Ester 3:2 - Intas Etipup

² Eris atpuse vai Heman, um imiimtacimtac yin, a ilpu aheca asega u natimarid, eris amen an neucse neom u natimarid ara: is idim uco intas alep u natimarid vai yin. Ja is eti atpuse vai yin a Mortike, um eti ago nedo ecen vai yin.

Ester 3:2 Iomraidhean Croise

Jenesis 41:43

is ika a Fero yi atga aien a jariot sekunt o un; eris uhup iran um ahlaig, um ika. Atpuse vai yin: is ati yin a Fero mika yi atimi alupas aien an pece Ijipt asega.

Ester 2:19

Eris wat lep asjapicnaig a ilpu atahig, is ateuc a Mortike an neucse neom u natimarid.

Ester 2:21

An nopan iyehki is wat ateuc a Mortike au neucse neom u natimarid, erus edemda vai Ahasuirus natimarid, um merit par auahas yin, natimi is ero irai ilpu aheca u natimarid, nan, Bicdan im Tires, erus aminjinaig neusce neom arau.

Ester 2:5

Is amen an maliyum Susan, is eteuc nimnim atimi iran, a nup u Juta is ethi, nidan Mortike, inhalav atamaig u Jeer, inhalav atamaig u Simeai, inhalav atamaig u Kis, mapoi Benjamin:

Ester 3:1

IS wat ti pan itac nitai iji igki, is imiatidai Heman inhalav atamaig u Hametada, mapoi Ecac, a Ahasuirus natimarid, um ika yi esjilid aien, um ati nitai ateuc o un ijinies irai itai ateuc u ilpu atimi alupas o un.

Ester 3:3

Eris tas ehele Mortike a ilpu aheca u natimarid eris amen an neucse neom u natimarid ara, um ika, Na a uri aiek par imipalea intas alep u natimarid?

Ester 3:5

Is wat almoi a Heman mika is eti atpuse a Mortike, um eti ago nedo ecen vai yin, is edemda alupas a Heman.

Ester 5:9

Is alau ijo a Heman an nadiat iyehki, is cediaig aien, is lep imiacitak inliinmopon aien: ja is wat almoi Mortike a Heman an neucse neom u natimarid, mika is eti atidai vai yin aien, um eti apan an nahaijin nefalaig, is ohua an nedemda vai Mortike aien.

Saam 15:4

Et amcel va natimi inig aien et atimi auatatimi aien: ja etpu ecen vai ra sji igki aieu era imtitai Ihova ara: et asig yi aktit intas aien, ja et wat has aien vai intas iyehki et eti adumoij iran aien.

Eksotus 17:14

Is ika a Ihova ehele Moses, Namu aged intas va nitai inigki aiek an nitaasviitai, va uhpu imiehva, um asuptecnaig ehele Josua: nikavaig, ekpu idim auahas ehni nup Amalek an nobohtan ainyak.

Eksotus 17:16

is ika aien, Eris adaigjai nikmara a nup Amalek ehele Ihova, va nitai inigki etpu ago nedoa vai ra a Ihova im lep vai ilpu mapora irai iji mesese.

Taniel 2:49

Is ugyi natimarid a Taniel, is lep ati Setrak aien, im Misek, im Abetneco mika ehtijis atimi alupas ahtaij irai itai an nuarin pece Babelon: ja is ateuc a Taniel an neucse nathatahau u natimarid.

Tyuteronome 25:19

Va nitai inigki, etu wit alupai caua nitai atumop a Ihova Atua unyimia, vai ilpu atimi tak atimi iramia asega marehed mihtag, an pece inig et alupai caua a Ihova Atua unyimia mika aki ohuun aijaua, akumu atipagki nidai nup Amalek an nobohtan aijaua: akumu jim ahnag iran aijaua.

Nupu Filipai 2:10

va erupu atpuse an nidai Iesu atimi asega an nohatag, im nobohtan, im lep anliin tan;

1 Samuel 15:3

Namu apan aiek um auud nup Amalek, um auahas ehni niji itai ascga ura; jim itai vai ra, jam atgei ilpu atamaig, im ilpu takata, im ilpu halav, im ilpu hadi, im kurimatau, im siip, im kamela, im togke.