Ester 2:2 - Intas Etipup

² Eris ika a ilpu aheca u natimarid eris auanaheca vai yin ara, Uhmu ahilek vai ilpu atahig eklim upene imi natimarid:

Ester 2:2 Iomraidhean Croise

Jenesis 12:14

Is yetpan an pece Ijipt a Ebram, ja eris ecet ehgan a nup Ijipt mika is eklim upene aien.

1 Ilpu Atimarid 1:2

Eris tas ehelen a ilpu aheca o un, um ika, Uhmu ahilek natahig yi ethi, is eti amen ehelen tah natamaig aien, imi natimarid unyima: etmu aiji aien an nuhup u natimarid, um aminjinai yin, etmu lep asjeuc aien ithan ritin; mika yi ehehtin a natimarid unyima.

Ester 1:10

Is wat ti pan itac niji adiat is siks, is wat imiacitak inliinmopoi natimarid vai waina, is asaig aien ehele Mehuman, im Bisda, im Harbona, im Bicda, im Abacda, im Sidar, im Karkaa, ilpu aheca esjilid is seven eris auanaheca an nuhup u Ahasuirus natimarid ara,

Ester 1:14

Is esjilid aien ja eris par apitac Karsiina, im Sidur, im Atmada, im Tarsis, im Mires, im Marsena, im Memyukan, eris ilpu atimi alupas Persia im Mitia ara sji igki is seven, um alum nesganimtai natimarid, um esjilid irai atimi asega an nelcau;)

Ester 2:3

etmu aniv atimi a natimarid irai uari pece asega an nelcau o un, mika eri asjapicnaig ilpu atahig eklim upene asega an maliyum Susan, et eteuc nimnim atimi iran, anliin neom u ilpu takata; va etpu aminjinai ra a Hice yunuka u natimarid, im natimi aminjinaig ilpu takata; uhmu lep alupai ra itai par ago adicinadicin ra iran:

Ester 6:14

Eris eti fi tas ehni ehelen ara, ja eris apan a ilpu aheca u natimarid, mika eri auroauro ara um imiapan Heman u nitai caig is ago a Ester.