Lukas 1:53 - Lote

⁵³ NeHalang tunge ure urana ngana mur lange iri nenge reria ute hel ero. Pe iri nenge reria ure halang NeHalang kulosia iri pe te patpata mana ke tela ol.

Lukas 1:53 Iomraidhean Croise

Mateus 5:6

Iri nenge muteria tau tote NeHalang lemene ngana ke pomanga muteria taua ngaunga pe ech te iech toto ol. Iange NeHalang lape poia iri ke saria huna.

Lukas 1:54

NeHalang halaua Israel mur pe letena ia Apraham pe na tete mur nga etue lochloch. Iange letena metene helenga utona nem nenge heleia lange rera tete mur nge nike.”

Lukas 6:21

Imo nenge a meteamo nga ich heueu nei, a iech pule iange lape samo una nga hoena. Imo nenge a tangtang pe letemo meena toto heueu nei, a iech iange nga hoena lape a melmel mule.

Lukas 6:24

“Pe imo nenge lemo ure halang heueu nei, a iech ero ol iange atu ngamo nenge urana toto a mene ke ulolo!

Ioanes 6:35

Ol pe Iesus hele ke teke, “Ngaunga nenga maulinga, ngana koi iau lo. Mele nenge at nge iau, lape meteana mule ero ol. Pe mele nenge letena manmanna nge iau lape meteana ech mule ero ol.

1 Korin 1:26

Iok titik mur pe liliuk mur, letemo metene mule NeHalang iu ngana ia imo ke nena hana mur imo. Amo hel mana nge imo leteria matana ngana urana toto nga hana tenau ngaria. Pe amo hel mana nge imo te ele haka ke iri hana papalauna mur. Pe pule amo hel mana nge imo teha nge hana nenge pingaria iuiu.

1 Korin 4:8

Eh, imo a teke ure nemur nenge mutemo tautaua mataria purpur pe NeHalang tung lochloche tunginga mur nga Opepengpeng ke te muta toto nge imo lo, ae? Imem mo lohot ke imem naungaala ana hana mur ero kura pe imo a teke a lohot ke imo naungaala ana hana mur lo. Teke pomam iok, imem mo teke mo lohot ke imem naungaala ana hana mur pule ke ita ul ta nauele hehei pe hana.