Mateus 2:2 - Lote

² Pe te ontei ke te teke, “Mo teke mo nau nge kol sune nenge tana hoe i pe te teke Iuta mur aria naungaala ana non soke ia. Ana non ngai? Motu nga lemem kileng pe mo esia ana itoch nge tualeme nga chaia haka ngana. Ke ngana koi moat ke mo teke mo heto heke i.”

Mateus 2:2 Iomraidhean Croise

Mateus 2:3

Pe naungaala ana non soke Herot pe hulua lochloch ngana nge Ierusalem te longe ure nei pe leteria tuanin rara ia ke halang.

Mateus 21:5

“A hele hote helenga nei lange hehei pe hana nge Saion, ‘A esia lo, amo Non Soke kou are haka nga tongki, nga tongki lomele ngana ke atat neu. Pe ngana tano mana ke manga none nge pingana iuiu ero.’”

Mateus 27:11

Iok laol, te mene Iesus ke lange ne Pilatus. Ne Pilatus i non nenge mene ne Kaesa munna ke nauele Iuta mur. Pe ne Pilatus onteia Iesus ke teke, “Iuta mur aria soke ma iong mam?” Pe Iesus hele, “Oe, iong sipom o hele hote lo.”

Lukas 19:38

Pe te makul haka ke mai, “Petanga tunge Naunga ala ana non nenge at nga Non Soke ene! Pe tunga nge nek nga lut nga tapa! Ta heto heke tote NeHalang nga lut nga tapa nge i palaungana toto pe urana toto!”

Lukas 2:11

Nga etue nei pengpeng nga Teuit na kileng huna te hoe non nenge hemasmas. Pe i Kristus, ara Non Soke nenge NeHalang hele tala ia ke teke kulosia at.

Lukas 23:3

Ol pe Pilatus ontei sapele Iesus. “Ae, Iuta mur aria naungaala ana non ma iong mam?” Pe Iesus hele, “Iong sipom o hele hote helenga nem.”

Lukas 23:38

Pe tetal heke helenga nei nga Iesus hou ngana, “iuta mur aria naungaala ana non koi nei.”

Ioanes 1:49

Ol pe Nataniel hele, “Hetoronga! Iong NeHalang Tuna Iong pe Israel mur aria Naungaala ana non!”

Ioanes 12:13

Pomalam te choloua akau perperna mur pe tela ke tei ele i. Pe alngaria ke te teke, “Ta heto heke NeHalang! NeHalang pete i nenge at nga Non Soke ene! NeHalang pete Israel mur aria Naungaala ana non!”

Ioanes 18:37

Ol pe ne Pilatus ontei, “Ke hehei pe hana aria naungaala ana non ma iong mam ae!?” Pe Iesus tuacholia, “Lem helenga nem manmanna. Hehei pe hana aria naungaala ana non koi iau. Pe nga nem mana hetak hoe iau pe eat nga ich nei ke e hele hote helenga manmanna ngana. Pe iri lochloch nenge te longo lala nga helenga manmanna ngana mur te longo atat nge iau.”

Ioanes 19:19

Pe ne Pilatus hele ke tehas ia helenga toto e pe tetal heke nga manga toto. Helenga toto neu hele ke pomai, “iesus nenge nasaret, iuta mur aria naungaala ana non.”

Ioanes 20:28

Pe Tomas tucholia pe hele ke teke, “Iong NeHalang nenge e heto hekeke pe ak Non Soke iong!”

Ioanes 5:23

Ke pomalam lape hulua te heto heke Tuna ke pomanga te heto heke Temene. Pe mele nenge heto heke Tuna ero, heto heke Temene ero, iange i kulosia Tuna ke at.

Ioanes 9:38

Pe non neu hele, “Non Soke, letek manmanna nge iong.” Ol pe non neu tualou sio pe heto heke Iesus.

Hipru 1:6

Pe pule nga etue nenge NeHalang kulosia Tuna tengene ana ke sio at nga ich, hele ke mai, “Lape NeHalang nena angkelo mur lochloch ngana te heto heke i.”

Hemallaha Ngana 22:16

“Iau Iesus pe e hekule lek angkelo ke haliu hote ure nemur lange imo NeHalang nena hana mur. Pe e lohot nga mata nenge ne Teuit pe nakuk sinaha ke pomanga itoch uachuach ana nenge tualeme toto.”