Ester 9:4 - Intas Etipup

⁴ Is esjilid a Mortike an nimnim u natimarid, is apaahni intas irai iji uari pece vai yiu: is aridjai irai iji adiat a natimi iyehki, Mortike marom.

Ester 9:4 Iomraidhean Croise

2 Samuel 3:1

ERIS ago nedoa jipe is itu a ilpu eteuc irai Saal im ilpu eteuc irai Tevit: ja is esjilid a Tevit um emda, ja eris asuol a ilpu eteuc irai Saal um auatialidi.

1 Iji Tas Eled 11:9

Is auata esjilid acen a Tevit: is amen ehelen a Ihova emda acen.

1 Iji Tas Eled 14:17

Is apaahni intas vai Tevit irai iji pece asega; is ati nimtitai yin a Ihova irai up urai iji pece asega.

Ester 10:2

Eris aged intas an nitaasviji… nasuptecnaig vaig vai ilpu atimarid an pece Mitia im Persia, va niji auritai emda, im niji auritai esjilid o un; eris lep aged intas va natimi alupas u Mortike is ati yin vaig a natimarid.

Saam 1:3

Et idivaig incai aien ens ahwaig ui eucse wai, et oho an nopan noho o un; et lep eti imlai nerin; et lep upene niji itai asega et ago aien.

Saam 18:43

Napu imiatamaig nyak aiek va nehtauo o ilpu atimi unyak; napu ati nyak aiek mika ki atimarid ainyak irai nup urai pece: erupu aheca unyak a nup uran pece inig kis eti ato ra ainyak.

Saam 92:13

Ara, ens ah wai ra anliin neom u Ihova, erupu ededel ara irai okoro o Atua uja.

Eksotus 11:3

Is ago upene inliinmopoi nup Ijipt vai ra a Ihova. Is lep esjilid acen a Moses an pece Ijipt, an nuhup u ilpu aheca u Fero, im lep an nuhup u atimi.

Niji tas Arapakau 4:18

Ja et idivaig naijoran lah nefalaig u ilpu atimi upene; et lah, um auata elvalupas, um yetpan an nadiat meto.

Aiseya 9:7

Inyi amaijeijig natimi alupas o un, inyi eti lep ti namen upene o un a dorona u Tevit, im lep an nelcau o un, mika yi esiaig um ati aktit an nedo atoh im nedo inveijec, ahes an nopan inig um yetpan irai iji mesese. Etpu ago nitai inigki a Ihova esjilid acen an nemda o un.

Sefanaia 3:19

Im lep inig, an nopan iyehki ekpu atijai nohocred irai ra sji igki asega ainyak era auoh ohocred caua ara: ekpu lep imiatamai ra sji igki ainyak era atga adjo ara, ekpu lep asjapicnai ra sji igki ainyak eris ahlo ra; ekpu lep ika ainyak eri imiahpas ra um anvi nidara irai iji pece asega eris ehcamai ara iran.

Madius 4:24

Is apaahni intas vai yin an pece Sirya asega: eris imyiapan ehelen ilpu atimi emehe asega ara is acheiachei nemehe ira ra im nohocred, im ra eris amen ira ra a ilpu agelo has, im ra is ti lelra ara, im ra eris apalse ara; is ago cehcehe ra aien.

Josua 6:27

Is amen ehele Josua a Ihova; is lep apaahni intas vai yin an pece asega.

1 Samuel 2:30

Va nitai inigki et ika a Ihova Atua u nup Isreel, Kis idim ika ainyak eri aheca a ilpu mapom im ilpu mapoi etpom an nuhup unyak irai iji mesese: ja et ika a Ihova, Inyi idim eti uce; ekpu ecen vai ra sji igki ainyak, era ecen vai nyak ara; ja eri amcel vai ra sji igki, era amcel vai nyak ara,