Lukas 8:48 - Lote

⁴⁸ Pe Iesus hele ke nek mana lange hei neu, “Atong heek, letem manmanna ngana hemas mule iong. Ola pe otu ke nek ol.”

Lukas 8:48 Iomraidhean Croise

Mateus 12:20

Pe lape hekerkereng mule iri nenge leteria manmanna ngana unne sune mana ol, ke te kerkereng mule. Pe lemenge nenge ngau ke unne sune mana, i hemete sapele ero. Teke poia poinga urana ngana nei, ke ris tote poinga lochloch pe mes hot ke mallaha toto.

Mateus 8:13

Ol pe Iesus hele lange palinga hel ana hana mur aria soke neu, “O laol, Ure nem lape lohot ke pomanga letem manmanna ngana nenge o teke lape lohot ke pomam. Ol pe nena non nenge singina haleles neu, singina urana mule nga etue neu pengpeng.”

Mateus 9:2

Ol pe hana hel te takis ia none nge singina lochloch mete pe mamana nga tako. Pe Iesus esia hana nemur leteria manmanna ngana pe hele lange non nenge singina mete neu, “Letem huna sakilil ero ol. E saua lem poinga poreke ngana mur ke te lasus toto lo.”

Mateus 9:22

Ol pe Iesus ralele pe esia i pe hele, “Hatong, letem huna ero ol. Letem manmanna ngana laka nenge hemaulia iong nga haleles nem.” Pe nga etue unne neu pengpeng haleles neu het sapele nge hei neu.

Helenga Urana Toto Ngana Nenge MAK 5:34

Iesus hele lange i, “Atong liuk, o urana nga letem manmanna ngam. Ola otu ke nek pe haleles nem tu nge iong ero ol.”

Lukas 17:19

Ol pe Iesus hele lange non lomona neu, “O lohaka pe ola ol. Letem manmanna ngana laka hemas mule iong.”

Lukas 18:42

Pe Iesus hele lange i, “Iok, onau mule ol. Letem manmanna ngana laka poia iong ke o urana mule.”

Lukas 7:50

Pe Iesus hele lange hei neu, “Letem manmanna ngana laka hemas mule iong. Ola mule pe otu ke nek ol.”

Lukas 8:47

Hei neu eteia nge lape i talkome ero ol pe loiloi ele i pe la tamal sue i nga Iesus apena. Pe nga hulua mataria hei neu hele urume ke i sipona raua Iesus pe ana haleles het sapele.

Hekulkulonga Mur Aria Ume 14:9

Ana non are pe longo ke nek toto nga Paulus na helenga mur. Pe Paulus esia i pe eteia ke non nem letena manmanna toto. Ol pe teke hemasia i.

2 Korin 6:18

Ke Non Soke nenge kikina toto hele ke teke, “Imo Tememo iau pe iau tutuk mur imo. Imo tatamanna pe heheina lochloch.”

Hipru 4:2

Iri nenge nike, teteu la ero iange leteria manmanna nga helenga urana toto ngana nenge te longe ero. Pe helenga urana toto ngana nem, ngana koi nenge ta longlonge heueu nei.