Hipru 8:9 - Lote

⁹ Pe nei ol, lape altoto nga nenge e poia lange reria tete mur nge nike. Nga helenga tomunga hel nike ngana nem, e rahite iri nga perik pe e mene hote iri nga ich nenge Ekipto. Pe iri leteria manmanna, nga helenga palaungana nenge mo tom helia nge nike ero. Te poia poinga nem pe enau lange iri ero ol.

Hipru 8:9 Iomraidhean Croise

Helenga Urana Toto Ngana Nenge MAK 8:23

Iesus rahite non nem nga penna pe he i ia i ke tei hot nga kileng neu ke tetu ke iri toro mana. Ol pe Iesus ulut haka nga non neu matana pe tal heke penna nge i pe onteia i, “O amnei langa matam? O esia ute kau?”

Hekulkulonga Mur Aria Ume 13:11

Ke heueu nei lape o amnei am nga Non Soke penna mukam. Lape matam hit ke o kolkol ia chaia matana mukam.” Ol pe non neu matana auala pe pal rara sapele, ke teke tango rara mele ke apea i.

Hekulkulonga Mur Aria Ume 7:36

Iok, Moses mene hote Israel mur nge Ekipto. Pe nge Ekipto, NeHalang hekerkereng ia i ke poi hote merakulo mur. Pe poia hel pule nenge tei tele nga ruach nenge ene Ruach Remenmen. Pe pule nga ich sana lomona nge teii ia ke hesinga iri ana non kina nai (40).

Hekulkulonga Mur Aria Ume 9:8

Iok laol, Sol lohaka ke mes pe teke nau pe ero, kolkol toto. Matana nai ape ke teau ala mana. Pomalam hana nemur tera hite i nga penna pe te apea i ke iriul tei teu lange Tamaskus.

Kalasia 4:24

Nananga nei luna la ke mai koi: Hehei nai nem te pomanga Helenga Tomunga Hel iri nai. Elle at nga hengene nenge Sinai pe hoe tutuna mur nenge hotonga chiu hit mene iri ke te nanas tau mene. Ke hei nenge Heka i pomanga hengene nem.