1 Timodeus 2:3 - Intas Etipup

³ Et esjilid um upene nedo ineigki an nuhup u Atua ineig et imyiatamaig caija aien;

1 Timodeus 2:3 Iomraidhean Croise

Aiseya 45:21

Akumu apam ubutpotet aijaua, um asuptecnaig; maiya, erumu tas jipe ara: is ika a di eri atahaijeg intas inigki ara itu acen? is asuptecnaig a di um imihum pam an nopan inig? kis idim asaig ainyak Ihova; et eti lep eteuc tah Atua et eche, ainyak ache; ek Atua ago nedo atoh ainyak um imiatamaig atimi; et eti lep eteuc tah Atua, ainyak ache.

Lukas 1:47

et imyiacitak inliinmopok ainyak, vai Atua Natimi imyiatamaig nyak;

Nupu Roma 14:18

Aien et aheca u Kristo aien an nitai iji eigki, et upene aien an nuhup u Atua, era lep tas upene vai yin natimi.

Nupu Filipai 1:11

um amen alupas ehelemia nohoai itai upene vai Iesu Kristo, va uhpu asuptecnaig natimi alupas o Atua im nimyiahpas yin.

Nupu Filipai 4:18

Ja et eteuc niji itai asega imtak, ek ikni itai ainyak: et ahinag niji itai unyak ainyak, kis leh ehele Epafrotaitus ainyak nitai iji eigki akis imyiapam ehelek aijaua, nitai auanipin upene, nitai ahlap npene, et imyiacitak vaig a Atua.

Nupu Kolose 1:10

um ago nedo ineig et upene vai Natimarid, mika yi upene inliinmopon aien vai caua; um lep ohoai itai an nedo upene asega, um esjilid an nato Atua;

1 Nupu Desalonaika 4:1

IM lep ineig, ak ilpu etoak, ek ugni caua ainyak, um ated caua vai Iesu Natimarid, nikavaig, akis idim leh ehelek aijaua nesege imi caua va namen unyimia an nedo ineig et upene an nuhup u Atua, et idim ucco, aki ago nedo ineig aijaua um esjilid acen iran:

1 Timodeus 1:1

AK Timodeus, inhal unyak inivaijec an nimyiisjis ninivaijec, ek aiheuc vai euc ainyak Paulo, napostolo o Iesu Kristo vai intas alep o Atua ineig et imyiatamaig caija aien, im Iesu Kristo Natimarid, inta aitgai yin akaija:

1 Timodeus 4:10

Va nitai ineigki inta auritai akaija, um leucse nohocred vai intas has u atimi, ja inta aitgai Atua umoh ineig akaija, et imyiatamaig atimi asega aien, jam imyiatamaig esjilid ilpu atimi asgeig iran.

1 Timodeus 5:4

Ja el et eteuc ilpu hal o un tah intakata is mas natamnyu un, ka ilpu mapon, erumu ato ara par ago nedo aiheuc vai ilpu atimi ehpan ira ra, um lep ago neruvaig imi ilpu atmil ura: et esjilid um upene nedo ineigki an nuhup u Atua.

2 Timodeus 1:9

aien aigki is imyiatamaig caija aien, um ahlaig vai caija an nahlaig upene o un, is eti ago aien va nedo uja, ja va nupyi aktaktai o un, im intup naiheuc o un, is alupai caija aien irai Iesu Kristo, an naopan iyehki is pain eti eteuc nobohtan;

Ilpu Hibru 13:16

Jam jim ahnag iran aijaua par ago nedo upene im nedo aiheuc: et imyiacitak nitai ahlap iji eigki a Atua.

1 Pitrus 2:20

Nimyiahpas caua yek ed, el et eropse inliinmopomia aijaua uhu wit abli caua va nedo has unyimia? ja el et eropse inliinmopomia aijaua, aku wit ago nedo upene aijaua, jam ohocred vaig, el et upene irai Atua nedo ineigki.

1 Pitrus 2:5

eris lep actaig caua et idivaig hat umumoh, mika aki eom va Nesgan Upene aijaua, um ilpu atimi ahlap upene, par ahlap an niji itai ahlap anliinmopomia, et upene an nuhup u Atua irai Iesu Kristo: