Lukas 6:14 - Lote

¹⁴ Eria koi nemur: Simon (nenge Iesus hetue ke ene Petrus) pe tina Antreas pe Ieims pe Ioanes pe Pilipus pe Patolomius

Lukas 6:14 Iomraidhean Croise

Mateus 10:2

Pe Iesus nena hana mur analoch pe nai eria koi nemur: Simon (nenge ene e pule Petrus) Antreas (Simon tina) Ieims (ne Sepeti tuna) Ioanes (Ieims tina) Pilip Patolomius Tomas Mateus (nenge lololoch umtutuna.) Ieims (nenge Alpeus tuna) Tateus Simon (non nenge teke Israel mur iri siporia tenau ele iri) Iutas Iskariot (nenge tunge Iesus langa hana porekreke ngana mur peria)

Mateus 4:18

Iok, Iesus i olole nga ech ilina nge Kalelea pe esia hana nai. Hana nai neu titiria hel. Ngana laka Simon nenge te hetue ke Petrus iri nai tina Antreas. Iri nai te hesisio hoat nga ruach sana iange iri hana nenge te holole ruo.

Mateus 4:21

Iok, tei ole nga lamau ke telala pe Iesus esia hana nai pule. Iri nai titiria hel pule. Elle ene Ieims pe elle ene Ioanes. Pe iri ne Sepeti tutuna mur ia iri. Iri nai te manmana nga aka e pule luluch nge temeria Sepeti ke te palalala aria hoat. Iesus iua iri nai

Helenga Urana Toto Ngana Nenge MAK 1:19

Iesus i la pol pe esia Sepeti tutuna mur Iakop pe Ioanes. Iri nai te tutua hoat chach ngana nga himot tuna letena.

Helenga Urana Toto Ngana Nenge MAK 1:29

Te lohaka nga hetoronga ana pele nem pe tei pengpeng langa Simon pe tina Antrias ria pele pe Ieims pe Ioanes te koko luluch nge iri.

Helenga Urana Toto Ngana Nenge MAK 14:33

Iok, mene Petrus pe Ieims pe Ioanes ke te koko nge i. Pe Iesus letena meena toto sapele

Helenga Urana Toto Ngana Nenge MAK 3:16

Hana iri analoch pe nai nenge Iesus hesilei hote iri koi: Simon, (pe Iesus haua ke ene Petrus), Ieims pe tina Ioanes (nenge Sepeti tutuna mur pe Iesus haua eria ke Poanerkes. Luna laka, “kileng kurung ngana” iange leteria inin ngana manga kileng kurung ngana) Antreas Pilip Partolomius Mateus Tomas Ieims (nenge Alpeus tuna) Tateus Simon (non nenge teke Israel mur iri siporia tenau ele iri) Iutas Iskariot, (non nge tunge Iesus langa hana porekreke ngana peria).

Helenga Urana Toto Ngana Nenge MAK 5:37

Pomalam, Iesus poi ele hulua ke tela luluch nge i ero. Petrus pe Ieims pe tina Ioanes iri toro mana te koko nge Iesus.

Helenga Urana Toto Ngana Nenge MAK 9:2

Etue rahtele elle nga hoena Iesus mene Petrus pe Ieims pe Ioanes ke iri ul te haka langa hengene nga lut toto ke tetu ke iri toro mana. Tenau la pe Iesus singina pe na hengeron lohot ke altoto.

Lukas 5:10

Pe Petrus pekngana nai pule Ieims pe Ioanes Sepeti tutuna mur te rura pule. Ol pe Iesus hele lange Simon, “O matau ero. Heueu pe laol lape o menmene hana ke pomanga ruo nge o hole nga hoat.”

Lukas 5:8

Pe Simon Petrus esia ure nenge lohot pe tualou sio nga Iesus matana pe hele lange i, “Non Soke oua toto ak iange iau lek poinga poreke!”

Lukas 6:13

Ol pe iua nena hana mur lochloch pe hesilei hot ke analoch pe nai pe hetue iri ke nena hekulkulonga mur.

Lukas 6:15

pe Mateus pe Tomas pe Ieims (nenge Alpeus tuna) pe Simon (nenge te hetue i ke Emo Kina)

Ioanes 1:45

Iok, Pilipus hottaua Nataniel pe hele lange i pule ke teke, “Mo hottaua non nenge Moses has urume nga hotonga ana alalaha mur lo. Pe pule hetatalonga mur tehas urume i nga reria alalaha mur. Ana non ene laka Iesus. Ne Iosep nenge Nasaret tuna.”

Ioanes 14:8

Ol pe Pilipus hele lange Iesus, “Non Soke, imem lape mo ontei mule iong nga ute e ero ol. Pe ure nenge mutemem tau tote ngana koi nei; O henonoua imem nge Temere ke mo naue nga matamem.”

Ioanes 6:5

Pe Iesus nau rara pe esia hulua nge te atat nge i. Ol pe onteia Pilipus, “Lape ta olia hulua nemur aria ngaunga langai ke te ngau?”

Ioanes 6:8

Pe Iesus nena none pule ene Antreas, nenge Simon Petrus tina. Ana non lohaka pe hele,

Hekulkulonga Mur Aria Ume 1:13

Iok laol, tei teu lange Ierusalem pe tei haka langa lut nga pele letena unne nenge te tutuia. Iri lochloch eria koi: Petrus, Ioanes, Ieims, Antreas, Pilipus, Tomas, Patolomius, Mateus, Ieims nenge Alpeus tuna, Simon nenge seilil kina, pe Iutas nenge Ieims tuna.

Hekulkulonga Mur Aria Ume 12:2

Pomalam, mene Ieims nenge tina Ioanes ke hune i nga kakop. Pe Iuta mur te esia poinga nei pe te iech mana.

2 Petrus 1:1

Iau Simon Petrus koi ehas ia alalaha nei. Iau Iesus Kristus nena hekulkulonga nenge e umume nge i. Pe ehas ia alalaha nei ke lange imo nenge NeHalang pe ara Hemasinga Iesus Kristus te heurana ia imo pe te hepengpeng tote imo ke letemo manmanna ngana urana toto ke pomange imem.