Ester 1:10 - Intas Etipup

¹⁰ Is wat ti pan itac niji adiat is siks, is wat imiacitak inliinmopoi natimarid vai waina, is asaig aien ehele Mehuman, im Bisda, im Harbona, im Bicda, im Abacda, im Sidar, im Karkaa, ilpu aheca esjilid is seven eris auanaheca an nuhup u Ahasuirus natimarid ara,

Ester 1:10 Iomraidhean Croise

Jenesis 43:34

Is ahaig nitai caig an nuhup o un aien, um edaig ira ra: ja is alupas nahaijin incai Benjamin, um idivaig nahaijin incai natimi et faiv ira ra. Eris umwig ara, um imiacitak ehelen.

2 Samuel 13:28

Is mun asaig a Absalom ehele ilpu takuras o un, um ika, Aminjinaig upene aijaua, etu wit imiacitak inliinmopoi Amnon vai waina; etu wit ika ainyak ehelemia, Auud Amnon; akumu atgei yin aijaua, um jim imtitaig: ek mun idim abrai caua ainyak; akumu emda aijaua, um idivaig ilpu eucsupo.

Ester 1:9

Is lep auanetha a Vastai natimarid takata vai ilpu takata anliin nimnim atimi, neom u Ahasuirus marom.

Ester 3:15

Eris atga ura natimi apos itaasviitai; is asaig a natimarid mika eri auroauro ara; eris asaig intas alep an nimnin atimi Susan. Erus ateucse a natimarid im Heman par umwig; ja is ehioehio inliinmopoi nup u Susan.

Ester 7:9

Is tas ehele natimarid a Harbona, natimi is ethi irai ilpu aheca, um ika, Et idim eteuc an nimnim u Heman nauincai alcinwa atimi iran, nijinies iran kubit et fifte, is ago a Heman imi Mortike, aien aigki is tas upene vai natimarid aien. Is ika a natimarid, Akumu alcinwan iran aijaua.

Niji tas Arapakau 20:1

Era auyat natimi va waina; era tas ijinies ara vai kava emda: aien et ahnag vaig aien, et eti arapakau aien.

Niji tas Arapakau 31:4

Ak Lemuel, et eti upene vai ilpu atimarid, et eti upene vai ilpu atimarid par umnyi waina; et eti upene vai ilpu atimi alupas par umnyi kava emda:

Natimi Efehtas 10:19

Era auanetha alupas natimi mika eri imiacitak ara; era umny nide vaine natimi mika eri cediaig ara: ja et upene mune va niji itai asega.

Ilpu Atimi Tas Alep 16:25

Is wat cediaig inliinmopora ara, eris ika ara, Ahlaig vai Samson, mika yi ago nedo imiacitak vai caija aien. Eris ahlaig vai Samson ara an neom ipjin; is ago nedo imiacitak vai ra aien: eris lep ati yin ara juju an niblan noboatau is ero.

Ilpu Atimi Tas Alep 19:6

Eris ateucse arau, um ehrahag um ehraumwig: is idim ika ehele natimi a etmai ehgan, Aiheuc vai nyak aiek, um eklim amen an nepig asega, etmu lep imiacitak inliinmopom aiek.

Nitaasviitai u Rud 3:7

Is hag a Boas um umwig, is lep imiacitak inliinmopon aien, ja is par apan aien um asjeuc u nilpun niji irai barle: is eklim apan aien, um atipagki napelumai an neduon, um lep asjeuc.