Ester 7:4 - Intas Etipup

⁴ eris ahtai cama, ainyak marom im lep ilpu etwak, va uhpu auahas cama, um atgei, um auud. El eris ahtai cama va ecrupu ilpu aheca atamaig aijama im ilpu aheca atahig, el ek eti tas ainyak, ja et ehka vai natimi tak atimi irama par ika yi jim leh inhas vaig a natimarid.

Ester 7:4 Iomraidhean Croise

Nihemaia 5:5

Ja et tup ethi ache nago irama im lep irai ilpu etwama, era lep idivaig ilpu hal ura a ilpu hal unyima: ja ecra ahtai ilpu halav atamaig unyima im ilpu halav atahig unyima, mika eri ilpu aheca ara, er idim ohuun hal irai ilpu halav atahig unyima: et lep ehka vai cama nauarimta ra vaig; era idim ohuun umama im nokoro vaine unyima a ilpu atimi et eche.

Ester 3:13

Eris imiapan nitaasviitai iji ekki irai atimi apos itaasviitai, irai uari pece asega u natimarid, mika eri auahas, um atgei, um auud nup u Juta asega, ilpu takuras im ilpu fatimi, ilpu hadi im ilpu takata, an nadiat is ethi ache, an nadiat dirtiind an mohoc twelfd, inmohoc Etar, im lep inig, eri lucsei inpadiaig ura nimtan.

Ester 3:9

El et upene irai natimarid, uhmu aged nitaasviitai mika eri auahas ra: ekpu ikni nuari silver inyi ten dausant (10,000) ainyak irai ikma atimi aminjinai itai, va erupu ikni ara an nuarin ikni mune iran u natimarid.

Ester 7:5

Is tas a Ahasuirus natimarid ehele Ester natimarid takata, um ika, Natimi inigki a di? an yeuc eda aien, et emda inliinmopon aien parago nitai inigki?

Ester 7:6

Is ika a Ester, Et atimi tak atimi irama um amcel vai cama a nat igki Heman, et auatatimi aien. Is imtitaig a Heman an nuhup u natimarid im natimarid takata.

Ester 8:11

Eris asuptecnaig iran mika is upene irai natimarid mika eri ehras asjapicnaig a nup u Juta irai iji maliyum asega, um imiatamai ra, um auahas, um atgei, um ahlo niji pak an nedoa asega irai iji uari pece asega eri merit ara nauahas ra vaig, im ilpu halav im ilpu takata, um lep lucsei itai ura nimtan,

Ester 8:6

inyi auatialidi inliinmopok ainyak, eku wit almoi nohocred iyehki etpu yetpam irai ilpu etwak; etpu auatialidi inliinmopok ainyak par almoi nauahas ilpu atimi ehpan irak vaig.

Ester 9:25

ja is wat apan a Ester ehele natimarid, is tas alep an nitaasviitai aien mika eri atijai iran nitai has iyehki is aktaktai aien vai nup u Juta, im lep inig, mika eri alcinwan an nauincai alcinwa atimi iran im ilpu halav atamaig o un.

Taniel 6:2

is lep ikni natimi alupas esjilid is eseij aien, mika ehtiji esjilid ahtaij irai ra sji ehki; is atimi is ethi irai ehtaij a Taniel: mika eri asuptecnaig itai ehele ehtaij a ilpu atimi alupas, va eri jim auahas itai u natimarid.

Joel 3:6

eka mun lep ahtai nup u Juta aijaua im nup u Jerusalem imi nup u Crisi, mika aki imiapan ra itac acen eri udei inpece ura.

Emos 2:6

Et ika a Ihova; Inki eti atipagki ainyak nimtan nedo has et dri ka et for u nup Isreel; va nedo ura, nikavaig, eris ahtai ilpu atimi upene ara vai silver, im lep ilpu ihki atimi vai su is ero;

Lukas 12:45

Ja el et ika inliinmopon naheca iyehki, Et eti fi auroauro um ham a natimi alupas unyak; um aredei ilpu aheca atamaig im ilpu aheca atahaig, um hag, um umwig, um ahnag iran;

Tyuteronome 28:68

Etpu lep imiapan caua an pece Ijipt irai elcau a Ihova, an nuarin iyehki kis tas vaig ehelemia ainyak, Akupu lep eti ecetai aijaua: uhpu ahtai caua eahki imi ilpu atimi tak atimi iramia mika aki ilpu aheca atamaig ura aijaua im ilpu aheca atahig ura, ja inyi eti auanimtamia tah natimi.

Josua 9:23

Etpu erekinman iramia aijaua, akupu ilpu aheca aijaua asega, um arecai um athoi wai va neom u Atua unyak.

1 Samuel 22:23

Amen ehelek aiek, jim imtitaig: nikavaig, aien aigki et ahilek inmas unyak aien et ahilek inmas unyum aien: ja uhpu imiatamaig euc ehelek.