Eksotus 11:1 - Intas Etipup

¹ IS ika a Ihova ehele Moses, Ekpu lep ati nohocred inigki ache ainyak irai Fero im lep an pece Ijipt; ja etpu atcijai caua aien: etu wit atcijai caua aien, etpu idim ahlo pan caua asega aien.

Eksotus 11:1 Iomraidhean Croise

Levitikus 26:21

El eka imiisjisitai ehelek aijaua, um eti atahaijeg nyak; ekpu aketo ainyak um eceseven imiapam nohocred ehelemia et idivaig nedo has unyimia.

Jenesis 15:14

ekpu lep aru nedo has u nup uran pece iyehki ainyak erupu aheca ura ara: ja erupu ahes eahki ara um lucsei padiaig inyi ahinag.

Eksotus 9:14

Ekpu idim atijai iram ainyak an nopan inig niji itai has asega unyak, im lep irai ilpu aheca unyum, im lep irai up uran pece unyum; mika an ato aiek, nikavaig, ei eti eteuc tah et idivai nyak an nobohtan asega.

Eksotus 3:20

Ja ekpu atgeig yi apidi nikmak ainyak, um auud inpece Ijipt an nedo emda asega unyak ekpu ago ainyak an nuhup ura: ja erupu atcijaig caua ara.

Tyuteronome 4:34

Is lep eti ika a Ihova yi apan um iknipagki nup uran pece is ethi imi yin an pece is eche, irai ohocred, im niji itai asjaaicnaig, im nedoa, im nikman emda, im nikman adai, im nedo er imtitaig alupas vaig, et idivaig is ago vai caua a Ihova Atua unyimia an nuhup unyimia.

Nitai ehvaig 16:9

Is alupas nagesega, um ahenhen atimi; eris asan tas has esjilid ara va nidai Atua incig et esjilid aien irai itai ohocred vaig iji eigki: eris eti adumoij anliinmopura ara par imyiahpas yin.

Nitaasviitai u Job 10:17

Na lep ikni ilpu atimi asuptecnaig nedo unyak aiek; et ahinag nedemda unyum vai nyak; et yetpam irak inpak an nedoa et ahinag.

1 Samuel 6:4

Eris ika ara, Inhe nitai ahlap va nedo has inig ecrupu imiadumoij pan ehelen aijama? Eris ika ara, Niji itai auahas caua inyi faiv irai colt, im niji cedo haklin inyi faiv irai colt, et idivaig ilpu atimarid irai up u Filistia et faiv: is tup ethi ache nohocred inig is eteuc iramia asega im lep irai ilpu atimarid unyimia.

Eksotus 6:1

IS ika a Ihova ehele Moses, Napu almoi nitai inig aiek, ekpu ago ainyak irai Fero: etpu lep atcijai ra aien an nikman emda, um ahlo pan ra an pece o un an nikman emda.

Eksotus 12:29

Is wat ijihgan nepig, is auud inmeto asega an pece Ijipt a Ihova, um atupun ahes an meto u Fero natimarid, um yetpan irai meto u ilpu ohua iraili iyum ipjin; im lep inmeto asega u itai eklim edo irai pece.