Alalaha Nenge Paulus Hasia Lange Rom Mur 16:4 - Lote

⁴ E teke e hele urana toto lange iri iange te matau reria ero toto nga nenge te halaua iau nga lek ume. Pe NeHalang nena mata mur hel nge hana lomonmona ngana mur, te hele urana toto lange iri pule.

Alalaha Nenge Paulus Hasia Lange Rom Mur 16:4 Iomraidhean Croise

Ioanes 15:13

Nenge teke mele tung heke i sipona ke mete ke halaua pekngana mur, mele nem mutena tau tote pekngana mur.

Hekulkulonga Mur Aria Ume 15:26

Iange iri nai te matau singiria ero toto nga Non Soke Iesus Kristus nena ume mur.

Hekulkulonga Mur Aria Ume 15:41

Paulus langa kileng nenge Siria pe Silisia pe hekerkereng mule hehei pe hana mur nga leteria manmanna ngana.

Hekulkulonga Mur Aria Ume 16:5

Pomalam NeHalang nena hana mur temes ke kerkereng toto nga leteria manmanna ngana pe nga etue lochloch, hulua halang te hulia leteria pe te koko teu nge iri.

Hekulkulonga Mur Aria Ume 9:31

Ke hulua lochloch ngana nenge te ekiraurau nga Iesus ene nge Iutea pe nge Kalelea pe nge Samaria tetu ke nek mana ol. Iange mele hel nge teat ke tepoi poreke iri ero ol. Pe Opepengpeng hekerkereng ia iri pe halaulaua iri. Pe hulua halang te koko teu nge iri ke iri halang toto ol. Pe te nanasia poinga nenge tetal sio mene iri nga Non Soke matana.

Alalaha Nenge Paulus Hasia Lange Rom Mur 16:3

Pe a heleia lek apalanga lange Prisila pe Akuila. Iri nai, pekngak mur ia iri iange te umume ia Iesus Kristus nena ume ke pomange iau.

Alalaha Nenge Paulus Hasia Lange Rom Mur 16:5

Pe a heleia lek apalanga lange iri mata nenge te hekiraurau nga iri nai nem reria pele. Pe a heleia lek apalanga lange neingak Epinetus pule. Epinetus non nenge i tala toto nge hulia nena poinga mur ke nanasia Kristus nga tuele kina nenge Eisia.

Alalaha Nenge Paulus Hasia Lange Rom Mur 5:7

Non tei toto nge lape mete ke halaua non e? Nakuna nge lape hana elechle mana tepoia poinga nem. Pe nenge teke non e lemene toto, i lape mete ke halaua non e nge na poinga urana pe pengpeng mana.

1 Korin 16:1

Iok, e teke e hele teu langa um tutuna nenge lape a takiraua pe apoi tunginga ia ke a halaua NeHalang nena hana mur. Urana nge a nanasia ke pomanga e hele ngakia lange iri mata nenge Kalasia.

1 Korin 7:17

Hotonga nei e helele ia lange iri mata mur lochloch pe lape e heleia lange imo pule. Imo elle pe elle NeHalang iua imo nga atu ngamo nenge i sipona tunge lange imo, pe a nanas mene atu ngamo nem ke pomalalom.

Pilipai 2:30

iange i, mete par lo nga Kristus ana ume nenge tung teu tote singina ke halau tote iau nga ume nenge imo nakumo ero nge a poia. Pe imo a halaua iau ke pomam ero.

1 Tesalonika 2:14

Titik mur pe liliuk mur, imo apoi ke mange iri mata nenge NeHalang nga kileng nenge Iutea. Iri leteria manmanna nge Kristus pule. Pe Iuta mur te poia ure meena ngana halang ke lohotot nge iri, ke pomange imo nge lemo hana mur pengpeng te poia ure meena ngana mur ke lohotot nge imo.

1 Ioanes 3:16

Ita ta eteia ke mutenga luna toto mai koi: Iesus Kristus hile hote I sipona ke mete ke halaua ita. Ke pomalam ita pule ta hile hote ita sipora ke ta halaua pekngara mur.

Hemallaha Ngana 1:4

Iau Ioanes, pe ehas lange imo NeHalang nena hana mur nenge amo tuluk mur iri rahtele nai nga tuele kina nenge Eisia. NeHalang tu nge nike toto pe tu heueu nei pe nga hoena lape at mule. Pe Ope kikina ngana mur nge iri rahtele nai te mesmes nga nena kilanga seina ngana matana. Pe Iesus Kristus I non nenge hemallaha hot tote helenga manmanna ngana mur nge NeHalang. Pe I non nenge maul haka mule tala nga metenga pe nauele naungaala ana hana mur lochloch nga ich. E hetalaulau amo ke NeHalang iri ul nena Ope nemur pe Iesus Kristus te pete imo pe te hemaluche letemo ke atu ke nek. I mutena tau tote ita. Pomalam eina lele rera poinga poreke ngana mur ke te lasus toto.