Mateus 4:11 - Lote

¹¹ Ol pe non poreke ngana neu ua ke la ol pe angkelo mur teat ke te halaua Iesus.

Mateus 4:11 Iomraidhean Croise

Mateus 26:53

Imo a eteia ero kura kai? Nenge lemek, e hele lange Temek pe heueu nei kulos sue angkelo mur nge iri halang toto ke te at ke te halaua Iau.

Mateus 4:6

Ol pe hele lange Iesus ke teke, “Nenge teke Iong NeHalang tuna toto o tamu hot nga lamai ke osio langa ich. Iange NeHalang nena helenga nenge tehas sue ke ulolo, hele ke teke, “‘NeHalang lape heleia iong lange nena angkelo mur ke te rahit heke mene iong nga peria. Pe lape otut hule apem nga um ero.’”

Helenga Urana Toto Ngana Nenge MAK 1:13

Tu nga ana kileng ke teio elle pe hakekena (etue iri ana non kina nai) pe la Non Poreke ngana totoi ke helosio ia i. Pe ure mur nenge iri hinolo tetu pule. Mala pol pe NeHalang nena angkelo mur teat ke te halaua i.

Lukas 22:43

Ol pe NeHalang nena angkelo e lohot nge Iesus ke hekerkereng ia i.

Lukas 22:53

Etu luluch nge imo ke kokoes mana nga NeHalang nena pele palaungana pe pomere a laua iau ero? Pe heueu nei, amo etue ol koi. Iange imo ul non poreke ngana a ume ke kerkereng toto nga etue nei.”

Lukas 4:13

Non Poreke ngana neu totoi ke helosio ia Iesus nga poinga lochloch. Ke het pe ua ana iange nga hoena lape at tau mule i.

Ioanes 14:30

Iok, lape e hele sakilil lange imo ero ol iange non nenge nauele ich nei ngana koi atat lo. Pe iau kikik ngak palaungana toto nga i kikina ngana.

1 Timoti 3:16

Ita ta eteia ke hengetoro nemur nenge NeHalang hemallaha hote, i ure palaungana pe manmanna toto: Kristus lohot ke i non. Opepengpeng henonou hote ke I non nge pengpeng toto. Angkelo mur te esia I. Te haliu hote nena helenga ke hehei pe hana lochloch nga ich leteria manmanna nge I. Pe NeHalang mene heke I langa lut ke hemalmalia I.

Hipru 1:14

Iok laol, angkelo mur iri utar? Iri ope mur nenge te ummume nge NeHalang. Pe NeHalang kulosia iri ke te halaulaua iri nenge te mene maulinga ke koko.

Hipru 1:6

Pe pule nga etue nenge NeHalang kulosia Tuna tengene ana ke sio at nga ich, hele ke mai, “Lape NeHalang nena angkelo mur lochloch ngana te heto heke i.”