Lukas 16:19 - Lote

¹⁹ “None nenge nena ure halang pe none nenge tu ke poreke toto. Pe non nenge nena ure halang heronia hengeron urana ngana mur pe nga etue lochloch ngau ke sana una manmana.

Lukas 16:19 Iomraidhean Croise

Helenga Urana Toto Ngana Nenge MAK 15:17

Te songlele ule Iesus pe te heronia hengeron popopo ngana ke pomanga i naungaala ana non. Pe te mania rur nge matantana pe te here nga Iesus palpalna.

Helenga Urana Toto Ngana Nenge MAK 15:20

Te esalang ule i ke het pe tepoi hote hengeron popopo ngana nem nge i pe te heron teu mule nena hengeron la mule nge i. Pe te ape hote i lange hot ke te hune i nga manga toto.

Lukas 15:13

“Mala ero mana nga hoena kol neu takiraua nena ure mur pe laia ke te olia ke mene umtutuna ia. Ke het pe ua sapele ke langa kileng e nga tau toto. Pe nga kileng neu ana non hesil taua nena umtutuna mur nga poinga poreke ngana pe ure poreke ngana mur.

Lukas 16:1

Iesus hele lange nena hana mur, “Nga etuene e, none umume nge non soke e nge nena ure halang. Pe ume ngana nauelele laka non soke neu nena ure mur. Ol pe helenga e song ke teke non neu hesil sio mene non soke neu nena umtutuna mur.

Lukas 16:18

“Mele nenge hile nehei pe lei haka mule i laka tomtom ia none nehei. Pe mele nenge lei heke mule none nehei nge hile poia poinga poreke toto ngana pule.

Lukas 16:20

Pe non nenge tu poreke toto nem ene Lasarus. I singina chanchan hulu pe kokoes mana te mene i langa non soke neu nena piunga matana

Hemallaha Ngana 17:4

Pe hei neu heronia hengeron nenge kunkun pe nenge remenmen. Pe alheke tote i nga um nenge singina insachsach, pe koikoi ke pomanga lauta, pe nga silo sachanchana nenge te insachsach, pe nga relem utona nenge kunkun pe insachsach. Pe rahite eulinga e nge insachsach pe koikoi ke pomanga lauta nga penna. Pe eulinga neu muta ia olenga tele pe poinga porekreke ngana mur nga nena poinga nenge salaulau.

Hemallaha Ngana 18:16

pe te hele ke te teke, “‘Opoi! Tuele tana palaungana nei lakis tau kai! I heronia hengeron urana ngana mur nenge kunkun pe nenge remenmen. Pe alheke tote i nga nananga chalemlem ngana mur pe nga um nemur nenge ururia haka toto pe nga relem utona nenge kunkun pe insachsach!

Hemallaha Ngana 18:7

Isipona tal heke tote i ke teke i hei palaungana lo pe heto chonchonchone i. Ke pomalam a tunge melmelenga ke milang toto lange i ke tangia nga nena poinga poreke ngana nem. Ana hei helele nga letena ke teke, ‘Iau hei palau pe eare nga lek kilanga seina ngana pe etu pakar ero. Ke pomalam ute pele nge hetang ia iau ero!’