Ester 3:8 - Intas Etipup

⁸ Is tas a Heman ehele Ahasuirus natimarid, um ika, Era amen terimterim a nup urau pece et ethi, um amen jipe ehele atimi irai uari pece asega an nelcau unyum; et eche intas alep ura irai tas alep u atimi asega; era eti apos intas alep u natimarid ara: et eti upene vai natimarid mika eri umumoh ara.

Ester 3:8 Iomraidhean Croise

Esra 4:6

Is wat atupun a Ahasuirus um atimarid, eris aged ara um atijai itai irai up u Juta im nup u Jerusalem.

Nihemaia 1:8

Ek ugyi euc ainyak, mika an imiehva aiek intas inig as asaig aiek ehele Moses naheca unyum, nikavaig. El eka imipalea aijaua, ekpu imiterimterim caua ainyak irai iji pece:

Ester 3:9

El et upene irai natimarid, uhmu aged nitaasviitai mika eri auahas ra: ekpu ikni nuari silver inyi ten dausant (10,000) ainyak irai ikma atimi aminjinai itai, va erupu ikni ara an nuarin ikni mune iran u natimarid.

Ester 4:1

IS wat ato a Mortike va niji itai asega eris ago, is ahpati napelumai o un a Mortike, um aso yin irai apelumai uucai, um ati nohpa iran, um alau ijo, um atga an maliyum, um ahlaig ijinies, um aunyauwaig;

Jeremaia 33:24

Namu idim aktaktai intas inigki aiek era mun asaig a nup igcaki, um ika, Et mun atcijaig ilpu ahri natimi et ero a Ihova, is ehtai ra aien; era mun amcel vai ilpu atimi unyak ara, mika eri jim up uran nelcau unyak ara an nuhup u ra sji igki.

Jeremaia 50:17

Era idivaig siip ahnag a nup Isreel; et mun ahau ra niji laion; is uhup a natimarid an pece Asiria um auahas ra; ja et par apitac a Nebukatnesar natimarid an pece Babelon um aces yi aldei niji eduora.

Esikiel 11:16

Va nitai inigki namu ika aiek, Et ika a Natimarid Ihova; Vaig inig nikavaig, ek mun imiapan caua ainyak itac acen ehele nup urai iji pece, um imiterimterim caua irai iji pece, im lep inig, ek mun idivaig neom itap ainyak vai caua an nopan ipjidipjid irai pece iji ig eka mun apam iran aijaua.

Esikiel 6:8

Ja ekpu udei nahrimia ainyak, nikavaig, uhpu imiatamaig hal caua va nedoa ehele nup urai iji tak elcau, uhu wit terimterim iramia irai iji pece.

Taniel 3:8

Ja eris apan ubutpotet a nahaiji nup u Kaltia an nopan iyehki, um atijai itai irai nup u Juta.

Taniel 6:13

Eris tas ara an nuhup u natimarid, um ika, Ak natimarid, et eti ecen vai euc a nat naico, Taniel, natimi irai ra sji ehki eris lucsei ra au pece Juta, um eti imiaiji intas alep as aged aiek, ja et eceseij ago nalaigaheni aien irai iji adiat.

Taniel 6:14

Is wat atahaijeg intas iji ehki a natimarid, is ohocred alupas aien vai yin, is merit emda aien par imiatamaig Taniel: is lep imiisjis aien, um yetpan an nete u nagesega, par imiatamaig yin.

Levitikus 26:33

Ekpu imiterimterim caua ainyak ehele nup urai iji pece apat, um ahau caua an nedoa: etpu umaruma inpece unyimia, um ahyuahyu niji maliyum unyimia.

Sekaraia 7:14

Kis imiterimterim ra ainyak, et idivaig an narakiraki, ehele nup urai iji pece asega eris eti ato ra ara. Is eucaeucai inpece inig eris udei pan itac ara, is eti ahced jipe iran tah: eris mun ika ara yi eucaeucai inpece esjilid inigki.

Numera 23:9

Ek amen ainyak ijinies irai ij um ecet ra, ek lep amen ainyak ijinies irai lola edoon um alum ra: erupu echim amen natimi iji igki, eri eti lep esvi ra pan irai nup urai iji pece.

Joanes 7:35

Eris tas jipe a nupu Jutaia, um ika, Etpu apan aien eda, mika inti eti lep ecet yin akaija? etpu apan aien ehele atimi era terimterim ara irai nupu Crisi, um esege imi nupu Crisi, ka oʼo?

Niji auritai o ilpu Apostolo 24:5

Ecra ato aijama, nikavaig, et atimi auatatimi a nat eigki, um auahas inliinmopoi nupu Jutaia asega irai iji pece asega, et lep atimi esjilid aien ira ra era apol ira alaigaheni u nup an Nasared ara:

Niji auritai o ilpu Apostolo 28:22

ja ecra merit aijama natahaijegvaig naktaktai unyum; ecra idim ato aijama, nikavaig, er asan tas has va nesege ineigki irai iji pece asega.

Tyuteronome 30:3

etpu lep imiapam ra sji ehki eris lucsei ra an nedoa a Ihova, um aiheuc vai caua, um lep asjapicnaig caua irai iji pece asega is imiterimterim caua iran a Ihova Atua unyimia.

Tyuteronome 32:26

Kis ika ainyak, Ekpu imiterimterim ra ainyak, ekpu atipagki nidara ehele atimi ainyak:

Tyuteronome 4:27

Etpu imiterimterim caua irai iji pece a Ihova, akupu eti elpat aijaua irai taka pece iji ehki, etpu imiapan caua iran a Ihova.

Jakobus 1:1

AK ilpu mapoi ilpu hal o Isreel is twelv, eka terimterim jipe aijaua, ek aiheuc vai caua ainyak Jakobus, naheca u Atua im Iesu Kristo Natimarid.

1 Pitrus 1:1

AK ilpu atimi amen irai taka uarin, eka terimterim aijaua Pontus, im Calesya, im Kapatosya, im Esya, im Bidinya,