Hipru 7:11 - Lote

¹¹ Iok, NeHalang tunge hotonga lochloch lange Israel mur, nge tunginga ana hana mur nenge te lohot nga mata nenge Liuai. Iange hotonga nem kikina ngana tu nge iri. Pe toinge te ume ke nek ke te halaua hehei pe hana, NeHalang lape kulos mule mele ke at ero ol. Pe nei ero. Pomalam NeHalang kulos sue tunginga ana none nge altoto lochloch nge Aron. Iange i pomange Melkisetek pengpeng.

Hipru 7:11 Iomraidhean Croise

Kalasia 2:21

Pe ehul rumek ia NeHalang ero iange letena poreke ngana palaungana toto. Pe nenge teke hotonga nemur te hemas mule ita ke ta pengpeng nga NeHalang matana, Kristus mete ngana nem lape luna ero toto!”

Kalasia 4:3

Nga tele ngana ita pule tapoi ke pomalam. Ita kinkino pe ta mene hengetoro nga hotonga nemur nga ich nei, nenge chiu hit tote ita.

Kalasia 4:9

Pe heueu nei a etei tote NeHalang lo, nem pe e teke NeHalang hetue imo ke tutuna mur imo ke ulolo. Pe pomerei toto nenge ahul mule ke la a heila teu mule imo nga ure makuk leilei ngana mur pe hotonga porekreke ngana mur nga ich nei? A teke la ure nemur te chiu hit mule imo pullo?

Hipru 5:10

Pe NeHalang tal hote i ke i tunginga ana non soke ke koko ke pomange Melkisetek.

Hipru 5:6

Pe NeHalang hele nga alalaha e pule ke teke, “Iong lape o lohot ke iong tunginga ana none ke koko, ke pomange Melkisetek.”

Hipru 6:20

Iange Iesus i muka teu langa kileng nem lo ke halaua ita. Pe lohot ke i Tunginga ana Non Soke ia ke ulolo ke pomange Melkisetek pe nga etue lochoch sapele.

Hipru 7:10

Pe i manmanna ke te hoe Liuai ero kura, nga etue nenge Melkisetek saolia Apraham nga kue. Pe Liuai tu ke maulul nga nette Apraham letena lo, nga etue nenge Apraham tungtunge ure nemur lala nge Melkisetek.

Hipru 7:12

Ke pomalam lape te hetaua hotonga mur lochloch iange tunginga ana non heueu ngana e at lo.

Hipru 7:13

Ana Non, tu teu nga mata nge altoto pe mata nem rahite ume nenge tunginga ana hana mur ero kura.

Hipru 7:15

Iok, ta esia ke mallaha toto ol. Tunginga ana none pule lohot ke mange Melkisetek toto.

Hipru 7:21

Pe nga etue nenge Iesus lohot ke I tunginga ana non, NeHalang hekerkereng tote na helenga pe hele ke teke, “Non Soke hele ke kerkereng toto pe lape hul mule nena helenga ero toto. Iong tunginga ana non pe lape o rahite ume nem nga etue lochloch sapele.”

Hipru 8:7

Pe toinge nike ana nem ume hot ke urana nike, lape heueu ngana e lohot ero ol.

Hipru 9:6

Ke ure nemur te poia iri ke pomalam. Pe nga etue lochloch tunginga ana hana mur teteu lala nga pele ana tokola nenge hot ke te popoia aria ume.