Ester 7:3 - Intas Etipup

³ Is tas a Ester natimarid takata, um ika, El et upene inliinmopom aiek vai nyak, ak natimarid, el et lep upene irai natimarid, ekmu umoh ainyak vai intas ugyi euc unyak, erumu lep umumoh a ilpu atimi ehpan irak et idivaig nitai merit unyak:

Ester 7:3 Iomraidhean Croise

1 Ilpu Atimarid 20:31

Eris ika ehelen a ilpu aheca o un, Ecra mun atahaijeg aijama mika era ago nedo aiheuc a ilpu atimarid u nup Isreel: el et upene iram ecrupu ahid napelumai uucai aijama an nijihgama, um ahnaig jaula irai auiwama, um apan ehele natimarid Isreel: kit etpu imiatamaig euc aien.

2 Ilpu Atimarid 1:13

Is eceseij abraig pan natimi alupas irai natimi is fifte aien, im natimi is fifte o un ehelen. Is aridjai a natimi alupas dirt iyehki irai natimi is fifte, um apan um atpuse an nuhup u Elaija, um ugyi yin, um ika ehelen, Ak natimi u Atua, Aiheuc vai nyak aiek, um ika ki umoh ainyak, im lep ilpu aheca unyum et fifte iji igki.

Ester 4:8

Is lep alupai yin nitaasviitai is ethi eris aged iran is idivaig an nitaasviitai uhup iyehki, intas alep marom, eris asaig Susan par auahas ra, mika yi ehvaig ehele Ester aien, um asuptecnaig vaig ehelen, um asaig ehelen mika yi apan ehele natimarid, um ugyi yin, um arohwai yin vai ilpu etwan.

Ester 5:8

El et upene inliinmopoi natimarid vai nyak, el et lep upene irai natimarid par alupai nyak nitai ugyi unyak, um ago nitai merit unyak, etmu ham a natimarid im lep Heman u nitai caig ekpu ago vai rau ainyak; ekpu ago ainyak imraig et idivaig et mun asaig a natimarid.

Ester 7:7

Is edemda a natimarid, um udei nide vaine, um apan an nokoro u nimnim atimi: is atidai a Heman par ugyi Ester natimarid takata mika yi jim mas aien; is idim ato aien mika is aktaktai tah nitai has vai yin a natimarid.

Ester 8:5

um ika, El et upene irai natimarid, el et upene inliinmopon aien vai nyak, el et upene nitai inig vai natimarid, el et lep aiyu inliinmopon aien vai nyak, uhmu aged intas par atapnes naktaktai inig is aktaktai a Heman inhal u Hametada, mapoi Ecac, is aged aien par auahas nup u Juta era amen ara irai uari pece asega u natimarid:

Nitaasviitai u Job 2:4

Is tas a Satana ehele Ihova, um ika, Er aru narasin tah va narasin; maiya, etpu alupai niji itai asega o un tah natimi mika yi umoh aien.

Jeremaia 38:26

namu ika aiek ehele ra, Ek mun ugyi natimarid ainyak, mika yi jim ika aien eri imiadumoij pan nyak an neom u Jonadan, vai ki jim mas ainyak eahki.