Lukas 15:18 - Lote

¹⁸ Lape ela mule nge temek pe e hele lange i, “Temek, e poia poinga poreke toto ngana lange NeHalang pe lange iong pule.

Lukas 15:18 Iomraidhean Croise

Mateus 3:6

Pe te hulia leteria pe te hele hote reia poinga poreke ngana mur pe Ioanes henun sapele iri nga ech nge Iortan.

Mateus 6:14

Iange nenge teke letem ia mele nenge poi poreke iong lape Temem nga lut nga tapa lape letena ia iong pule.

Mateus 6:9

“Ke nenge teke a hetalaulau, a hetalaulau ke mai koi; “‘Tememem nga lut nga tapa em pengpeng toto.

Mateus 7:11

Imo hana poreke ngana nemur a eteia utar nenge urana nge lape a tunge lange tutumo mur. Ke pomalam a etei tote ol ke Tememo nenga lut nga tapa lape tunge ure urana ngana mur lange iri nenge te onteitei lala nge I.

Lukas 11:2

Pe Iesus hele lange iri, “Nenge teke a hetalaulau, a hele ke mai koi: “‘Tememem, lememem toto ke hehei pe hana te heto heke em ke pengpeng toto. Pe pule lememem toto ke lem naunga ala urana ngana at.

Lukas 15:17

“Iok laol, ana non letena matana ke nek toto ol pe hele sapele, ‘Temek nena hana mur kou te ngau ke saria unna pe aria ngaunga aluana mama. Pe iau i! E meteak ke e metmete lo!

Lukas 15:19

Iau e urana ero ol nge o hetue iau ke tum iau. Lemek ke o poia iau ke eume manmana nge iong ol.” ’

Lukas 15:21

Ol pe kol neu hele lange temene, ‘Temek, e poia poinga poreke toto ngana lange NeHalang pe lange iong pule. Iau e urana ero ol nge o hetue iau ke tum iau.’

Lukas 18:13

“Pe non nenge lololoch umtutuna mes ke kangkanga pe nau sio mana pe palia mautuna pe hetalaulau ke pomai, ‘NeHalang, letem ia iau. Iau non poreke ngana.’”