Lukas 14:11 - Lote

¹¹ Iri nenge tetal heke mule iri siporia, lape Non Soke tal sio tote iri. Pe iri nenge tetal sue iri siporia mule lape Non Soke tal haka tote iri.”

Lukas 14:11 Iomraidhean Croise

Mateus 23:12

Iange mele nenge tal hekeke i lape tetal sue i, pe mele nenge talsio menmene i lape tetal heke tote i.

Lukas 1:51

Hana nenge tetal heke iri nga leteria toto NeHalang tul hote penna pe na kerkerenga sisparai sue iri.

Lukas 1:52

Naungaala nemur nenge tetal heke iri ke kokoes NeHalang tal sio tote iri. Pe iri nenge teau sio tote iri nga NeHalang matana, NeHalang tal haka tote iri langa lut.

Lukas 14:12

Iok Iesus hele mule lange tokoninga nenga ngaunga matana neu ke teke, “Nenge teke o poia ngaunga matana, o iua hana nenge reria ure halang ero. O iua laka iri nenge tetu poreke toto pe haleles poia iri ke singiria ele mete pe mataria hit. Pomalam lape Non Palaungana pete iong toto. Iange iri te tuacholia lange iong ero. Non Palaungana i sipona lape tuacholia lange iong nga etue nenge hana uranrana ngana mur te lohaka mule nga metenga. Pe nenge teke o iua pekngam mur pe titim mur pe alom mur pe lem kileng ngana mur nenge reria umtutuna halang lape iri siporia te tuachol mule lange iong ke o mene urum nge Non Palaungana ero ol.”

Lukas 18:14

Ol pe Iesus hele, “E hele lange imo pengpeng, non nenge lololoch umtutuna nem la mule nga na kileng pe i toro mana lohot ke pengpeng toto nga NeHalang matana. Pe non Paresio nem ero toto. Iange mele hel nenge tetal heke iri lape NeHalang tal sio tote iri. Pe mele hel nenge tetal susue iri lape NeHalang tal haka tote iri.”

Ieims 1:9

Pe tira e nenge nena ute e ero, iech toto iange NeHalang tal haka tote i ke het lo.

Ieims 4:10

Atal sio tote imo nga Non Soke matana, pe I lape inheke mule imo pe tal heke tote imo langa lut.

Ieims 4:6

Pe NeHalang letena porekeia ita ke halang. Pe nena helenga nenge tehas sue ke ulolo, hele ke teke, “NeHalang lemene ero toto ia iri nenge tetal hekeke iri. Pe I letena poreke toto ia iri nenge tetal sio totote iri pe hekerkereng ia iri.”

1 Petrus 5:5

Pe imo lolomele mur a longo taua amo almasinga ana hana mur, pe imo lochloch ke atal sue imo lala nge imo elle pe elle. Iange NeHalang nena helenga nenge tehas sue ke ulolo, hele ke teke, “Hana nenge tetal hekeke iri, NeHalang nena ngarang mur ia iri. Pe hana nenge tetal susue iri, NeHalang poi ke urana toto lange iri.”

1 Petrus 5:6

Atal sue imo nga NeHalang matana iange i kikina ngana halang nge lape halaua imo, pe lape heto heke imo nga etue nenge isipona talue ke teke poia.