1 IS wat ato a Mortike va niji itai asega eris ago, is ahpati napelumai o un a Mortike, um aso yin irai apelumai uucai, um ati nohpa iran, um alau ijo, um atga an maliyum, um ahlaig ijinies, um aunyauwaig;
Eris ehtigtaig alupas a nup u Juta irai uari pece asega, is apan iran intas alep u natimarid im nitai inig is asaig aien; eris lep atwakam ara, um taig, um aunyauwaig; eris asjeuc ira apelumai uucai natimi is ahinag, um ati nohpa ira ra.
Era ehtigtaig a nup u Hesbon, im lep nup Eliali: et yetpan Jehas nohrara: va nitai inigki era ehtigtaig a ilpu eucsupo u nup u Moab; et ehioehio inliinmopora ara.
Va nitai inigki kis ika ainyak, Akumu easpan an taka uarin vai nyak aijaua; ekpu taig alupas ainyak, akumu jim ika aijaua ti eropse inliinmopok ainyak, vaig inig nikavaig, er auahas nup uran pece unyak.
Is abrai Elaiakim aien, natimi alupas irai nup uran nimnim o un, im Sebna natimi aged itaasviitai, im ilpu atimi alupas irai ilpu atimi ahlap, eris aso ra ira apelumai uucai, mika eri apan ehele Aiseya naprofeta inhal u Emos.
Et idim eti uce natwakam inig ek merit vaig ainyak, et eche nopan era ago nedo upoupo iran natimi; et idim eti atwakam upene tah et wat atpuse nidjinin aien et idivaig nauwau, um ahled apelumai uucai im nohpa uri intinin; et idim eti upene irai Ihova nadiat inigki.
Et mun leh nauitoga aien mika eri ago naunau, um ati au nikman tah: eh mun atineijin nauitoga inigki, um lep ago naunau, mika yi leh tah natimi atgei atmas an nikman.
Kis yaspan ainyak ehele Natimarid Atua unyak, par ahilek itai um ugyi an nalaigaheni unyak, kis lep atwakam ainyak, um ahid apelumai uucai, um aspi nyak an nohpa.
Va nitai inigki ekpu taig ainyak um aunyauwaig, ekpu edo jipe ainyak um atipagki apelumai irak um tup atga: ekpu aunyauwaig ainyak et idivaig kuri aleg, um laav et idivaig nalidmot.
Et ubutpotet pam nadiat alupas u Ihova, et idim ubutpotet, um auroauro alupas par yetpam, inmotjan nadiat u Ihova marom: erupu ehtigtaig alupas nan a ilpu atimi emda.
Aʼa, auwe vai caua, ak nupu Koresin! aʼa, auwe vai caua, ak nupu Bedseta! el eris ago nauritai esjilid iji eigki an nuhup u nupu Tairus im nupu Saiton eris mun ago an nuhup unyimia, el eris adumoij anliinmopura ara itu acen, um aso ra irai apelumai ucai, um ereuc an nohpa.
Is ahpati napelumai o un a Josua, um atpuse an nobohtan an nuhup u nelcau u Ihova um yetpan an jupura, aien im ilpu atimi alupas u nup Isreel, um atijai inmah irai idjinira.