Alalaha Nenge Paulus Hasia Lange Rom Mur 10:9 - Lote

⁹ Ke nenge teke o hele hot ke o teke, “Iesus i Non Soke,” pe letem manmanna nga letem toto ke NeHalang hemaul heke mule i nga metenga, lape NeHalang mene mule iong.

Alalaha Nenge Paulus Hasia Lange Rom Mur 10:9 Iomraidhean Croise

Lukas 12:8

“Ke e hele lange imo pengpeng urana toto nge mele nenge mes haka pe haliu hote iau ke teke, ‘Iesus i Non Tuna. Pe Iau letek manmanna nge i.’ Nge mele nem Iau lape e haliu hote i lange NeHalang nena angkelo mur ke e teke, ‘Non nei, iau lek non ia.’

Hekulkulonga Mur Aria Ume 16:31

Pe iri nai te hele, “Letem manmanna nge Non Soke Iesus! Iong pe iri lochloch ngana nenge tetu luluch nge iong nga lem pele. Pomalam lape o mene maulinga nge koko.”

Pilipai 2:11

Pe lape hulua lochloch te haliu hote leteria manmanna ngana ke te teke Iesus Kristus I Non Soke. Pe hemalmalinga palaungana lange Temene NeHalang.

1 Petrus 1:21

Ke letemo manmanna ngamo nge NeHalang nem, huna koi nge Kristus nge NeHalang hemaul heke mule i nga metenga pe hemalmalia i. Ke pomalam letemo manmanna ngana pe a kulkulala ngamo tu mana nge NeHalang.

Alalaha Nenge Paulus Hasia Lange Rom Mur 8:34

Pe itei toto nge lape hele ke teke NeHalang nena hana mur iri hana porekreke ngana mur? Mele pele ero toto iange Iesus Kristus mete pe maul haka mule nga metenga pe heueu nei are nga NeHalang ilina ele nenga pen tamalmal pe hele lala nge NeHalang ke halaulaua ita.

Alalaha Nenge Paulus Hasia Lange Rom Mur 14:11

Iange NeHalang nena alalaha nenge tehas sue ke ulolo, hele ke mai, “NeHalang hele ke teke, ‘Iau etu ke e maulul ke manmanna, pe manmanna toto ke hulua lochloch lape te tualou sio nga matak ke te heto heke iau; pe hulua lochloch lape te hele hot ke te teke iau NeHalang toto ngana.’”

1 Korin 12:3

Ke pomalam e teke e hemallaha hote lange imo ke pomai; Mele nenge NeHalang Opene tuteu nge i hele poreke Iesus ero. Pe pule mele nenge Opepengpeng tuteu nge i, lape hele ke teke Iesus i Non Soke.

2 Ioanes 1:7

Hana nenge te pallaka hali iri halang tetu nga ich nei ke ulolo. Iesus Kristus lohot ke I non. Pe hana nemur te hetoro ke te teke Iesus Kristus lohot ke I non ero. Ke hana nemur nenge pomai, te pallaka hali pe Kristus nena ngarang mur ia iri.

Ioanes 9:22

Non neu temene pe tana te hele ke mai iange te mataua Iuta mur aria papalauna mur nge te hele ke te teke, nenge teke mele heleia Iesus nge i Non nge Hemasinga, lape tepoi ele mele nem ke langa hetoronga ana pele ero ol.

Hekulkulonga Mur Aria Ume 8:36

Iok, te song ole ke te lala pela te lohot nga kileng unne nge ana ech. Pe non soke neu hele lange Pilipus ke teke, “O naula, ech i loi. O henune iau ol. Ute pele poi ele iau nge e mene henuninga ero.” [

Hekulkulonga Mur Aria Ume 2:24

Pe NeHalang hemaul heke mule Iesus nga metenga. Hile hote i ke mete sapele ero, iange kerkerenga pele nga metenga nakuna ero nge hekou sue Iesus.

Hekulkulonga Mur Aria Ume 2:32

Ke Ne Iesus nei, ngana kou NeHalang hemaul heke mule i nga metenga lo. Ke imem lochloch ngana nei, Iesus maul haka mule pe at ke lohot nge imem. Ke ngana koi nenge mo hele hotote ure nemur, iange mo esia lo.

Alalaha Nenge Paulus Hasia Lange Rom Mur 4:24

Helenga nei at nge ita pule. NeHalang lape longala teua ita pule iange letera manmanna nge i nenge hemaul heke ara Non Soke Iesus nga metenga.

Alalaha Nenge Paulus Hasia Lange Rom Mur 10:10

Iange letem manmanna nge teu toto pe nem poia iong ke o lohot ke o pengpeng nga NeHalang matana. Pe nga halim o hele hote letem manmanna ngana pe nem poia iong ke NeHalang mene mule iong.

Alalaha Nenge Paulus Hasia Lange Rom Mur 14:9

Kristus mete pe maul haka mule nga metenga ke ulolo. Ke nga poinga nem, Kristus lohot ke i Non Soke nge iri lochloch. Iri nenge te mete pe iri nenge te maulul pule.

1 Ioanes 4:15

Pe mele nenge haliu hot ke teke Iesus I NeHalang Tuna, lape NeHalang tu luluch nge i pe i tu luluch nge NeHalang.