Lukas 11:24 - Lote

²⁴ “Iok, uneinei e lohot nge mele pe song ke la tango rara munna nge tuia. Song ke langa kileng hal ngana mur ke tango rara munna pe hottaua munna e ero. Pomalam hele, ‘Lape ela tau mule kou lek pele neu lo nenge etu tatala ia.’

Lukas 11:24 Iomraidhean Croise

Helenga Urana Toto Ngana Nenge MAK 5:10

Pe helaulau lange Iesus ke lope hote uneinei mur nga kileng nem ero.

Helenga Urana Toto Ngana Nenge MAK 9:25

Iesus esia hulua nge lape ueiuei mana pe te emurung taua iri, tunge helenga kerkereng ngana langa uneinei ke teke, “Iong uneinei nenge o poia kol nem ke talngana hit pe hanna hit, o lohot nge i pe otu teu mule nge i ero ol!”

Lukas 11:25

Iok laol, at mule pe teke nau pe pele neu te sachalue ke lemlem pe te poia ke nek toto.

Epeses 2:2

Nga etue nem atu ke a nanas menmene poinga nemur nga ich nei pe a nanas mene ope poreke ngana mur nga tapa sana aria palau. Ke heueu nei ope nem tu ke umume nge iri nemur nenge te longo olole nge NeHalang.

1 Petrus 5:8

A tatalo ala pe anau ala amo ke nek iange lemo ngarang Satan, poi ke pomanga huros inolo e nenge ene laion ke alngana onrungrung pe i rarara ke tangtango mele hel ke teke hunune iri.