Lukas 6:25 - Lote

²⁵ Pe imo nenge samo huna heueu nei, a iech ero ol iange nga hoena lape a meteamo toto! Imo nenge a melmelmel heueu nei, a iech ero ol iange nga hoena lape a tang manmana ol!

Lukas 6:25 Iomraidhean Croise

Lukas 12:20

“Ol pe NeHalang hele lange i, ‘Iong nge am hauaua toto iam! Heueu nga miliko nei lape o mete. Pe ure lochloch ngana nenge o talue nem lape itei mene iri?’

Lukas 13:28

“Imo lape atu manmana nge hot pe a tangtang pe ngingimo chatrekreke pe a amneia melmelenga palaungana. Lape a esia Apraham pe Isak pe Iakop pe hetatalonga nemur nge tetu teu nga NeHalang nena naualanga pe nekinga. Pe imo sipomo lape a lasus toto.

Lukas 6:24

“Pe imo nenge lemo ure halang heueu nei, a iech ero ol iange atu ngamo nenge urana toto a mene ke ulolo!

Lukas 6:26

Pe imo nenge hulua te heto hekeke imo, a iech ero ol iange nge nike hulua nemur reria tete mur te heto hekeke hana nemur nenge te pallaklaka ke iri hetatalonga.”

Lukas 8:53

Pe iri lochloch ngana te melmel lilia Iesus iange iri te eteia ke he sune neu mete toto lo.

Epeses 5:4

Pe pule a tamal hote helenga poreke ngana ero pe a penpen ero pe songingalele nenge poreke a heleia iri ero. Ure nemur te urana ero nge a poia. Pe a hele urana pe a heto heke NeHalang iange i mene hote imo nga poinga nemur.

1 Tesalonika 5:3

Hehei pe hana lape te hele ke te teke, “Imem motu ke nek mana pai! Letemem ia ute pele ero!” Pe ure poreke ngana lape heporeke iri nenge pomam ke ueiuei toto, ke pomanga melmelenga nenga hohonga nenge lohot nge heie. Pe lape te eleis maul ngaria nga ure nem ero toto.

Ieims 4:9

Letemo poreke ia lemo poinga poreke ngana mur pe a tang hot tote iri! A hulia lemo melmelinga mur ke langa lemo tanginga mur. Pe a iech ngamo nem mur ero ol pe nakumo hunun mana.

Hemallaha Ngana 3:17

Pe imo a hele ke a teke, ‘Oe imem lemem ure halang toto lo pe ute e nge alpapa taua imem ero.’ Iong o hele ke pomam pe onau teu langa otu ngam ke nek ero. Iange nga enau ngak lem ute pele ero pe matam hit pe singim nganangana ero toto.