Ester 7:9 - Intas Etipup

⁹ Is tas ehele natimarid a Harbona, natimi is ethi irai ilpu aheca, um ika, Et idim eteuc an nimnim u Heman nauincai alcinwa atimi iran, nijinies iran kubit et fifte, is ago a Heman imi Mortike, aien aigki is tas upene vai natimarid aien. Is ika a natimarid, Akumu alcinwan iran aijaua.

Ester 7:9 Iomraidhean Croise

2 Ilpu Atimarid 9:32

Is easji pan aien, um ika, Et leh imi nyak a di? a di? Eris aes pan yin hal irai ilpu aheca esjilid anliin neom.

Ester 1:10

Is wat ti pan itac niji adiat is siks, is wat imiacitak inliinmopoi natimarid vai waina, is asaig aien ehele Mehuman, im Bisda, im Harbona, im Bicda, im Abacda, im Sidar, im Karkaa, ilpu aheca esjilid is seven eris auanaheca an nuhup u Ahasuirus natimarid ara,

Ester 5:14

Eris ika ehelen a Sires ehgan im ilpu atimi ehpan iran asega, Namu asaig aiek mika eri ago nauincai alcinwa atimi iran, nijinies iran kubit inyi fifte; etu wit lahlah an nuhialeg, namu tas aiek ehele natimarid, mika eri alcinwai Mortike iran: ja par apan u nitai caig aiek im lep natimarid an liinmopom imiacitak. Is upene irai Heman nitai inigki; is asaig aien mika eri ago nauincai alcinwa atimi iran.

Ester 6:14

Eris eti fi tas ehni ehelen ara, ja eris apan a ilpu aheca u natimarid, mika eri auroauro ara um imiapan Heman u nitai caig is ago a Ester.

Ester 6:2

Eris ecetai intas eris aged inigki, nikavaig, is asuptecnaig a Mortike vai Bicdan im Tires, natimi is ero irai ilpu aheca u natimarid, erus aminjinaig neucse neom arau, um merit par auahas Ahasuirus natimarid.

Ester 8:7

Is ika a Ahasuirus natimarid ehele Ester natimarid takata, im lep ehele Mortike nup u Juta, Ek mun idim alupai Ester nimnim u Heman, eris alcinwan an nauincai alcinwa atimi iran ara, va nedo o un, nikavaig, is ada nikman aien vai nup u Juta.

Ester 9:14

Is asaig a natimarid mika eri ago yi uce: eris asaig intas alep an maliyum Susan; eris um alcinwai ilpu halav atamaig u Heman is ten.

Ester 9:25

ja is wat apan a Ester ehele natimarid, is tas alep an nitaasviitai aien mika eri atijai iran nitai has iyehki is aktaktai aien vai nup u Juta, im lep inig, mika eri alcinwan an nauincai alcinwa atimi iran im ilpu halav atamaig o un.

Saam 141:10

Erumu ispara epihtau a ilpu atimi auatatimi irai opoig ura, ja ekpu aha ainyak um amen upene.

Saam 35:8

Etmu yetpam ira ra nitai auahas ra, etu wit eti ato ara; erumu lep ecen ara an nopoig ura eris adenaig ara: erumu idim eropropse ara an nitai auahas ra iyehki.

Saam 73:19

Awe! et auroauro nerekinman ira ra, et idivaig nasvapni nesganimta atimi: era atiih ara; era emesmas ara an nimtitaig ura.

Taniel 6:24

Is tas alep a natimarid mika eri imiapan ilpu atimi iji ehki, eris atijai itai irai Taniel ara, eris erekhaig se ra an nuarin amen iran u laion ara, im ilpu hal ura, im ilpu ehnaa ura; eris esjilid ira ra niji laion, um aces yi asvi niji eduora asega, ja eris par ahlause ara an nuarin amen iran u laion.

Taniel 6:7

Era mun tas jipe a ilpu atimi alupas esjilid asega an nelcau, im ilpu atimi aminjinaig inpece, im ilpu atimi alupas, im ilpu atimi tas alep, im ilpu atimi alupas irai ilpu eucsupo, par asan tas alep u natimarid, um asan tas aktit, um ika, El et ugyi itai tah natimi ehelen tah atua, ka tah natimi, ira adiat inyi dirte, (eri ugyi euc ache, ak natimarid), uhpu ethaig se yin an nuarin amen iran u laion.

1 Samuel 17:51

Is um athut a Tevit, um aiji irai nup u Filistia, um leh nauitoga o un um ahyausei an cetpon, um atgei yin, um auud yi amud nidjinin iran. Eris wat almoi a nup Filistia mika is mas a neucsupo esjilid ura, eris ahapan ara.