Ester 4:3 - Intas Etipup

³ Eris ehtigtaig alupas a nup u Juta irai uari pece asega, is apan iran intas alep u natimarid im nitai inig is asaig aien; eris lep atwakam ara, um taig, um aunyauwaig; eris asjeuc ira apelumai uucai natimi is ahinag, um ati nohpa ira ra.

Ester 4:3 Iomraidhean Croise

Ester 1:1

AN nopan umoh u Ahasuirus, (aien is atimarid aien ahes Intia um yetpan Idiopia irai uari pece is wun huntret im twente seven:)

Ester 3:12

Eris ahlaig vai ilpu atimi aged itaasviitai u natimarid an mohoc uhup au nadiat dirtiind; eris aged intas, is idivaig is asaig a Heman, ehele ilpu atimi is ikni ra a natimarid, im ilpu atimi aminjinaig irai uari pece asega, im ilpu atimi alupas u atimi asega irai uari pece asega, is idivaig naged itai vaig iran, ehele atimi asega is idivaig intas ura; eris aged intas an nidai Ahasuirus natimarid, um atapnes ipjin irai rig u natimarid.

Ester 4:16

Namu apan aiek um ehras asjapicnaig nup u Juta asega era amen Susan ara, um atwakam vai nyak, um jim hag um jim umwig ira adiat inyi eseij, an nadiat im lep an nepig: ekpu lep atwakam ainyak im ilpu atahig unyak; ja ekpu apan ainyak anliin neom ehele natimarid, et idim itap: el ek mas ainyak, ekpu mas ainyak.

Ester 4:2

is yetpan ubutpotet u neucse neom u natimarid aien: is idim itap vai natimi inig eris aso yin ira apelumai uucai par atga an neucse neom u natimarid.

Ester 4:4

Eris apan a ilpu atahig u Ester im ilpu aheca o un, um imiabrai yin. Is ohocred alupas a natimarid takata, um alupai ra napelumai mika eri aso Mortike iran ara, um atipagki ehelen apelumai uucai o un, ja is eti leh aien.

Ester 9:31

mika vi ipjin nadiat erahki irai Purim, irai opan eris ati, is idivaig erus asaig ehele ra a Mortike nup u Juta im lep Ester natimarid takata, um lep idivaig intas aktit eris asaig vai ra ara im ilpu mapora, nitai inig marom eris atwakam vaig ara um taigtaig vaig.

Nitaasviitai u Job 2:8

Is leh nuarin nipjinitai ahtagrei aien par ahrei yin iran, um ateuc an nohpa.

Aiseya 22:12

An nopan iyehki is ahlaig a Natimarid Ihova esjilid acen mika aki ehtigtaig aijaua, um aunyauwaig, um ucsei idjinimia, um aso caua ira apelumai uucai:

Aiseya 22:4

Va nitai inigki kis ika ainyak, Akumu easpan an taka uarin vai nyak aijaua; ekpu taig alupas ainyak, akumu jim ika aijaua ti eropse inliinmopok ainyak, vaig inig nikavaig, er auahas nup uran pece unyak.

Aiseya 58:5

Et idim eti uce natwakam inig ek merit vaig ainyak, et eche nopan era ago nedo upoupo iran natimi; et idim eti atwakam upene tah et wat atpuse nidjinin aien et idivaig nauwau, um ahled apelumai uucai im nohpa uri intinin; et idim eti upene irai Ihova nadiat inigki.

Esikiel 27:30

erupu imtitaig caua ara, um taig afakatotau, um ehrin mah an nidjinira, um ereuc an nohpa:

Taniel 9:3

Kis yaspan ainyak ehele Natimarid Atua unyak, par ahilek itai um ugyi an nalaigaheni unyak, kis lep atwakam ainyak, um ahid apelumai uucai, um aspi nyak an nohpa.

Jona 3:6

Is idim yetpan intas ehele natimarid u nup u Ninevi; is um atidai a dorona o un aien, um atipagki napelumai itac han, um aso yin an napelumai uucai, um ateuc an nohpa.

Madius 13:42

um erekhaig pan ra anliin cop alupas: erupu aunyauwaig ara eahki, um ataktit eijera.

Madius 22:13

Is um ika a natimarid ehele ilpu aheca o un, Arore neduon im nikman aijaua, um atipagki yin, um ethaig yin an naupat itac; erupu aunyauwaig ara eahki, um ataktit eijera.

Madius 25:30

Akumu ethaig pok ijo an naupat naheca esjum ineig aijaua: eru pu aunyauwaig ara eahki, um ataktit eijera.

Josua 7:6

Is ahpati napelumai o un a Josua, um atpuse an nobohtan an nuhup u nelcau u Ihova um yetpan an jupura, aien im ilpu atimi alupas u nup Isreel, um atijai inmah irai idjinira.

1 Samuel 11:4

Eris apan inmaliyum Cibea u Saal a ilpu atimi eris abrai ra, um asan tas iji ehki irai tikga atimi: eris ehtigtaig ijinies natimi asega.