum; et upene mika an mas aiek: ja inki eti atgei euc ainyak an nopan inig, as idim apos nelcau u Ihova Atua uja an nuhup u Tevit etmak, um asipiaig nohocred asega u etmak.

1 Iji Tas Eled 6:60

im niji maliyum an nahaijin u ilpu mapoi Benjamin; nikavaig, Ciba im niji uari obohtan iran, im Alemed im niji uari obohtan iran, im Anadod im niji uari obohtan iran. Is dirtiin niji maliyum asega imi ra is idivaig ilpu ahri ra.

2 Niji Tas Eled 35:25

Is imitaig Josaia a Jeremaia: eris lep imitaig Josaia a ilpu atamaig im ilpu takata asega eris taig tas ara um imihum pani an nopan inig, um ika eri ohocred vai yin an pece Isreel: eris lep aged an nitaasviitai va nehtigtaig.

2 Niji Tas Eled 36:12

Is ago nedo has aien an nuhup u Ihova Atua o un, um eti ago nedo upoupo an nuhup u Jeremaia naprofeta, is wat asan tas o Ihova aien.

2 Niji Tas Eled 36:21

par ehneijid intas o Ihova is asaig a Jeremaia, um imihum pan an nopan iyehki eris lep apos nadiat atumop an pece: eris apos nadiat atumop is wat amasacen inpece, nikavaig, irai mesese is sevente.

Esra 1:1

AN mesese uhup irai Sairus natimarid an pece Persia, is ahugni lele Sairus natimarid an pece Persia a Ihova, par ehneijid intas o Ihova is asaig a Jeremaia, mika is imiapaahni intas o un aien an nelcau asega o un, um aged an nitaasviitai, um ika,

Esra 2:23

Im nup Anadod, eris wun huntret im twente eet (128) ara.

Aiseya 1:1

NITAI inig is ahuumtidec iran a Aiseya inhal u Emos nigki, is almoi aien vai nup u Juta im nup u Jerusalem, is wat umoh a Usaia, im Jodam, im Ehas, im Hesekaia, ilpu atimarid an pece Juta.

Aiseya 10:30

Ahlaig ijinies aijaua, ak nup u Calim: atahaijeg aijaua, ak nup u Lees; kaiheuc vai caua, ak nup Anadod.

Aiseya 2:1

INTAS inig eris ehvaig ehele Aiseya inhal u Emos vai nup u Juta im nup u Jerusalem nigki.

Jeremaia 11:21

Va nitai inigki, et ika a Ihova, vai nup Anadod iji ig era alwai euc ara, um ika, Namu jim asuptecnaig intas aiek an nidai Ihova, va ecri jim atgei euc aijama:

Jeremaia 29:27

Va nitai inigki na a uri aiek par eti acaiji Jeremaia nup Anadod, et ika aien et aprofeta ehelemia aien?

Jeremaia 30:1

INTAS inig is ahes ehele Ihova um yetpam ehele Jeremaia nigki, um ika,

Jeremaia 37:12

is ika a Jeremaia yi udei Jerusalem um apan itac mika yi uhum pan an pece Benjamin aien, an nuarin nobohtan o un eahki ehele atimi.

Esikiel 1:3

is idim yetpam intas o Ihova ehele Esikiel natimi ahlap, inhal u Busai, an pece u nup u Kaltia u nofowai Kibar; is amen nikmai, Ihova iran eahki.

Taniel 9:2

is wat atupun aien um atimarid, kis ato ainyak Taniel vai itaasviitai mika, is ehed inmesese iji ehki, is yetpam intas o Ihova ehele Jeremaia naprofeta vaig, nikavaig, inyi amen um eheshas inmaliyum Jerusalem irai mesese inyi sevente.

Emos 1:1

NIJI tas o Emos natimi is ethi irai ilpu atimi aminjinaig niji itai eklim edo irai pece auata upene an maliyum Tekoa jik igki, is yetpam ehelen vai nup Isreel an nopan umoh u Usaia natimarid an pece Juta, im lep an nopan umoh u Jeroboam inhal u Joas natimarid an pece Isreel, is atahaijeg intas iji igki aien ja is wat ti pan itac inmesese is ero is eteuc nomoi iyehki.

Emos 7:10

Is abraig tah a Amasaia natimi ahlap Bedel ehele Jeroboam natimarid an pece Isreel, par ika, Et mun asaig intas alwai vai euc a Emos ehele nup Isreel: era auatialidi a nup uran pece par atahaijeg intas asega o un.

Madius 16:14

Eris ika ara, Era ika nahaiji ra, Nai Joanes aiek Natimi baptiso: um ika nahaiji ra, Elaija; um ika nahaiji ra, Jeremaia, ka tah et ethi irai ilpu profeta.

Madius 2:17

An naopan iyehki is ehneijid intas ineig is upyi asaig a Jeremaia naprofeta, um ika,

Madius 27:9

Is um ehneijid intas is asaig a naprofeta Jeremaia, um ika, “Eris leucse inuari silver is dirte ara, nimtan eris asaig vai yin, eris asaig nimtan ineigki vai yin a nupu Isreel;