Lukas 24:21 - Lote

²¹ Pe imem lochloch ngana letemem manmanna ke i toto koloi, nenge lape mene mule Israel mur lochloch. Pe lape ero ol. Onau ure nenge lohot nem ana etue mol ngana koi heueu nei.

Lukas 24:21 Iomraidhean Croise

Lukas 1:68

“Ta heto haka tote NeHalang Israel mur aria Non Soke! Iange i sio at ke halaua nena hana mur pe mene mule iri nga reria poinga poreke ngana mur.

Lukas 2:38

Pe nga etue neu saolia Iosep iri nai Maria nge te laia Iesus nga NeHalang na pele. Saolia iri pe heto heke NeHalang sapele pe heleia kol sune neu lange iri nenge te kulele mene etue nenge lape NeHalang mene mule Israel mur.

Hekulkulonga Mur Aria Ume 1:6

Iesus nena hana mur teare luluch nge i pe te onteia i ke te teke, “Non Soke, lape otal haka mule Israel kai? Nga etue nemai?”

Hekulkulonga Mur Aria Ume 7:28

O teke o hune iau ke pomanga non Ekipto nenge o hune nge lona ma?’

Hemallaha Ngana 5:9

Pe ure maulul ngana henel neu pe almasinga ana hana nemur te peua aria peunga heueu ngana ke pomai, “Iong non toto nge o tualupa hote alalaha nem ana simanga mur iange te hune iong ke ulolo. Pe nga o mete ngam nem, o ol hot mule hehei pe hana nga eim ke te mene maulinga ke koko nge NeHalang. Hehei pe hana nga tuele kina papalauna mur pe nga kaleu ramana mur pe nga helenga kuena ngana mur pe hehei pe hana lochloch ngana nga ich.