Eksotus 11:4 - Intas Etipup

⁴ Is ika a Moses, Et ika a Ihova, Ekpu asuol ainyak an pece Ijipt an nijihgan nepig:

Eksotus 11:4 Iomraidhean Croise

Eksotus 12:29

Is wat ijihgan nepig, is auud inmeto asega an pece Ijipt a Ihova, um atupun ahes an meto u Fero natimarid, um yetpan irai meto u ilpu ohua iraili iyum ipjin; im lep inmeto asega u itai eklim edo irai pece.

Emos 4:10

Kis ati nemehe alupas vai caua ainyak is idivaig nemehe iyehki an pece Ijipt: kis atgei ilpu takuras unyimia ainyak an nedoa, um iknipagki niji hors unyimia; kis ika ainyak aki ahgei nauanipin has u imnim u ilpu eucsupo unyimia: ja et ika a Ihova, Eka mun eti adumoij pam ehelek aijaua.

Saam 60:10

Aiek marom, ak Atua, as atcijaig cama aiek; aiek, ak Atua, as eti ahced ilpu eucsupo unyima aiek, um uhup ira ra.

Nitaasviitai u Job 34:20

Erupu emesmas ara an nuarin nadiat dikjai, an nijihgan nepig; etpu ehioehio inliinmopoi atimi vai inmas u ra sji igki: uhpu iknipagki ilpu atimi emda, jam eti va nikman tah.

Eksotus 12:12

Ekpu atga an pece Ijipt asega ainyak an nepig inigki, um auud inmeto asega an pece Ijipt, natimi im niji itai eklim edo irai pece; ekpu ago neruvaig ainyak irai ilpu atimi alupas asega Ijipt: ek Ihova ainyak.

Madius 25:6

Is wat ijihgan nepeig eris ahlaig atimi, um ika, Et mun yetpam natimi leh ehgan; akumu alau ijo aijaua um aubillid yin.

Maika 2:13

Et mun aridjipan an nuhup ura a natimi alcapdicrai itai: era mun alcapdicrai itai ara, um atga an neucse nathatahau, um lep apan itac iran: et atga a Natimarid ura an nuhup ura, et uhup ira ra a Ihova.

Emos 5:17

Et ika a Ihova; Erupu ehtigtaig ara irai ahapol vaine asega: vaig inig nikavaig, ekpu ateghe irai iji uari pece asega unyimia ainyak.

Aiseya 42:13

Etpu ati nedoa a Ihova et idivaig natimi emda, etpu ahugni nemda o un et idivaig neucsupo: etpu aunyauwaig aien, etpu ahlaig ijinies aien; etpu emda aien um esjilid irai ilpu atimi tak atimi iran.

2 Samuel 5:24

Inyi uce, nau wit ahgei inmotjai! natgavaig irai cai alupas aiek, namu auroauro aiek, um ehcohos pan: etpu idim apan an nuhup unyum a Ihova, mika yi auud inpak an nedoa u nup u Filistia aien.

Eksotus 12:23

Etpu atga a Ihova, um auud nup Ijipt; etu wit ecetai inja aien ira auicai aduwi an nahaijin neucse neom im lep an nahaijin, im lep an nauincai atgeig ijinies, etpu ahtaregdei neucse neom iyehki a Ihova, um atapnes nitai auahas atimi, vai yi jim apau iraili iyum unyimia, um auud caua.

Saam 81:5

Is ati nedo inigki a Atua, mika eri apos a ilpu mapoi Josef, eris wat ahes ara pan an pece Ijipt: eris atahaijeg intas eahki ara eris eti ato ara.