Hipru 8:11 - Lote

¹¹ Pomalam lape te hetore titiria mur pe reria helenga pekngana mur ero ol, nenge te teke te hetore iri ke te eteia NeHalang pule. Hengetoro nem lape lohot ero ol, iange talun nge hana nenge pingaria iuiu ero ke lange hana papalauna nenge pingaria iuiu, iri lochloch te eteia Iau lo.

Hipru 8:11 Iomraidhean Croise

Ioanes 6:45

Hetatalonga mur tehas ke, “‘Iri lochloch, lape NeHalang hetore iri.’ Ke iri lochloch nenge te longe NeHalang pe te nanasia, lape teat nge iau.

Hekulkulonga Mur Aria Ume 8:10

Pe hana papalauna pe hehei pe aina kinkino ngana mur te longo ke nek toto langa ana non nena helenga mur, pe leteria manmanna nge i. Ol pe te hele, “NeHalang nena kerkerenga palaungana toto koi tunge non nei.”

1 Ioanes 2:27

Pe Tuangaola nenga Opepengpeng nenge Iesus tunge lange imo, i amo hetoronga ia pe ngana la tu teu nge imo ke ulolo. Pe a mene hengetoro nge mele ero ol, iange I hetore imo nga ure lochloch. Pe ure nemur nenge hetoro imo ia, manmanna pe pallaklaka ia ero. Pe a rahite nena hengetoro mur ke kerkereng, pomalam lape atu luluch nge Kristus ke koko.

1 Ioanes 5:20

Pe pule ta eteia ke NeHalang Tuna at ke tunge letera matana ngana ke ta eteia NeHalang nge I manmanna. Pe ita tatu teu luluch nge NeHalang nge I manmanna iange letera manmanna nge Tuna Iesus Kristus. Iesus I NeHalang ke manmanna pe I maulinga ke koko.